திருப்பூவனூர்

அருளியவர்: திருநாவுக்கரசர்
பண்: திருக்குறுந்தொகை
தலம்: பூவனூர்
நாடு: சோழநாடு காவிரித் தென்கரை

1

பூவ னூர்ப்புனி தன்றிரு நாமந்தான்நாவின் நூறுநூ றாயிரம் நண்ணினார்பாவ மாயின பாறிப் பறையவேதேவர் கோவினுஞ் செல்வர்க ளாவரே.

சொற்பிரிப்பு

பூவ னூர்ப் புனிதன் திருநாமம் தான்நாவில் நூறு-நூறாயிரம் நண்ணினார்,பாவம் ஆயின பாறிப் பறையவே,தேவர் கோவினும் செல்வர்கள் ஆவரே.

உரை

மூலத்தில் தமிழ் உரை இல்லை.

2

என்ன னென்மனை எந்தையெ னாருயிர்தன்னன் றன்னடி யேன்றனமாகியபொன்னன் பூவனூர் மேவிய புண்ணியன்இன்ன னென்றறி வொண்ணான் இயற்கையே.

சொற்பிரிப்பு

என்னன், என் மனை, எந்தை, என் ஆர் உயிர்,தன்னன், தன் அடியேன் தனம் ஆகியபொன்னன் - பூவனூர் மேவிய புண்ணியன்;இன்னன் என்று அறிவு ஒண்ணான், இயற்கையே!

உரை

மூலத்தில் தமிழ் உரை இல்லை.

3

குற்றங் கூடிக் குணம்பல கூடாதீர்மற்றுந் தீவினை செய்தன மாய்க்கலாம்புற்ற ராவினன் பூவனூர் ஈசன்பேர்கற்று வாழ்த்துங் கழிவதன் முன்னமே.

சொற்பிரிப்பு

குற்றம் கூடிக் குணம் பல கூடாதீர்!மற்றும் தீவினை செய்தன மாய்க்கலாம்;புற்று அராவினன் பூவனூர் ஈசன் பேர்கற்று வாழ்த்தும் கழிவதன் முன்னமே!

உரை

மூலத்தில் தமிழ் உரை இல்லை.

4

ஆவின் மேவிய ஐந்தமர்ந் தாடுவான்தூவெண் ணீறு துதைந்தசெம் மேனியான்மேவ நூல்விரி வெண்ணியின் தென்கரைப்பூவ னூர்புகு வார்வினை போகுமே.

சொற்பிரிப்பு

ஆவில் மேவிய ஐந்து அமர்ந்து ஆடுவான்,தூவெண் நீறு துதைந்த செம்மேனியான்,மேவ நூல் விரி வெண்ணியின் தென்கரைப்-பூவனூர் புகுவார் வினை போகுமே.

உரை

மூலத்தில் தமிழ் உரை இல்லை.

5

புல்ல மூர்தியூர் பூவனூர் பூம்புனல்நல்ல மூர்திநல் லூர்நனி பள்ளியூர்தில்லை யூர்திரு வாரூர் சீர்காழிநல்வல்ல மூரென வல்வினை மாயுமே.

சொற்பிரிப்பு

புல்லம் ஊர்தி ஊர் பூவனூர், பூம்புனல்நல்லம், மூர்த்தி நல்லூர், நனிபள்ளி ஊர்,தில்லை ஊர், திருஆரூர், சீர்காழி நல்-வல்லம் ஊர் என வல்வினை மாயுமே.

உரை

மூலத்தில் தமிழ் உரை இல்லை.

6

அனுச யப்பட்ட துவிது வென்னாதேகனிம னத்தொடு கண்களும் நீர்மல்கிப்புனித னைப்பூவ னூரனைப் போற்றுவார்மனித ரிற்றலை யான மனிதரே.

சொற்பிரிப்பு

அனுசயப்பட்டு அது இது என்னாதே,கனி மனத்தொடு கண்களும் நீர் மல்கிப்,புனிதனைப் பூவனூரனைப் போற்றுவார்மனிதரில் தலையான மனிதரே.

உரை

மூலத்தில் தமிழ் உரை இல்லை.

7

ஆதி நாதன் அமரர்க ளர்ச்சிதன்வேத நாவன்வெற் பின்மடப் பாவையோர்பாதி யானான் பரந்த பெரும்படைப்பூத நாதன்தென் பூவனூர் நாதனே.

சொற்பிரிப்பு

ஆதி நாதன் அமரர்கள் அர்ச்சிதன்;வேத நாவன்; வெற்பின் மடப்பாவை ஓர்பாதி ஆனான் பரந்த பெரும்படைப்பூத நாதன் தென் பூவனூர் நாதனே.

உரை

மூலத்தில் தமிழ் உரை இல்லை.

8

பூவ னூர்தண் புறம்பயம் பூம்பொழில்நாவ லூர்நள் ளாறொடு நன்னிலங்கோவ லூர்குட வாயில் கொடுமுடிமூவ லூருமுக் கண்ணனூர் காண்மினே.

சொற்பிரிப்பு

பூவனூர், தண் புறம்பயம், பூம்பொழில்நாவலூர், நள்ளாறொடு, நன்னிலம்,கோவலூர், குடவாயில், கொடுமுடி,மூவலூரும் முக்கண்ணன் ஊர்; காண்மினே!

உரை

மூலத்தில் தமிழ் உரை இல்லை.

9

ஏவ மேது மிலாவம ணேதலர்பாவ காரிகள் சொல்வலைப் பட்டுநான்தேவ தேவன் திருநெறி யாகியபூவ னூர்புகு தப்பெற்ற நாளின்றே.

சொற்பிரிப்பு

ஏவம் ஏதும் இலா அமண் ஏதலர்பாவ காரிகள் சொல்வலைப் பட்டு, நான்,தேவ தேவன் திருநெறி ஆகியபூவனூர் புகுதப் பெற்ற நாள் இன்றே!

உரை

மூலத்தில் தமிழ் உரை இல்லை.

10

நார ணன்னொடு நான்முகன் இந்திரன்வார ணன்கும ரன்வணங் குங்கழற்பூர ணன்திருப் பூவனூர் மேவியகார ணன்னெனை யாளுடைக் காளையே.

சொற்பிரிப்பு

நாரணன்னொடு நான்முகன், இந்திரன்,வாரணன், குமரன், வணங்கும் கழல்பூரணன் திருப்பூவனூர் மேவியகாரணன்; எனை ஆள் உடைக் காளையே.

உரை

மூலத்தில் தமிழ் உரை இல்லை.

11

மைக்க டுத்த நிறத்தரக் கன்வரைபுக்கெ டுத்தலும் பூவனூ ரன்னடிமிக்க டுத்த விரல்சிறி தூன்றலும்பக்க டுத்தபின் பாடியுய்ந் தானன்றே.

சொற்பிரிப்பு

மைக்கடுத்த நிறத்து அரக்கன் வரைபுக்கு எடுத்தலும் பூவனூரன் அடிமிக்கு அடுத்த விரல் சிறிது ஊன்றலும்,பக்கு, அடுத்தபின் பாடி உய்ந்தான் அன்றே!

உரை

மூலத்தில் தமிழ் உரை இல்லை.