காலபாசத்

அருளியவர்: திருநாவுக்கரசர்
பண்: திருக்குறுந்தொகை
தலம்: பொது
நாடு: பொது

1

கண்டு கொள்ளரி யானைக் கனிவித்துப்பண்டு நான்செய்த பாழிமை கேட்டிரேல்கொண்ட பாணி கொடுகொட்டி தாளங்கைக்கொண்ட தொண்டரைத் துன்னிலுஞ் சூழலே.

சொற்பிரிப்பு

கண்டு கொள்ள அரியானைக் கனிவித்துப்பண்டு நான் செய்த பாழிமை கேட்டிரேல்,கொண்ட பாணி கொடுகொட்டி தாளம் கைக்-கொண்ட தொண்டரைத் துன்னிலும் சூழலே!

உரை

மூலத்தில் தமிழ் உரை இல்லை.

2

நடுக்கத் துள்ளும் நகையுளும் நம்பர்க்குக்கடுக்கக் கல்ல வடமிடு வார்கட்குக்கொடுக்கக் கொள்க வெனவுரைப் பார்களைஇடுக்கண் செய்யப் பெறீரிங்கு நீங்குமே.

சொற்பிரிப்பு

நடுக்கத்து உள்ளும் நகையுளும், நம்பர்க்குக்கடுக்கக் கல்லவடம் இடுவார்கட்குக்கொடுக்கக் கொள்க என உரைப்பார்களைஇடுக்கண் செய்யப் பெறீர், இங்கு நீங்குமே!

உரை

மூலத்தில் தமிழ் உரை இல்லை.

3

கார்கொள் கொன்றைக் கடிமலர்க் கண்ணியான்சீர்கொள் நாமஞ் சிவனென் றரற்றுவார்ஆர்க ளாகிலு மாக அவர்களைநீர்கள் சாரப் பெறீரிங்கு நீங்குமே.

சொற்பிரிப்பு

கார்கொள் கொன்றைக் கடிமலர்க் கண்ணியான்சீர்கொள் நாமம் சிவன் என்று அரற்றுவார்ஆர்கள் ஆகிலும் ஆக; அவர்களைநீர்கள் சாரப் பெறீர், இங்கு நீங்குமே!

உரை

மூலத்தில் தமிழ் உரை இல்லை.

4

சாற்றி னேன்சடை நீண்முடிச் சங்கரன்சீற்றங் காமன்கண் வைத்தவன் சேவடிஆற்ற வுங்களிப் பட்ட மனத்தராய்ப்போற்றி யென்றுரைப் பார்புடை போகலே.

சொற்பிரிப்பு

சாற்றினேன்; சடை நீள்முடிச் சங்கரன்,சீற்றம் காமன் கண் வைத்தவன், சேவடிஆற்றவும் களிப்பட்ட மனத்தராய்ப்,போற்றி! என்று உரைப்பார் புடை போகலே!

உரை

மூலத்தில் தமிழ் உரை இல்லை.

5

இறையென் சொன்மற வேல்நமன் றூதுவீர்பிறையும் பாம்பு முடைப்பெரு மான்றமர்நறவம் நாறிய நன்னறுஞ் சாந்திலும்நிறைய நீறணி வாரெதிர் செல்லலே.

சொற்பிரிப்பு

இறை என் சொல் மறவேல், நமன் தூதுவீர்!பிறையும் பாம்பும் உடைப் பெருமான் தமர்,நறவம் நாறிய நல்நறுஞ் சாந்திலும்நிறைய நீறு அணிவார், எதிர் செல்லலே!

உரை

மூலத்தில் தமிழ் உரை இல்லை.

6

வாம தேவன் வளநகர் வைகலுங்காம மொன்றில ராய்க்கை விளக்கொடுதாமந் தூபமுந் தண்ணறுஞ் சாந்தமும்ஏம மும்புனை வாரெதிர் செல்லலே.

சொற்பிரிப்பு

வாம தேவன் வளநகர் வைகலும்,காமம் ஒன்று இலராய்க், கை விளக்கொடு,தாமம், தூபமும் தண் நறும் சாந்தமும்,ஏமமும், புனைவார் எதிர் செல்லலே!

உரை

மூலத்தில் தமிழ் உரை இல்லை.

7

படையும் பாசமும் பற்றிய கையினீர்அடையன் மின்னம தீசன் அடியரைவிடைகொ ளூர்தியி னானடி யார்குழாம்புடைபு காதுநீர் போற்றியே போமினே.

சொற்பிரிப்பு

படையும் பாசமும் பற்றிய கையினீர்!அடையன்மின், நமது ஈசன் அடியரை!விடைகொள் ஊர்தியினான் அடியார் குழாம்புடைபுகாது, நீர் போற்றியே போமினே!

உரை

மூலத்தில் தமிழ் உரை இல்லை.

8

விச்சை யாவதும் வேட்கைமை யாவதும்நிச்சல் நீறணி வாரை நினைப்பதேஅச்ச மெய்தி அருகணை யாதுநீர்பிச்சை புக்கவன் அன்பரைப் பேணுமே.

சொற்பிரிப்பு

விச்சை ஆவதும் வேட்கைமை ஆவதும்,நிச்சல் நீறு அணிவாரை நினைப்பதே;அச்சம் எய்தி அருகு அணையாது, நீர்,பிச்சை புக்கவன் அன்பரைப் பேணுமே!

உரை

மூலத்தில் தமிழ் உரை இல்லை.

9

இன்னங் கேண்மின் இளம்பிறை சூடியமன்னன் பாதம் மனத்துட னேத்துவார்மன்னும் அஞ்செழுத் தாகிய மந்திரந்தன்னி லொன்றுவல் லாரையுஞ் சாரலே.

சொற்பிரிப்பு

இன்னம் கேண்மின் இளம்பிறை சூடியமன்னன் பாதம் மனத்துடன் ஏத்துவார்,மன்னும் அஞ்சு எழுத்து ஆகிய மந்திரம்தன்னில் ஒன்று வல்லாரையும், சாரலே!

உரை

மூலத்தில் தமிழ் உரை இல்லை.

10

மற்றுங் கேண்மின் மனப்பரிப் பொன்றின்றிச்சுற்றும் பூசிய நீற்றொடு கோவணம்ஒற்றை யேறுடை யானடியே யல்லாற்பற்றொன் றில்லிகள் மேற்படை போகலே.

சொற்பிரிப்பு

மற்றும் கேண்மின் மனப்பரிப்பு ஒன்று இன்றிச்சுற்றும் பூசிய நீற்றொடு, கோவணம்,ஒற்றை ஏறு, உடையான் அடியே அலால்பற்று ஒன்று இ(ல்)லிகள் மேல் படை போகலே!

உரை

மூலத்தில் தமிழ் உரை இல்லை.

11

அரக்கன் ஈரைந் தலையுமோர் தாளினால்நெருக்கி யூன்றியிட் டான்தமர் நிற்கிலுஞ்சுருக்கெ னாதங்குப் பேர்மின்கண் மற்றுநீர்சுருக்கெ னிற்சுட ரான்கழல் சூடுமே.

சொற்பிரிப்பு

அரக்கன் ஈர்-ஐந்தலையும் ஓர் தாளினால்நெருக்கி ஊன்றியிட்டான் தமர் நிற்கிலும்,சுருக்கெனாது, அங்குப் பேர்மின்கள்! மற்று நீர்சுருக்கெனில், சுடரான் கழல் சூடுமே.

உரை

மூலத்தில் தமிழ் உரை இல்லை.