திருஎறும்பியூர்

அருளியவர்: திருநாவுக்கரசர்
பண்: திருக்குறுந்தொகை
தலம்: எறும்பியூர்
நாடு: சோழநாடு காவிரித் தென்கரை

1

விரும்பி யூறு விடேல்மட நெஞ்சமேகரும்பி னூறல்கண் டாய்கலந் தார்க்கவன்இரும்பி னூறல றாததோர் வெண்டலைஎறும்பி யூர்மலை யானெங்க ளீசனே.

சொற்பிரிப்பு

விரும்பி ஊறு விடேல், மட நெஞ்சமே!கரும்பின் ஊறல் கண்டாய், கலந்தார்க்கு அவன்;-இரும்பின் ஊறல் அறாதது ஓர் வெண்தலைஎறும்பியூர் மலையான், எங்கள் ஈசனே.

உரை

மூலத்தில் தமிழ் உரை இல்லை.

2

பிறங்கு செஞ்சடைப் பிஞ்ஞகன் பேணுசீர்க்கறங்கு பூத கணமுடைக் கண்ணுதல்நறுங்கு ழல்மட வாளொடு நாடொறும்எறும்பி யூர்மலை யானெங்க ளீசனே.

சொற்பிரிப்பு

பிறங்கு செஞ்சடைப் பிஞ்ஞகன்; பேணுசீர்க்கறங்கு பூத கணம்உடைக் கண்ணுதல்-நறுங்குழல் மடவாளொடு நாள்தொறும்எறும்பியூர் மலையான், எங்கள் ஈசனே.

உரை

மூலத்தில் தமிழ் உரை இல்லை.

3

மருந்து வானவர் தானவர்க் கின்சுவைபுரிந்த புன்சடைப் புண்ணியன் கண்ணுதல்பொருந்து பூண்முலை மங்கைநல் லாளொடும்எறும்பி யூர்மலை யானெங்க ளீசனே.

சொற்பிரிப்பு

மருந்து, வானவர் தானவர்க்கு இன்சுவை;புரிந்த புன்சடைப் புண்ணியன், கண்ணுதல்-பொருந்து பூண்முலை மங்கை நல்லாளொடும்எறும்பியூர் மலையான், எங்கள் ஈசனே.

உரை

மூலத்தில் தமிழ் உரை இல்லை.

4

நிறங்கொள் கண்டத்து நின்மலன் எம்மிறைமறங்கொள் வேற்கண்ணி வாணுதல் பாகமாய்அறம்பு ரிந்தருள் செய்தவெம் அங்கணன்எறும்பி யூர்மலை யானெங்க ளீசனே.

சொற்பிரிப்பு

நிறம்கொள் கண்டத்து நின்மலன்; எம் இறை;மறம்கொள் வேல்கண்ணி வாள்நுதல் பாகமாய்,அறம்புரிந்து அருள் செய்த எம் அங்கணன்-எறும்பியூர் மலையான், எங்கள் ஈசனே.

உரை

மூலத்தில் தமிழ் உரை இல்லை.

5

நறும்பொன் நாண்மலர்க் கொன்றையும் நாகமுந்துறும்பு செஞ்சடைத் தூமதி வைத்துவான்உறும்பொன் மால்வரைப் பேதையோ டூர்தொறும்எறும்பி யூர்மலை யானெங்க ளீசனே.

சொற்பிரிப்பு

நறும்பொன் நாள்மலர்க் கொன்றையும் நாகமும்துறும்பு செஞ்சடைத் தூமதி வைத்து, வான்உறும்பொன் மால்வரைப் பேதையோடு ஊர்தொறும்எறும்பியூர் மலையான், எங்கள் ஈசனே.

உரை

மூலத்தில் தமிழ் உரை இல்லை.

6

கறும்பி யூர்வன ஐந்துள காயத்தில்திறம்பி யூர்வன மற்றும் பலவுளகுறும்பி யூர்வதோர் கூட்டகத் திட்டெனைஎறும்பி யூரரன் செய்த இயற்கையே.

சொற்பிரிப்பு

கறும்பி ஊர்வன ஐந்து உள, காயத்தில்;திறம்பி ஊர்வன மற்றும் பல உள;குறும்பி ஊர்வது ஓர் கூட்டகத்து இட்டு, எனைஎறும்பியூர் அரன் செய்த இயற்கையே!

உரை

மூலத்தில் தமிழ் உரை இல்லை.

7

மறந்து மற்றிது பேரிடர் நாடொறுந்திறம்பி நீநினை யேல்மட நெஞ்சமேபுறஞ்செய் கோலக் குரம்பையி லிட்டெனைஎறும்பி யூரரன் செய்த இயற்கையே.

சொற்பிரிப்பு

மறந்தும், மற்று இது பேர்இடர்; நாள்தொறும்திறம்பி, நீ நினையேல், மட நெஞ்சமே!புறம் செய் கோலக் குரம்பையில் இட்டு, எனைஎறும்பியூர் அரன் செய்த இயற்கையே!

உரை

மூலத்தில் தமிழ் உரை இல்லை.

8

இன்ப மும்பிறப் பும்மிறப் பின்னொடுதுன்ப மும்முட னேவைத்த சோதியான்அன்ப னேயர னேயென் றரற்றுவார்க்கின்ப னாகும் எறும்பியூ ரீசனே.

சொற்பிரிப்பு

இன்பமும், பிறப்பும், இறப்பின்னொடு,துன்பமும் உடனே வைத்த சோதியான்-அன்பனே, அரனே! என்று அரற்றுவார்க்குஇன்பன் ஆகும் எறும்பியூர் ஈசனே.

உரை

மூலத்தில் தமிழ் உரை இல்லை.

9

கண்ணி றைந்த கனபவ ளத்திரள்விண்ணி றைந்த விரிசுடர்ச் சோதியான்உண்ணி றைந்துரு வாயுயி ராயவன்எண்ணி றைந்த எறும்பியூ ரீசனே.

சொற்பிரிப்பு

கண் நிறைந்த கன பவளத்திரள்;விண் நிறைந்த விரிசுடர்ச் சோதியான்;உள் நிறைந்து, உருவாய், உயிர் ஆயவன்எண் நிறைந்த எறும்பியூர் ஈசனே.

உரை

மூலத்தில் தமிழ் உரை இல்லை.

10

நிறங்கொள் மால்வரை ஊன்றி யெடுத்தலும்நறுங்கு ழல்மட வாள்நடுக் கெய்திடமறங்கொள் வாளரக் கன்வலி வாட்டினான்எறும்பி யூர்மலை எம்மிறை காண்மினே.

சொற்பிரிப்பு

நிறம்கொள் மால்வரை ஊன்றி எடுத்தலும்,நறுங்குழல் மடவாள் நடுக்கு எய்திட,மறம்கொள் வாள் அரக்கன் வலி வாட்டினான்எறும்பியூர் மலை எம் இறை; காண்மினே.

உரை

மூலத்தில் தமிழ் உரை இல்லை.