திருமாற்பேறு

அருளியவர்: திருநாவுக்கரசர்
பண்: திருக்குறுந்தொகை
தலம்: மாற்பேறு
நாடு: தொண்டைநாடு

1

பொருமாற் றின்படை வேண்டிநற் பூம்புனல்வருமாற் றின்மலர் கொண்டு வழிபடுங்கருமாற் கின்னருள் செய்தவன் காண்டகுதிருமாற் பேறு தொழவினை தேயுமே.

சொற்பிரிப்பு

பொரும் ஆற்றின் படை வேண்டி, நல் பூம்புனல்வரும் ஆற்றின் மலர் கொண்டு, வழிபடும்கருமாற்கு இன்அருள் செய்தவன் காண் தகுதிருமாற்பேறு தொழ, வினை தேயுமே.

உரை

மூலத்தில் தமிழ் உரை இல்லை.

2

ஆலத் தார்நிழ லில்லறம் நால்வர்க்குக்கோலத் தாலுரை செய்தவன் குற்றமில்மாலுக் காரருள் செய்தவன் மாற்பேறுஏலத் தான்றொழு வார்க்கிட ரில்லையே.

சொற்பிரிப்பு

ஆலத்து ஆர் நிழலில் அறம் நால்வர்க்குக்கோலத்தால் உரை செய்தவன், குற்றம் இல்மாலுக்கு ஆர் அருள் செய்தவன், மாற்பேறுஏலத் தான் தொழுவார்க்கு இடர் இல்லையே.

உரை

மூலத்தில் தமிழ் உரை இல்லை.

3

துணிவண் ணச்சுட ராழிகொள் வானெண்ணிஅணிவண் ணத்தலர் கொண்டடி யர்ச்சித்தமணிவண் ணற்கருள் செய்தவன் மாற்பேறுபணிவண் ணத்தவர்க் கில்லையாம் பாவமே.

சொற்பிரிப்பு

துணி வண்ணச் சுடர் ஆழி கொள்வான் எண்ணி,அணி வண்ணத்து அலர் கொண்டு அடி அர்ச்சித்தமணிவண்ணற்கு அருள் செய்தவன் மாற்பேறுபணி வண்ணத்தவர்க்கு இல்லை ஆம், பாவமே.

உரை

மூலத்தில் தமிழ் உரை இல்லை.

4

தீத வைசெய்து தீவினை வீழாதேகாதல் செய்து கருத்தினில் நின்றநன்மாத வர்பயில் மாற்பேறு கைதொழப்போது மின்வினை யாயின போகுமே.

சொற்பிரிப்பு

தீது அவை செய்து தீவினை வீழாதே,காதல் செய்து கருத்தினில் நின்ற நல்மாதவர் பயில் மாற்பேறு கைதொழப்போதுமின்! வினை ஆயின போகுமே.

உரை

மூலத்தில் தமிழ் உரை இல்லை.

5

வார்கொள் மென்முலை மங்கையொர் பங்கினன்வார்கொள் நன்முர சம்மறை யவ்வறைவார்கொள் பைம்பொழில் மாற்பேறு கைதொழுவார்கள் மன்னுவர் பொன்னுல கத்திலே.

சொற்பிரிப்பு

வார்கொள் மென்முலை மங்கை ஓர் பங்கினன்,வார்கொள் நல் முரசம் அறைய அறைவார்கொள் பைம்பொழில் மாற்பேறு கைதொழு-வார்கள் மன்னுவர் பொன்னுலகத்திலே.

உரை

மூலத்தில் தமிழ் உரை இல்லை.

6

பண்டை வல்வினை பற்றறுக் கும்வகைஉண்டு சொல்லுவன் கேண்மின் ஒளிகிளர்வண்டு சேர்பொழில் சூழ்திரு மாற்பேறுகண்டு கைதொழத் தீருங் கவலையே.

சொற்பிரிப்பு

பண்டை வல்வினை பற்று அறுக்கும் வகைஉண்டு; சொல்லுவன் கேண்மின்; ஒளிகிளர்வண்டு சேர்பொழில் சூழ் திருமாற்பேறுகண்டு கை தொழத் தீரும், கவலையே.

உரை

மூலத்தில் தமிழ் உரை இல்லை.

7

மழுவ லான்றிரு நாமம் மகிழ்ந்துரைத்தழவ லார்களுக் கன்புசெய் தின்பொடும்வழுவி லாவருள் செய்தவன் மாற்பேறுதொழவ லார்தமக் கில்லை துயரமே.

சொற்பிரிப்பு

மழுவலான் திருநாமம் மகிழ்ந்து உரைத்துஅழவலார்களுக்கு அன்பு செய்து இன்பொடும்வழு இலா அருள் செய்தவன் மாற்பேறுதொழவலார் தமக்கு இல்லை, துயரமே.

உரை

மூலத்தில் தமிழ் உரை இல்லை.

8

முன்ன வனுல குக்கு முழுமணிப்பொன்ன வன்றிகழ் முத்தொடு போகமாம்மன்ன வன்றிரு மாற்பேறு கைதொழும்அன்ன வரெமை யாளுடை யார்களே.

சொற்பிரிப்பு

முன்னவன், உலகுக்கு; முழுமணிப்பொன் அவன். திகழ் முத்தொடு; போகம் ஆம்மன்னவன்; திருமாற்பேறு கைதொழும்அன்னவர் எமை ஆள் உடையார்களே.

உரை

மூலத்தில் தமிழ் உரை இல்லை.

9

வேட னாய்விச யன்னொடும் எய்துவெங்காடு நீடுகந் தாடிய கண்ணுதல்மாட நீடுய ருந்திரு மாற்பேறுபாடு வார்பெறு வார்பர லோகமே.

சொற்பிரிப்பு

வேடனாய் விசய(ன்)னொடும் எய்து வெங்-காடு நீடு உகந்து ஆடிய கண்ணுதல்-மாடம் நீடு உயரும் திருமாற்பேறுபாடுவார் பெறுவார், பரலோகமே.

உரை

மூலத்தில் தமிழ் உரை இல்லை.

10

கருத்த னாய்க்கயி லாய மலைதனைத்தருக்கி னாலெடுத் தானைத் தகரவேவருத்தி யாரருள் செய்தவன் மாற்பேறுஅருத்தி யாற்றொழு வார்க்கில்லை அல்லலே.

சொற்பிரிப்பு

கருத்தனாய்க் கயிலாய மலை தனைத்தருக்கினால் எடுத்தானைத் தகரவேவருத்தி, ஆர் அருள் செய்தவன் மாற்பேறுஅருத்தியால் தொழுவார்க்கு இல்லை, அல்லலே.

உரை

மூலத்தில் தமிழ் உரை இல்லை.