திருநீலக்குடி

அருளியவர்: திருநாவுக்கரசர்
பண்: திருக்குறுந்தொகை
தலம்: நீலக்குடி
நாடு: சோழநாடு காவிரித் தென்கரை

1

வைத்த மாடும் மனைவியும் மக்கள்நீர்செத்த போது செறியார் பிரிவதேநித்த நீலக் குடியர னைந்நினைசித்த மாகிற் சிவகதி சேர்திரே.

சொற்பிரிப்பு

வைத்த மாடும் மனைவியும், மக்கள், நீர்செத்த போது செறியார் பிரிவதே;நித்தம் நீலக்குடி அரனை நினைசித்தம் ஆகில் சிவகதி சேர்திரே.

உரை

மூலத்தில் தமிழ் உரை இல்லை.

2

செய்ய மேனியன் றேனொடு பால்தயிர்நெய்ய தாடிய நீலக் குடியரன்மைய லாய்மற வாமனத் தார்க்கெலாங்கையி லாமல கக்கனி யொக்குமே.

சொற்பிரிப்பு

செய்ய மேனியன் தேனொடு பால் தயிர்நெய் அது ஆடிய நீலக்குடி அரன்,மையலாய் மறவா மனத்தார்க்கு எலாம்கையில் ஆமலகக் கனி ஒக்குமே.

உரை

மூலத்தில் தமிழ் உரை இல்லை.

3

ஆற்ற நீள்சடை ஆயிழை யாளொருகூற்றன் மேனியிற் கோலம தாகியநீற்றன் நீலக் குடியுடை யானடிபோற்றி னாரிடர் போக்கும் புனிதனே.

சொற்பிரிப்பு

ஆற்ற நீள்சடை ஆயிழையாள் ஒரு-கூற்றன்; மேனியில் கோலம் அது ஆகியநீற்றன் - நீலக்குடி உடையான்; அடிபோற்றினார் இடர் போக்கும் புனிதனே.

உரை

மூலத்தில் தமிழ் உரை இல்லை.

4

நாலு வேதியர்க் கின்னருள் நன்னிழல்ஆலன் ஆலநஞ் சுண்டகண் டத்தமர்நீலன் நீலக் குடியுறை நின்மலன்கால னாருயிர் போக்கிய காலனே.

சொற்பிரிப்பு

நாலு வேதியர்க்கு இன்அருள் நன்நிழல்ஆலன்; ஆல நஞ்சு உண்டு கண்டத்து அமர்நீலன் - நீலக்குடி உறை நின்மலன்;காலன் ஆர் உயிர் போக்கிய காலனே.

உரை

மூலத்தில் தமிழ் உரை இல்லை.

5

நேச நீலக் குடியர னேயெனாநீச ராய்நெடு மால்செய்த மாயத்தால்ஈச னோர்சர மெய்ய எரிந்துபோய்நாச மானார் திரிபுர நாதரே.

சொற்பிரிப்பு

நேச நீலக்குடி அரனே! எனாநீசராய், நெடுமால் செய்த மாயத்தால்,ஈசன் ஓர் சரம் எய்ய எரிந்து போய்,நாசம் ஆனார் திரிபுர நாதரே.

உரை

மூலத்தில் தமிழ் உரை இல்லை.

6

கொன்றை சூடியைக் குன்ற மகளொடும்நின்ற நீலக் குடியர னேயெனீர்என்றும் வாழ்வுகந் தேயிறு மாக்குநீர்பொன்றும் போது நுமக்கறி வொண்ணுமே.

சொற்பிரிப்பு

கொன்றை சூடியைக் குன்ற மகளொடும்நின்ற நீலக்குடி அரனே! எனீர்என்றும் வாழ்வு உகந்தே இறுமாக்கும் நீர்;பொன்றும் போது நுமக்கு அறிவு ஒண்ணுமே?

உரை

மூலத்தில் தமிழ் உரை இல்லை.

7

கல்லி னோடெனைப் பூட்டி அமண்கையர்ஒல்லை நீர்புக நூக்கவென் வாக்கினால்நெல்லு நீள்வயல் நீலக் குடியரன்நல்ல நாமம் நவிற்றியுய்ந் தேனன்றே.

சொற்பிரிப்பு

கல்லினோடு எனைப் பூட்டி அமண்கையர்ஒல்லை நீர் புக நூக்க, என் வாக்கினால்,நெல்லு நீள்வயல் நீலக்குடி அரன்நல்ல நாமம் நவிற்றி, உய்ந்தேன் அன்றே!

உரை

மூலத்தில் தமிழ் உரை இல்லை.

8

அழகி யோமிளை யோமெனு மாசையால்ஒழுகி ஆவி உடல்விடு முன்னமேநிழல தார்பொழில் நீலக் குடியரன்கழல்கொள் சேவடி கைதொழு துய்ம்மினே.

சொற்பிரிப்பு

அழகியோம்; இளையோம் எனும் ஆசையால்ஒழுகி ஆவி உடல்விடும் முன்னமே,நிழல் அது ஆர்பொழில் நீலக்குடி அரன்கழல்கொள் சேவடி கைதொழுது, உய்ம்மினே!

உரை

மூலத்தில் தமிழ் உரை இல்லை.

9

கற்றைச் செஞ்சடைக் காய்கதிர் வெண்டிங்கள்பற்றிப் பாம்புடன் வைத்த பராபரன்நெற்றிக் கண்ணுடை நீலக் குடியரன்சுற்றித் தேவர் தொழுங்கழற் சோதியே.

சொற்பிரிப்பு

கற்றைச் செஞ்சடைக் காய்கதிர் வெண்திங்கள்பற்றிப் பாம்புடன் வைத்த பராபரன்-நெற்றிக் கண் உடை நீலக்குடி அரன்;சுற்றித் தேவர் தொழும் கழல் சோதியே.

உரை

மூலத்தில் தமிழ் உரை இல்லை.

10

தருக்கி வெற்பது தாங்கிய வீங்குதோள்அரக்க னாருட லாங்கொர் விரலினால்நெரித்து நீலக் குடியரன் பின்னையும்இரக்க மாயருள் செய்தனன் என்பரே.

சொற்பிரிப்பு

தருக்கி வெற்பு அது தாங்கிய வீங்குதோள்அரக்கனார் உடல் ஆங்கு ஓர் விரலினால்நெரித்து, நீலக்குடி அரன், பின்னையும்இரக்கமாய், அருள் செய்தனன் என்பரே.

உரை

மூலத்தில் தமிழ் உரை இல்லை.