திருக்கோளிலி

அருளியவர்: திருநாவுக்கரசர்
பண்: திருக்குறுந்தொகை
தலம்: கோளிலி
நாடு: சோழநாடு காவிரித் தென்கரை

1

மைக்கொள் கண்ணுமை பங்கினன் மான்மழுத்தொக்க கையினன் செய்யதோர் சோதியன்கொக்க மர்பொழில் சூழ்தரு கோளிலிநக்க னைத்தொழ நம்வினை நாசமே.

சொற்பிரிப்பு

மைக்கொள் கண் உமை பங்கினன், மான் மழுத்தொக்க கையினன் செய்யது ஓர் சோதியன்,கொக்கு அமர் பொழில் சூழ் தரு கோளிலிநக்கனைத் தொழ நம் வினை நாசமே.

உரை

மூலத்தில் தமிழ் உரை இல்லை.

2

முத்தி னைமுத லாகிய மூர்த்தியைவித்தி னைவிளை வாய விகிர்தனைக்கொத்த லர்பொழில் சூழ்தரு கோளிலிஅத்த னைத்தொழ நீங்கும்நம் மல்லலே.

சொற்பிரிப்பு

முத்தினை, முதல் ஆகிய மூர்த்தியைவித்தினை, விளைவு ஆய விகிர்தனைக்,கொத்து அலர் பொழில் சூழ் தரு கோளிலிஅத்தனைத் தொழ நீங்கும், நம் அல்லலே.

உரை

மூலத்தில் தமிழ் உரை இல்லை.

3

வெண்டி ரைப்பர வைவிட முண்டதோர்கண்ட னைக்கலந் தார்தமக் கன்பனைக்கொண்ட லம்பொழிற் கோளிலி மேவியஅண்ட னைத்தொழு வார்க்கல்ல லில்லையே.

சொற்பிரிப்பு

வெண் திரைப் பரவை விடம் உண்டது ஓர்கண்டனைக், கலந்தார் தமக்கு அன்பனைக்,கொண்டல் அம் பொழில் கோளிலி மேவியஅண்ட னைத் தொழுவார்க்கு அல்லல் இல்லையே.

உரை

மூலத்தில் தமிழ் உரை இல்லை.

4

பலவும் வல்வினை பாறும் பரிசினால்உலவுங் கங்கையுந் திங்களும் ஒண்சடைகுலவி னான்குளி ரும்பொழிற் கோளிலிநிலவி னான்றனை நித்தல் நினைமினே.

சொற்பிரிப்பு

பலவும் வல்வினை பாறும் பரிசினால்-உலவும் கங்கையும் திங்களும் ஒண்சடைகுலவினான், குளிரும் பொழில் கோளிலிநிலவினான் தனை நித்தல் நினைமினே!

உரை

மூலத்தில் தமிழ் உரை இல்லை.

5

அல்ல லாயின தீரும் அழகியமுல்லை வெண்முறு வல்லுமை யஞ்சவேகொல்லை யானை யுரித்தவன் கோளிலிச்செல்வன் சேவடி சென்று தொழுமினே.

சொற்பிரிப்பு

அல்லல் ஆயின தீரும்; அழகியமுல்லை வெண் முறுவல் உமை அஞ்சவே,கொல்லை யானை உரித்தவன், கோளிலிச்செல்வன், சேவடி சென்று தொழுமினே.

உரை

மூலத்தில் தமிழ் உரை இல்லை.

6

ஆவின் பால்கண் டளவில் அருந்தவப்பாலன் வேண்டலுஞ் செல்லென்று பாற்கடல்கூவி னான்குளி ரும்பொழிற் கோளிலிமேவி னானைத் தொழவினை வீடுமே.

சொற்பிரிப்பு

ஆவின் பால் கண்டு அளவு இல் அருந்தவப்பாலன் வேண்டலும் செல்! என்று பாற்கடல்கூவினான், குளிரும் பொழில் கோளிலிமேவினானைத் தொழ வினை வீடுமே.

உரை

மூலத்தில் தமிழ் உரை இல்லை.

7

சீர்த்த நன்மனை யாளுஞ் சிறுவரும்ஆர்த்த சுற்றமும் பற்றிலை யாதலாற்கூத்த னாருறை யுந்திருக் கோளிலிஏத்தி நீர்தொழு மின்னிடர் தீருமே.

சொற்பிரிப்பு

சீர்த்த நல் மனையாளும் சிறுவரும்ஆர்த்த சுற்றமும் பற்று இலை ஆதலால்,கூத்தனார் உறையும் திருக்கோளிலிஏத்தி, நீர், தொழுமின்! இடர் தீருமே.

உரை

மூலத்தில் தமிழ் உரை இல்லை.

8

மால தாகி மயங்கும் மனிதர்காள்காலம் வந்து கடைமுடி யாமுனங்கோல வார்பொழிற் கோளிலி மேவியநீல கண்டனை நின்று நினைமினே.

சொற்பிரிப்பு

மால் அது ஆகி மயங்கும் மனிதர்காள்!காலம் வந்து கடைமுடியா முனம்,கோல வார்பொழில் கோளிலி மேவியநீல கண்டனை நின்று நினைமினே!

உரை

மூலத்தில் தமிழ் உரை இல்லை.

9

கேடு மூடிக் கிடந்துண்ணு நாடதுதேடி நீர்திரி யாதே சிவகதிகூட லாந்திருக் கோளிலி ஈசனைப்பாடு மின்னிர வோடு பகலுமே.

சொற்பிரிப்பு

கேடு மூடிக் கிடந்து உண்ணும் நாடு அது தேடி, நீர், திரியாதே சிவகதிகூடல் ஆம்; திருக் கோளிலி ஈசனைப்பாடு மின், இரவோடு பகலுமே.

உரை

மூலத்தில் தமிழ் உரை இல்லை.

10

மடுத்து மாமலை யேந்தலுற் றான்றனைஅடர்த்துப் பின்னும் இரங்கி யவற்கருள்கொடுத்த வன்னுறை கோளிலி யேதொழவிடுத்து நீங்கிடும் மேலை வினைகளே.

சொற்பிரிப்பு

மடுத்து மாமலை ஏந்தல் உற் றான் தனைஅடர்த்துப், பின்னும் இரங்கி, அவற்கு அருள்கொடுத்தவன் உறை கோளிலியே தொழ,விடுத்து நீங்கிடும் மேலை வினைகளே.

உரை

மூலத்தில் தமிழ் உரை இல்லை.