திருக்கருவிலி

அருளியவர்: திருநாவுக்கரசர்
பண்: திருக்குறுந்தொகை
தலம்: கருவிலிக்கொட்டிட்டை
நாடு: சோழநாடு காவிரித் தென்கரை

1

மட்டிட் டகுழ லார்சுழ லில்வலைப்பட்டிட் டுமயங் கிப்பரி யாதுநீர்கட்டிட் டவினை போகக் கருவிலிக்கொட்டிட் டையுறை வான்கழல் கூடுமே.

சொற்பிரிப்பு

மட்டு இட்ட குழலார் சுழலில் வலைப்-பட்டிட்டு மயங்கிப் பரியாது, நீர்,கட்டிட்ட வினை போகக் கருவிலிக்கொட்டிட்டை உறைவான் கழல் கூடுமே!

உரை

மூலத்தில் தமிழ் உரை இல்லை.

2

ஞால(ம்)மல்கு மனிதர்காள் நாடொறும்ஏல மாமல ரோடிலை கொண்டுநீர்கால னார்வரு தன்முன் கருவிலிக்கோல வார்பொழிற் கொட்டிட்டை சேர்மினே.

சொற்பிரிப்பு

ஞாலம் மல்கு மனிதர்காள்! நாள்தொறும்ஏல மாமலரோடு இலை கொண்டு, நீர்,காலனார் வருதல் முன், கருவிலிக்,கோல வார்பொழில் கொட்டிட்டை சேர்மினே!

உரை

மூலத்தில் தமிழ் உரை இல்லை.

3

பங்க மாயின பேசப் பறைந்துநீர்மங்கு மாநினை யாதே மலர்கொடுகங்கை சேர்சடை யான்றன் கருவிலிக்கொங்கு வார்பொழிற் கொட்டிட்டை சேர்மினே.

சொற்பிரிப்பு

பங்கம் ஆயின பேசப் பறைந்து, நீர்,மங்குமா நினையாதே, மலர்கொடு,கங்கை சேர் சடையான் தன் கருவிலிக்,கொங்கு வார் பொழில் கொட்டிட்டை சேர்மினே!

உரை

மூலத்தில் தமிழ் உரை இல்லை.

4

வாடி நீர்வருந் தாதே மனிதர்காள்வேட னாய்விச யற்கருள் செய்தவெண்காட னாருறை கின்ற கருவிலிக்கோடு நீள்பொழிற் கொட்டிட்டை சேர்மினே.

சொற்பிரிப்பு

வாடி நீர் வருந்தாதே, மனிதர்காள்!-வேடனாய் விசயற்கு அருள் செய்த வெண்-காடனார் உறைகின்ற கருவிலிக்,கோடு நீள் பொழில் கொட்டிட்டை சேர்மினே!

உரை

மூலத்தில் தமிழ் உரை இல்லை.

5

உய்யு மாறிது கேண்மின் உலகத்தீர்பைகொள் பாம்பரை யான்படை யார்மழுக்கையி னானுறை கின்ற கருவிலிக்கொய்கொள் பூம்பொழிற் கொட்டிட்டை சேர்மினே.

சொற்பிரிப்பு

உய்யும் ஆறு இது கேண்மின்; உலகத்தீர்!பைகொள் பாம்பரையான், படை ஆர் மழுக்கையினான், உறைகின்ற கருவிலிக்,கொய்கொள் பூம்பொழில் கொட்டிட்டை சேர்மினே!

உரை

மூலத்தில் தமிழ் உரை இல்லை.

6

ஆற்ற வும்மவ லத்தழுந் தாதுநீர்தோற்றுந் தீயொடு நீர்நிலந் தூவெளிகாற்று மாகிநின் றான்றன் கருவிலிக்கூற்றங் காய்ந்தவன் கொட்டிட்டை சேர்மினே.

சொற்பிரிப்பு

ஆற்றவும் அவலத்து அழுந்தாது, நீர்,தோற்றும் தீயொடு நீர், நிலம், தூவெளி,காற்றும், ஆகி நின்றான் தன் கருவிலிக்,கூற்றம் காய்ந்தவன் கொட்டிட்டை சேர்மினே!

உரை

மூலத்தில் தமிழ் உரை இல்லை.

7

நில்லா வாழ்வு நிலைபெறு மென்றெண்ணிப்பொல்லா வாறு செயப்புரி யாதுநீர்கல்லா ரும்மதில் சூழ்தண் கருவிலிக்கொல்லே றூர்பவன் கொட்டிட்டை சேர்மினே.

சொற்பிரிப்பு

நில்லா வாழ்வு நிலைபெறும் என்று எண்ணிப்பொல்லா ஆறு செயப் புரியாது, நீர்,கல் ஆரும் மதில் சூழ் தண் கருவிலிக்,கொல் ஏறு ஊர்பவன் கொட்டிட்டை சேர்மினே!

உரை

மூலத்தில் தமிழ் உரை இல்லை.

8

பிணித்த நோய்ப்பிற விப்பிறி வெய்துமாறுணர்த்த லாமிது கேண்மின் உருத்திரகணத்தி னார்தொழு தேத்துங் கருவிலிக்குணத்தி னானுறை கொட்டிட்டை சேர்மினே.

சொற்பிரிப்பு

பிணித்த நோய்ப் பிறவிப் பிரிவு எய்தும் ஆறுஉணர்த்தல் ஆம்; இது கேண்மின்; உருத்திர-கணத்தினார் தொழுது ஏத்தும் கருவிலிக்,குணத்தினான் உறை கொட்டிட்டை சேர்மினே!

உரை

மூலத்தில் தமிழ் உரை இல்லை.

9

நம்பு வீரிது கேண்மின்கள் நாடொறும்எம்பி ரானென் றிமையவ ரேத்துமேகம்ப னாருறை கின்ற கருவிலிக்கொம்ப னார்பயில் கொட்டிட்டை சேர்மினே.

சொற்பிரிப்பு

நம்புவீர்; இது கேண்மின்கள்; நாள்தொறும்எம்பிரான்! என்று இமையவர் ஏத்தும் ஏ-கம்பனார் உறைகின்ற கருவிலிக்,கொம்பு அனார் பயில்கொட்டிட்டை சேர்மினே!

உரை

மூலத்தில் தமிழ் உரை இல்லை.

10

பாரு ளீரிது கேண்மின் பருவரைபேரு மாறெடுத் தானை யடர்த்தவன்கார்கொள் நீர்வயல் சூழ்தண் கருவிலிக்கூர்கொள் வேலினன் கொட்டிட்டை சேர்மினே.

சொற்பிரிப்பு

பார் உளீர்! இது கேண்மின்; பருவரைபேரும் ஆறு எடுத்தானை அடர்த்தவன்,கார்கொள் நீர்வயல் சூழ் தண் கருவிலிக்,கூர்கொள் வேலினன் கொட்டிட்டை சேர்மினே!

உரை

மூலத்தில் தமிழ் உரை இல்லை.