திருநள்ளாறு

அருளியவர்: திருநாவுக்கரசர்
பண்: திருக்குறுந்தொகை
தலம்: நள்ளாறு
நாடு: சோழநாடு காவிரித் தென்கரை

ஐந்தாம் திருமுறை ›

1

உள்ளா றாததோர் புண்டரி கத்திரள்தெள்ளா றாச்சிவ சோதித் திரளினைக்கள்ளா றாதபொற் கொன்றை கமழ்சடைநள்ளா றாவென நம்வினை நாசமே.

சொற்பிரிப்பு

உள் ஆறாதது ஓர் புண்டரிகத் திரள்,தெள்ஆறாச் சிவசோதித் திரளினைக்,கள் ஆறாத பொன் கொன்றை கமழ்சடைநள்ளாறா! என நம் வினை நாசமே.

உரை

மூலத்தில் தமிழ் உரை இல்லை.

2

ஆர ணப்பொரு ளாமரு ளாளனார்வார ணத்துரி போர்த்த மணாளனார்நார ணன்நண்ணி யேத்துநள் ளாறனார்கார ணக்கலை ஞானக் கடவுளே.

சொற்பிரிப்பு

ஆரணப்பொருளாம் அருளாளனார்வாரணத்து உரி போர்த்த மணாளனார்நாரணன் நண்ணி ஏத்தும் நள்ளாறனார்;காரணக் கலை ஞானக் கடவுளே.

உரை

மூலத்தில் தமிழ் உரை இல்லை.

3

மேகம் பூண்டதோர் மேருவிற் கொண்டெயில்சோகம் பூண்டழல் சோரத்தொட் டானவன்பாகம் பூண்டமால் பங்கயத் தானொடுநாகம் பூண்டுகூத் தாடுநள் ளாறனே.

சொற்பிரிப்பு

மேகம் பூண்டதோர் மேரு வில் கொண்டு, எயில்சோகம் பூண்டு அழல் சோரத், தொட் டான் அவன்பாகம் பூண்ட மால் பங்கயத்தானொடு,நாகம் பூண்டு கூத்து ஆடும் நள்ளாறனே.

உரை

மூலத்தில் தமிழ் உரை இல்லை.

4

மலியுஞ் செஞ்சடை வாளர வம்மொடுபொலியும் பூம்புனல் வைத்த புனிதனார்நலியுங் கூற்றை நலிந்தநள் ளாறர்தம்வலியுங் கண்டிறு மாந்து மகிழ்வனே.

சொற்பிரிப்பு

மலியும் செஞ்சடை வாள் அரவ(ம்)மொடுபொலியும் பூம்புனல் வைத்த புனிதனார்,நலியும் கூற்றைநலிந்த நள்ளாறர் தம்வலியும் கண்டு இறுமாந்து மகிழ்வனே.

உரை

மூலத்தில் தமிழ் உரை இல்லை.

5

உறவ னாய்நிறைந் துள்ளங் குளிர்ப்பவன்இறைவ னாகிநின் றெண்ணிறைந் தானவன்நறவ நாறும் பொழிற்றிரு நள்ளாறன்மறவ னாய்ப்பன்றிப் பின்சென்ற மாயமே.

சொற்பிரிப்பு

உறவனாய் நிறைந்து உள்ளம் குளிர்ப்பவன்;இறைவன் ஆகி நின்று எண் நிறைந்தான் அவன்-நறவம் நாறும் பொழில் திருநள்ளாறன்;மறவனாய்ப் பன்றிப் பின் சென்ற மாயமே!

உரை

மூலத்தில் தமிழ் உரை இல்லை.

6

செக்க ரங்கழி செஞ்சுடர்ச் சோதியார்நக்க ரங்கர வார்த்தநள் ளாறனார்வக்க ரன்னுயிர் வவ்விய மாயற்குச்சக்க ரமருள் செய்த சதுரரே.

சொற்பிரிப்பு

செக்கர் அங்கு அழி செஞ்சுடர்ச் சோதியார்;நக்கர் - அங்கு அரவு ஆர்த்த நள்ளாறனார்;வக்கரன் உயிர் வவ்விய மாயற்குச்சக்கரம் அருள் செய்த சதுரரே.

உரை

மூலத்தில் தமிழ் உரை இல்லை.

7

வஞ்ச நஞ்சிற் பொலிகின்ற கண்டத்தர்விஞ்சை யிற்செல்வப் பாவைக்கு வேந்தனார்வஞ்ச நெஞ்சத் தவர்க்கு வழிகொடார்நஞ்ச நெஞ்சர்க் கருளுநள் ளாறரே.

சொற்பிரிப்பு

வஞ்ச நஞ்சின் பொலிகின்ற கண்டத்தர்;விஞ்சையின் செல்வப் பாவைக்கு வேந்தனார்;வஞ்ச நெஞ்சத்தவர்க்கு வழிகொடார்நஞ்ச நெஞ்சர்க்கு அருளும் நள்ளாறரே.

உரை

மூலத்தில் தமிழ் உரை இல்லை.

8

அல்ல னென்று மலர்க்கரு ளாயினசொல்ல னென்றுசொல் லாமறைச் சோதியான்வல்ல னென்றும்வல் லார்வளம் மிக்கவர்நல்ல னென்றும்நல் லார்க்குநள் ளாறனே.

சொற்பிரிப்பு

அல்லன் என்றும் அலர்க்கு; அருள் ஆயினசொல்லன் என்று, சொல்லா மறைச் சோதியான்,-வல்லன் என்றும், வல்லார் வளம் மிக்கவர்;நல்லன், என்றும் நல்லார்க்கு, நள்ளாறனே.

உரை

மூலத்தில் தமிழ் உரை இல்லை.

9

பாம்ப ணைப்பள்ளி கொண்ட பரமனும்பூம்ப ணைப்பொலி கின்ற புராணனுந்தாம்ப ணிந்தளப் பொண்ணாத் தனித்தழல்நாம்ப ணிந்தடி போற்றுநள் ளாறனே.

சொற்பிரிப்பு

பாம்பு அணைப்பள்ளி கொண்ட பரமனும்,பூம்பணைப் பொலிகின்ற புராணனும்,தாம் பணிந்து அளப்ப ஒண்ணாத் தனித்தழல்-நாம் பணிந்து அடி போற்றும் நள்ளாறனே.

உரை

மூலத்தில் தமிழ் உரை இல்லை.

10

இலங்கை மன்னன் இருபது தோளிறமலங்க மால்வரை மேல்விரல் வைத்தவர்நலங்கொள் நீற்றர்நள் ளாறரை நாடொறும்வலங்கொள் வார்வினை யாயின மாயுமே.

சொற்பிரிப்பு

இலங்கை மன்னன் இருபது தோள் இறமலங்க மால்வரை மேல் விரல் வைத்தவர்,நலம்கொள் நீற்றர், நள்ளாறரை, நாள்தொறும்வலம்கொள்வார் வினை ஆயின மாயுமே.

உரை

மூலத்தில் தமிழ் உரை இல்லை.