திருஅரிசிற்கரைப்புத்தூர்

அருளியவர்: திருநாவுக்கரசர்
பண்: திருக்குறுந்தொகை
தலம்: அரிசிற்கரைப்புத்தூர்
நாடு: சோழநாடு காவிரித் தென்கரை

1

முத்தூ ரும்புனல் மொய்யரி சிற்கரைப்புத்தூ ரன்னடி போற்றியென் பாரெலாம்பொய்த்தூ ரும்புல னைந்தொடு புல்கியமைத்தூ ரும்வினை மாற்றவும் வல்லரே.

சொற்பிரிப்பு

முத்து ஊரும் புனல் மொய் அரிசிற்கரைப்-புத்தூரன் அடி போற்றி! என்பார் எலாம்பொய்த்து ஊரும் புலன் ஐந்தொடு புல்கியமைத்து ஊரும் வினை மாற்றவும் வல்லரே.

உரை

மூலத்தில் தமிழ் உரை இல்லை.

2

பிறைக்க ணிச்சடை யெம்பெரு மானென்றுகறைக்க ணித்தவர் கண்ட வணக்கத்தாய்உறக்க ணித்துரு காமனத் தார்களைப்புறக்க ணித்திடும் புத்தூர்ப் புனிதரே.

சொற்பிரிப்பு

பிறைக் க(ண்)ணிச் சடை எம்பெருமான் என்று-கறைக் கணித்தவர் கண்ட வணக்கத்தாய்உறக்கணித்து உருகா மனத்தார்களைப்புறக்கணித்திடும் புத்தூர்ப் புனிதரே.

உரை

மூலத்தில் தமிழ் உரை இல்லை.

3

அரிசி லின்கரை மேலணி யார்தருபுரிசை நந்திருப் புத்தூர்ப் புனிதனைப்பரிசொ டும்பர விப்பணி வார்க்கெலாந்துரிசில் நன்னெறி தோன்றிடுங் காண்மினே.

சொற்பிரிப்பு

அரிசிலின் கரை மேல், அணி ஆர் தருபுரிசை, நம் திருப் புத்தூர்ப் புனிதனைப்பரிசொடும் பரவிப் பணிவார்க்கு எலாம்துரிசு இல் நன்நெறி தோன்றிடும்; காண்மினே!

உரை

மூலத்தில் தமிழ் உரை இல்லை.

4

வேத னைமிகு வீணையில் மேவியகீத னைக்கிள ருந்நறுங் கொன்றையம்போத னைப்புனல் சூழ்ந்தபுத் தூரனைநாத னைந்நினைந் தென்மனம் நையுமே.

சொற்பிரிப்பு

வேதனை, மிகு வீணையில் மேவியகீதனைக், கிளரும் நறுங் கொன்றை அம்-போதனைப், புனல் சூழ்ந்த புத்தூரனை,நாதனை, நினைந்து என் மனம் நையுமே.

உரை

மூலத்தில் தமிழ் உரை இல்லை.

5

அருப்புப் போன்முலை யாரல்லல் வாழ்க்கைமேல்விருப்புச் சேர்நிலை விட்டுநல் லிட்டமாய்த்திருப்புத் தூரனைச் சிந்தை செயச்செயக்கருப்புச் சாற்றிலும் அண்ணிக்குங் காண்மினே.

சொற்பிரிப்பு

அருப்புப் போல் முலையார் அல்லல் வாழ்க்கைமேல்விருப்புச் சேர் நிலை விட்டு, நல் இட்டமாய்த்,திருப்புத்தூரனைச் சிந்தை செயச்செயக்,கருப்புச் சாற்றிலும் அண்ணிக்கும் காண்மினே.

உரை

மூலத்தில் தமிழ் உரை இல்லை.

6

பாம்பொ டுமதி யும்படர் புன்சடைப்பூம்பு னலும்பொ திந்தபுத் தூருளான்நாம்ப ணிந்தடி போற்றிட நாடொறுஞ்சாம்பல் என்பு தனக்கணி யாகுமே.

சொற்பிரிப்பு

பாம்பொடு மதியும் படர் புன்சடைப்பூம்புனலும் பொதிந்த புத்தூர் உளான்,நாம் பணிந்து அடி போற்றிட, நாள்தொறும்சாம்பல் என்பு தனக்கு அணி ஆகுமே.

உரை

மூலத்தில் தமிழ் உரை இல்லை.

7

கனலங் கைதனி லேந்திவெங் காட்டிடைஅனலங் கெய்திநின் றாடுவர் பாடுவர்பினலஞ் செஞ்சடை மேற்பிறை யுந்தருபுனலுஞ் சூடுவர் போலும்புத் தூரரே.

சொற்பிரிப்பு

கனல் அங்கை தனில் ஏந்தி, வெங்காட்டிடைஅனல் அங்கு எய்தி, நின்று ஆடுவர்; பாடுவர்;பினல் அம் செஞ்சடை மேல் பிலயம் தருபுனலும் சூடுவர் போலும் புத்தூரரே.

உரை

மூலத்தில் தமிழ் உரை இல்லை.

8

காற்றி னுங்கடி தாகி நடப்பதோர்ஏற்றி னும்மிசைந் தேறுவர் என்பொடுநீற்றி னையணி வர்நினை வாய்த்தமைப்போற்றி யென்பவர்க் கன்பர்புத் தூரரே.

சொற்பிரிப்பு

காற்றினும் கடிது ஆகி நடப்பது ஓர்ஏற்றினும் இசைந்து ஏறுவர்; என்பொடுநீற்றினை அணிவர்; நினைவாய்த் தமைப்,போற்றி! என்பவர்க்கு அன்பர் புத்தூரரே.

உரை

மூலத்தில் தமிழ் உரை இல்லை.

9

முன்னும் முப்புரஞ் செற்றன ராயினும்அன்ன மொப்பர் அலந்தடைந் தார்க்கெலாம்மின்னு மொப்பர் விரிசடை மேனிசெம்பொன்னு மொப்பர்புத் தூரெம் புனிதரே.

சொற்பிரிப்பு

முன்னும் முப்புரம் செற்றனர் ஆயினும்அன்னம் ஒப்பர் அலந்து அடைந்தார்க்கு எலாம்;மின்னும் ஒப்பர் விரிசடை; மேனி செம்-பொன்னும் ஒப்பர் புத்தூர் எம் புனிதரே.

உரை

மூலத்தில் தமிழ் உரை இல்லை.

10

செருத்த னால்தன தேர்செல வுய்த்திடுங்கருத்த னாய்க்கயி லையெடுத் தானுடல்பருத்த தோள்கெடப் பாதத் தொருவிரல்பொருத்தி னார்பொழி லார்ந்தபுத் தூரரே.

சொற்பிரிப்பு

செருத் தனால் தன தேர் செல உய்த்திடும்கருத்தனாய்க் கயிலை எடுத்தான் உடல்,பருத்த தோள் கெடப் பாதத்து ஒரு விரல்பொருத்தினார் பொழில் ஆர்ந்த புத்தூரரே.

உரை

மூலத்தில் தமிழ் உரை இல்லை.