திருக்கடுவாய்க்கரைப்புத்தூர்

அருளியவர்: திருநாவுக்கரசர்
பண்: திருக்குறுந்தொகை
தலம்: கடுவாய்க்கரைப்புத்தூர்
நாடு: சோழநாடு காவிரித் தென்கரை

1

ஒருத்த னைமூ வுலகொடு தேவர்க்கும்அருத்த னையடி யேன்மனத் துள்ளமர்கருத்த னைக்கடு வாய்ப்புன லாடியதிருத்த னைப்புத்தூர் சென்றுகண் டுய்ந்தெனே.

சொற்பிரிப்பு

ஒருத்தனை, மூ உலகொடு தேவர்க்கும்அருத்தனை, அடியேன் மனத்துள் அமர்கருத்தனைக், கடுவாய்ப் புனல் ஆடியதிருத்தனைப், புத்தூர்ச் சென்று கண்டு உய்ந்தெனே.

உரை

மூலத்தில் தமிழ் உரை இல்லை.

2

யாவ ருமறி தற்கரி யான்றனைமூவ ரின்முத லாகிய மூர்த்தியைநாவின் நல்லுரை யாகிய நாதனைத்தேவனைப் புத்தூர் சென்றுகண் டுய்ந்தெனே.

சொற்பிரிப்பு

யாவரும்அறிதற்கு அரியான் தனைமூவரின் முதல் ஆகிய மூர்த்தியை,நாவின் நல் உரை ஆகிய நாதனைத்,தேவனைப், புத்தூர்ச் சென்று கண்டு உய்ந்தெனே.

உரை

மூலத்தில் தமிழ் உரை இல்லை.

3

அன்ப னையடி யாரிடர் நீக்கியைச்செம்பொ னைத்திக ழுந்திருக் கச்சியேகம்ப னைக்கடு வாய்க்கரைத் தென்புத்தூர்நம்ப னைக்கண்டு நானுய்யப் பெற்றெனே.

சொற்பிரிப்பு

அன்பனை, அடியார் இடர் நீக்கியைச்,செம்பொனைத், திகழும் திருக்கச்சி ஏ-கம்பனைக், கடுவாய்க் கரைத் தென்புத்தூர்நம்பனைக், கண்டு நான் உய்யப் பெற்றெனே.

உரை

மூலத்தில் தமிழ் உரை இல்லை.

4

மாத னத்தைமா தேவனை மாறிலாக்கோத னத்திலைந் தாடியை வெண்குழைக்காத னைக்கடு வாய்க்கரைத் தென்புத்தூர்நாத னைக்கண்டு நானுய்யப் பெற்றெனே.

சொற்பிரிப்பு

மா தனத்தை, மா தேவனை, மாறு இலாக்கோதனத்தில் ஐந்து ஆடியை, வெண்குழைக்காதனைக், கடுவாய்க் கரைத் தென்புத்தூர்நாதனைக், கண்டு நான் உய்யப் பெற்றெனே.

உரை

மூலத்தில் தமிழ் உரை இல்லை.

5

குண்டு பட்டகுற் றந்தவிர்த் தென்னையாட்கொண்டு நற்றிறங் காட்டிய கூத்தனைக்கண்ட னைக்கடு வாய்க்கரைத் தென்புத்தூர்அண்ட னைக்கண் டருவினை யற்றெனே.

சொற்பிரிப்பு

குண்டு பட்ட குற்றம் தவிர்த்து, என்னை ஆட்-கொண்டு, நல்-திறம் காட்டிய கூத்தனைக்;கண்டனைக்; கடுவாய்க் கரைத் தென்புத்தூர்அண்டனைக்; கண்டு அருவினை அற்றெனே.

உரை

மூலத்தில் தமிழ் உரை இல்லை.

6

பந்த பாச மறுத்தெனை யாட்கொண்டமைந்த னைம்மண வாளனை மாமலர்க்கந்த நீர்க்கடு வாய்க்கரைத் தென்புத்தூர்எந்தை யீசனைக் கண்டினி தாயிற்றே.

சொற்பிரிப்பு

பந்த பாசம் அறுத்து எனை ஆட்கொண்டமைந்தனை மணவாளனை மாமலர்க்கந்த நீர்க் கடுவாய்க் கரைத் தென்புத்தூர்எந்தை ஈசனைக் கண்டு இனிது ஆயிற்றே.

உரை

மூலத்தில் தமிழ் உரை இல்லை.

7

உம்ப ரானை உருத்திர மூர்த்தியைஅம்ப ரானை அமலனை ஆதியைக்கம்பு நீர்க்கடு வாய்க்கரைத் தென்புத்தூர்எம்பி ரானைக்கண் டின்பம தாயிற்றே.

சொற்பிரிப்பு

உம்பரானை உருத்திர மூர்த்தியை,அம்பரானை அமலனை, ஆதியைக்,கம்பு நீர்க் கடுவாய்க் கரைத் தென்புத்தூர்எம்பிரானைக், கண்டு இன்பம் அது ஆயிற்றே.

உரை

மூலத்தில் தமிழ் உரை இல்லை.

8

மாசார் பாச மயக்கறு வித்தெனுள்நேச மாகிய நித்த மணாளனைப்பூச நீர்க்கடு வாய்க்கரைத் தென்புத்தூர்ஈச னேயென இன்பம தாயிற்றே.

சொற்பிரிப்பு

மாசு ஆர் பாச மயக்கு அறுவித்து, எனுள்நேசம் ஆகிய நித்த மணாளனைப்,பூசம் நீர்க் கடுவாய்க் கரைத் தென்புத்தூர்ஈசனே! என இன்பம் அது ஆயிற்றே.

உரை

மூலத்தில் தமிழ் உரை இல்லை.

9

இடுவா ரிட்ட கவளங் கவர்ந்திருகடுவா யிட்டவர் கட்டுரை கொள்ளாதேகடுவாய்த் தென்கரைப் புத்தூ ரடிகட்காட்படவே பெற்றுநான் பாக்கியஞ் செய்தெனே.

சொற்பிரிப்பு

இடுவார் இட்ட கவளம் கவர்ந்து இருகடுவாய் இட்டவர் கட்டுரை கொள்ளாதே,கடுவாய்த் தென்கரைப் புத்தூர் அடிகட்கு ஆட்-படவே பெற்று, நான் பாக்கியம் செய்தெனே.

உரை

மூலத்தில் தமிழ் உரை இல்லை.

10

அரக்க னாற்றல் அழித்தவன் பாடல்கேட்டிரக்க மாகி அருள்புரி யீசனைத்திரைக்கொள் நீர்க்கடு வாய்க்கரைத் தென்புத்தூர்இருக்கு நாதனைக் காணப்பெற் றுய்ந்தெனே.

சொற்பிரிப்பு

அரக்கன் ஆற்றல் அழித்து அவன் பாடல் கேட்டுஇரக்கம் ஆகி அருள்புரி ஈசனைத்,திரைக்கொள் நீர்க் கடுவாய்க் கரைத் தென்புத்தூர்இருக்கும் நாதனைக் காணப்பெற்று உய்ந்தெனே.

உரை

மூலத்தில் தமிழ் உரை இல்லை.