திருவதிகைவீரட்டம்

அருளியவர்: திருநாவுக்கரசர்
பண்: திருக்குறுந்தொகை
தலம்: அதிகை வீரட்டானம்
நாடு: நடுநாடு

1

எட்டு நாண்மலர் கொண்டவன் சேவடிமட்ட லரிடு வார்வினை மாயுமால்கட்டித் தேன்கலந் தன்ன கெடிலவீரட்ட னாரடி சேரு மவருக்கே.

சொற்பிரிப்பு

எட்டு நாள்மலர் கொண்டு, அவன் சேவடிமட்டு அலர், இடுவார் வினை மாயுமால்கட்டித்தேன் கலந்தன்ன கெடில வீரட்டனார் அடி சேரும் அவருக்கே.

உரை

மூலத்தில் தமிழ் உரை இல்லை.

2

நீள மாநினைந் தெண்மலர் இட்டவர்கோள வல்வினை யுங்குறை விப்பரால்வாள மாலிழி யுங்கெடி லக்கரைவேளி சூழ்ந்தழ காய வீரட்டரே.

சொற்பிரிப்பு

நீளமா நினைந்து எண்மலர் இட்டவர்கோள வல்வினையும் குறைவிப்பரால்வாள மா இழியும் கெடிலக்கரை,வேளி சூழ்ந்து, அழகாய வீரட்டரே.

உரை

மூலத்தில் தமிழ் உரை இல்லை.

3

கள்ளின் நாண்மல ரோரிரு நான்குகொண்டுள்குவா ரவர் வல்வினை யோட்டுவார்தெள்ளு நீர்வயல் பாய்கெடி லக்கரைவெள்ளை நீறணி மேனிவீ ரட்டரே.

சொற்பிரிப்பு

கள்ளின் நாள்மலர் ஓர் இரு-நான்கு கொண்டுஉள்குவார் அவர் வல்வினை ஓட்டுவார்தெள்ளு நீர்வயல் பாய் கெடிலக்கரை,வெள்ளை நீறு அணி மேனி, வீரட்டரே.

உரை

மூலத்தில் தமிழ் உரை இல்லை.

4

பூங்கொத் தாயின மூன்றொடோ ரைந்திட்டுவாங்கி நின்றவர் வல்வினை யோட்டுவார்வீங்கு தண்புனல் பாய்கெடி லக்கரைவேங்கைத் தோலுடை யாடைவீ ரட்டரே.

சொற்பிரிப்பு

பூங்கொத்து ஆயின மூன்றொடு ஓர் ஐந்து இட்டுவாங்கி நின்றவர் வல்வினை ஓட்டுவார்-வீங்கு தண்புனல் பாய் கெடிலக்கரை,வேங்கைத் தோல் உடை ஆடை வீரட்டரே.

உரை

மூலத்தில் தமிழ் உரை இல்லை.

5

தேனப் போதுகள் மூன்றொடோ ரைந்துடன்தானப் போதிடு வார்வினை தீர்ப்பவர்மீனத் தண்புனல் பாய்கெடி லக்கரைவேன லானை யுரித்தவீ ரட்டரே.

சொற்பிரிப்பு

தேனப் போதுகள் மூன்றொடு ஓர் ஐந்துடன்தான் அப்போது இடுவார் வினை தீர்ப்பவர்மீனத் தண்புனல் பாய் கெடிலக்கரை,வேனல் ஆனை உரித்த, வீரட்டரே.

உரை

மூலத்தில் தமிழ் உரை இல்லை.

6

ஏழித் தொன்மலர் கொண்டு பணிந்தவர்ஊழித் தொல்வினை யோட அகற்றுவார்பாழித் தண்புனல் பாய்கெடி லக்கரைவேழத் தின்னுரி போர்த்தவீ ரட்டரே.

சொற்பிரிப்பு

ஏழித் தொல்மலர் கொண்டு பணிந்தவர்ஊழித் தொல்வினை ஓட, அகற்றுவார்-பாழித் தண்புனல் பாய் கெடிலக்கரை,வேழத்தின் உரி போர்த்த, வீரட்டரே.

உரை

மூலத்தில் தமிழ் உரை இல்லை.

7

உரைசெய் நூல்வழி யொண்மல ரெட்டிடத்திரைகள் போல்வரு வல்வினை தீர்ப்பரால்வரைகள் வந்திழி யுங்கெடி லக்கரைவிரைகள் சூழ்ந்தழ காயவீ ரட்டரே.

சொற்பிரிப்பு

உரை செய் நூல் வழி ஒண்மலர் எட்டு இடத்திரைகள் போல் வரு வல்வினை தீர்ப்பரால்வரைகள் வந்து இழியும் கெடிலக்கரை,விரைகள் சூழ்ந்து அழகாய வீரட்டரே.

உரை

மூலத்தில் தமிழ் உரை இல்லை.

8

ஓலி வண்டறை யொண்மல ரெட்டினாற்காலை யேத்த வினையைக் கழிப்பரால்ஆலி வந்திழி யுங்கெடி லக்கரைவேலி சூழ்ந்தழ காயவீ ரட்டரே.

சொற்பிரிப்பு

ஓலி வண்டு அறை ஒண்மலர் எட்டினால்காலை ஏத்த வினையைக் கழிப்பரால்ஆலி வந்து இழியும் கெடிலக்கரை,வேலி சூழ்ந்து அழகாய வீரட்டரே.

உரை

மூலத்தில் தமிழ் உரை இல்லை.

9

தாரித் துள்ளித் தடமல ரெட்டினாற்பாரித் தேத்தவல் லார்வினை பாற்றுவார்மூரித் தெண்டிரை பாய்கெடி லக்கரைவேரிச் செஞ்சடை வேய்ந்தவீ ரட்டரே.

சொற்பிரிப்பு

தாரித்து உள்ளித் தடமலர் எட்டினால்பாரித்து ஏத்த, வல்லார் வினை பாற்றுவார்மூரித் தெண்திரை பாய் கெடிலக்கரை,வேரிச் செஞ்சடை வேய்ந்த, வீரட்டரே.

உரை

மூலத்தில் தமிழ் உரை இல்லை.

10

அட்ட புட்பம் அவைகொளு மாறுகொண்டட்ட மூர்த்தி அனாதிதன் பாலணைந்தட்டு மாறுசெய் கிற்ப அதிகைவீரட்ட னாரடி சேரு மவர்களே.

சொற்பிரிப்பு

அட்ட புட்பம் அவைகொளும் ஆறு கொண்டு,அட்ட மூர்த்தி அநாதி தன் பால் அணைந்து,அட்டும் ஆறு செய்கிற்ப அதிகை வீ-ரட்ட னார் அடி சேருமவர்களே.

உரை

மூலத்தில் தமிழ் உரை இல்லை.