தனி

அருளியவர்: திருநாவுக்கரசர்
பண்: திருக்குறுந்தொகை
தலம்: பொது
நாடு: பொது

ஐந்தாம் திருமுறை ›

1

ஏயி லானையெ னிச்சை யகம்படிக்கோயி லானைக் குணப்பெருங் குன்றினைவாயி லானை மனோன்மனி யைப்பெற்றதாயி லானைத் தழுவுமென் ஆவியே.

சொற்பிரிப்பு

ஏ இலானை என் இச்சை அகம்படிக்கோயிலானைக் குணப்பெருங் குன்றினை,வாயிலானை மனோன்மணியைப் பெற்றதாய் இலானைத் தழுவும், என் ஆவியே.

உரை

மூலத்தில் தமிழ் உரை இல்லை.

2

முன்னை ஞான முதற்றனி வித்தினைப்பின்னை ஞானப் பிறங்கு சடையனைஎன்னை ஞானத் திருளறுத் தாண்டவன்தன்னை ஞானத் தளையிட்டு வைப்பனே.

சொற்பிரிப்பு

முன்னை ஞான முதல் தனி வித்தினைப்;பின்னை ஞானப் பிறங்கு சடையனை;என்னை ஞானத்து இருள் அறுத்து, ஆண்டவன்தன்னை; ஞானத்தளை இட்டு வைப்பனே.

உரை

மூலத்தில் தமிழ் உரை இல்லை.

3

ஞானத் தாற்றொழு வார்சில ஞானிகள்ஞானத் தாற்றொழு வேனுனை நானலேன்ஞானத் தாற்றொழு வார்கள் தொழக்கண்டுஞானத் தாயுனை நானுந் தொழுவனே.

சொற்பிரிப்பு

ஞானத்தால் தொழுவார், சில ஞானிகள்;ஞானத்தால் தொழுவேன் உனை நான், அலேன்;ஞானத்தால் தொழுவார்கள் தொழக், கண்டு,ஞானத்தாய் உனை நானும் தொழுவனே.

உரை

மூலத்தில் தமிழ் உரை இல்லை.

4

புழுவுக் குங்குணம் நான்கெனக் கும்மதேபுழுவுக் கிங்கெனக் குள்ளபொல் லாங்கில்லைபுழுவி னுங்கடையேன்புனி தன்றமர்குழுவுக் கெவ்விடத் தேன்சென்று கூடவே.

சொற்பிரிப்பு

புழுவுக்கும் குணம் நான்கு; எனக்கும் அதே;புழுவுக்கு இங்கு எனக்கு உள்ள பொல்லாங்கு இல்லைபுழுவினும் கடையேன் புனிதன் தமர்குழுவுக்கு எவ்விடத்தேன், சென்று கூடவே?

உரை

மூலத்தில் தமிழ் உரை இல்லை.

5

மலையே வந்து விழினும் மனிதர்காள்நிலையி னின்று கலங்கப் பெறுதிரேல்தலைவ னாகிய ஈசன் றமர்களைக்கொலைசெய் யானைதான் கொன்றிடு கிற்குமே.

சொற்பிரிப்பு

மலையே வந்து விழினும், மனிதர்காள்!நிலையின் நின்று கலங்கப் பெறுதிரேல்?தலைவன் ஆகிய ஈசன் தமர்களைக்,கொலை செய் யானை தான் கொன்றிடு கிற்குமே?

உரை

மூலத்தில் தமிழ் உரை இல்லை.

6

கற்றுக் கொள்வன வாயுள நாவுளஇட்டுக் கொள்வன பூவுள நீருளகற்றைச் செஞ்சடை யானுளன் நாமுளோம்எற்றுக் கோநம னால்முனி வுண்பதே.

சொற்பிரிப்பு

கற்றுக் கொள்வன வாய் உள, நா உள;இட்டுக் கொள்வன பூ உள; நீர் உள;கற்றைச் செஞ்சடையான் உளன்; நாம் உளோம்;எற்றுக்கோ, நமனால் முனிவுண்பதே?

உரை

மூலத்தில் தமிழ் உரை இல்லை.

7

மனிதர் காளிங்கே வம்மொன்று சொல்லுகேன்கனிதந் தாற்கனி யுண்ணவும் வல்லிரேபுனிதன் பொற்கழல் ஈசனெ னுங்கனிஇனிது சாலவும் ஏசற் றவர்கட்கே.

சொற்பிரிப்பு

மனிதர்காள்! இங்கே வம்! ஒன்று சொல்லுகேன்;கனி தந்தால் கனி உண்ணவும் வல்லிரே?புனிதன், பொன்கழல் ஈசன், எனும் கனிஇனிது சாலவும் ஏசற்றவர்கட்கே.

உரை

மூலத்தில் தமிழ் உரை இல்லை.

8

என்னை யேதும் அறிந்திலன் எம்பிரான்தன்னை நானுமு னேது மறிந்திலேன்என்னைத் தன்னடி யானென் றறிதலுந்தன்னை நானும் பிரானென் றறிந்தெனே.

சொற்பிரிப்பு

என்னை ஏதும் அறிந்திலன், எம்பிரான்;தன்னை, நானும் முன் ஏதும் அறிந்திலேன்;என்னைத் தன் அடியான் என்று அறிதலும்,தன்னை நானும் பிரான் என்று அறிந்தெனே.

உரை

மூலத்தில் தமிழ் உரை இல்லை.

9

தெள்ளத் தேறித் தெளிந்துதித் திப்பதோர்உள்ளத் தேறல் அமுத ஒளிவெளிகள்ளத் தேன்கடி யேன்கவ லைக்கடல்வெள்ளத் தேனுக்கெவ் வாறு விளைந்ததே.

சொற்பிரிப்பு

தெள்ளத் தேறித் தெளிந்து, தித்திப்பது ஓர்உள்ளத் தேறல் அமுத ஒளி; வெளி;கள்ளத்தேன், கடியேன், கவலைக்கடல்வெள்ளத்தேனுக்கு எவ்வாறு விளைந்ததே?

உரை

மூலத்தில் தமிழ் உரை இல்லை.

10 Unavailable

இந்தப் பாடல் மூலத்தில் கிடைக்கப்பெறவில்லை. பாடல் வரிகள் இங்கே சேர்க்கப்படவில்லை.

இப்பதிகத்தில் 10-ம் பாடல் கிடைக்கப்பெறவில்லை.

சொற்பிரிப்பு

பாடல் கிடைக்கப்பெறவில்லை

உரை

பாடல் கிடைக்கப்பெறவில்லை