திருவதிகைவீரட்டம்

அருளியவர்: திருநாவுக்கரசர்
பண்: திருக்குறுந்தொகை
தலம்: அதிகை வீரட்டானம்
நாடு: நடுநாடு

1

கோணன் மாமதி சூடியோர் கோவணம்நாணில் வாழ்க்கை நயந்தும் பயனிலைபாணில் வீணை பயின்றவன் வீரட்டங்காணில் அல்லதென் கண்டுயில் கொள்ளுமே.

சொற்பிரிப்பு

கோணல் மாமதி சூடி, ஓர் கோவணம்நாண் இல் வாழ்க்கை நயந்தும், பயன் இலை;பாணில் வீணை பயின்றவன் வீரட்டம்காணிலல்லது, என் கண் துயில் கொள்ளுமே?

உரை

மூலத்தில் தமிழ் உரை இல்லை.

2

பண்ணி னைப்பவ ளத்திரள் மாமணிஅண்ண லையம ரர்தொழு மாதியைச்சுண்ண வெண்பொடி யான்றிரு வீரட்டம்நண்ணி லல்லதென் கண்டுயில் கொள்ளுமே.

சொற்பிரிப்பு

பண்ணினைப், பவளத்திரள் மாமணிஅண்ணலை, அமரர் தொழும் ஆதியைச்,சுண்ண வெண்பொடியான் திருவீரட்டம்நண்ணிலல்லது, என் கண் துயில் கொள்ளுமே?

உரை

மூலத்தில் தமிழ் உரை இல்லை.

3

உற்ற வர்தம் உறுநோய் களைபவர்பெற்ற மேறும் பிறங்கு சடையினர்சுற்றும் பாய்புனல் சூழ்திரு வீரட்டங்கற்கி லல்லதென் கண்டுயில் கொள்ளுமே.

சொற்பிரிப்பு

உற்றவர் தம் உறுநோய் களைபவர்,பெற்றம் ஏறும் பிறங்கு சடையினர்,சுற்றும் பாய்புனல் சூழ் திருவீரட்டம்கற்கிலல்லது, என் கண் துயில் கொள்ளுமே?

உரை

மூலத்தில் தமிழ் உரை இல்லை.

4

முற்றா வெண்மதி சூடும் முதல்வனார்செற்றார் வாழுந் திரிபுரந் தீயெழவிற்றான் கொண்டெயி லெய்தவர் வீரட்டங்கற்றா லல்லதென் கண்டுயில் கொள்ளுமே.

சொற்பிரிப்பு

முற்றா வெண்மதி சூடும் முதல்வனார்செற்றார் வாழும் திரிபுரம் தீ எழ,வில்-தான் கொண்டு எயில் எய்தவர், வீரட்டம்கற்றாலல்லது, என் கண் துயில் கொள்ளுமே?

உரை

மூலத்தில் தமிழ் உரை இல்லை.

5

பல்லா ரும்பல தேவர் பணிபவர்நல்லா ருந்நயந் தேத்தப் படுபவன்வில்லால் மூவெயி லெய்தவன் வீரட்டங்கல்லே னாகிலென் கண்டுயில் கொள்ளுமே.

சொற்பிரிப்பு

பல்லாரும் பல தேவர் பணிபவர்நல்லாரும் நயந்து ஏத்தப்படுபவன்வில்லால் மூ எயில் எய்தவன் வீரட்டம்கல்லேனாகில், என் கண் துயில் கொள்ளுமே?

உரை

மூலத்தில் தமிழ் உரை இல்லை.

6

வண்டார் கொன்றையும் மத்தம் வளர்சடைக்கொண்டான் கோல மதியோ டரவமும்விண்டார் மும்மதி லெய்தவன் வீரட்டங்கண்டா லல்லதென் கண்டுயில் கொள்ளுமே.

சொற்பிரிப்பு

வண்டு ஆர் கொன்றையும் மத்தம், வளர்சடைக்கொண்டான், கோல மதியோடு அரவமும்;விண்டார் மும்மதில் எய்தவன்; வீரட்டம்கண்டாலல்லது, என் கண் துயில் கொள்ளுமே?

உரை

மூலத்தில் தமிழ் உரை இல்லை.

7

அரையார் கோவண ஆடைய னாறெலாந்திரையார் ஒண்புனல் பாய்கெடி லக்கரைவிரையார் நீற்றன் விளங்கு வீரட்டன்பாற்கரையே னாகிலென் கண்டுயில் கொள்ளுமே.

சொற்பிரிப்பு

அரைஆர் கோவண ஆடையன், ஆறு எலாம்திரைஆர் ஒண்புனல் பாய் கெடிலக்கரை-விரைஆர் நீற்றன் விளங்கு வீரட்டன் பால்கரையேனாகில், என் கண் துயில் கொள்ளுமே?

உரை

மூலத்தில் தமிழ் உரை இல்லை.

8

நீறு டைத்தடந் தோளுடை நின்மலன்ஆறு டைப்புனல் பாய்கெடி லக்கரைஏறு டைக்கொடி யான்றிரு வீரட்டங்கூறி லல்லதென் கண்டுயில் கொள்ளுமே.

சொற்பிரிப்பு

நீறு உடைத் தடந் தோள் உடை நின்மலன்,ஆறு உடைப் புனல் பாய் கெடிலக்கரை-ஏறு உடைக் கொடியான், திருவீரட்டம்கூறிலல்லது, என் கண் துயில் கொள்ளுமே?

உரை

மூலத்தில் தமிழ் உரை இல்லை.

9

செங்கண் மால்விடை யேறிய செல்வனார்பைங்க ணானையின் ஈருரி போர்த்தவர்அங்கண் ஞாலம தாகிய வீரட்டங்கங்கு லாகவென் கண்டுயில் கொள்ளுமே.

சொற்பிரிப்பு

செங்கண் மால்விடை ஏறிய செல்வனார்,பைங்கண் ஆனையின் ஈர் உரி போர்த்தவர்,அங்கண் ஞாலம் அது ஆகிய, வீரட்டம்,கங்குல் ஆக, என் கண் துயில் கொள்ளுமே?

உரை

மூலத்தில் தமிழ் உரை இல்லை.

10

பூணா ணாரம் பொருந்த வுடையவர்நாணா கவ்வரை வில்லிடை யம்பினாற்பேணார் மும்மதி லெய்தவன் வீரட்டங்காணே னாகிலென் கண்டுயில் கொள்ளுமே.

சொற்பிரிப்பு

பூண், நாண், ஆரம் பொருந்த உடையவர்;நாண் ஆக வரை வில்லிடை அம்பினால்,பேணார் மும்மதில் எய்தவன்; வீரட்டம்காணேன் ஆகில் என் கண் துயில் கொள்ளுமே?

உரை

மூலத்தில் தமிழ் உரை இல்லை.

11

வரையார்ந் தவயி ரத்திரள் மாணிக்கந்திரையார்ந் தபுனல் பாய்கெடி லக்கரைவிரையார் நீற்றன் விளங்கிய வீரட்டம்உரையே னாகிலென் கண்டுயில் கொள்ளுமே.

சொற்பிரிப்பு

வரை ஆர்ந்த வயிரத் திரள் மாணிக்கம்திரை ஆர்ந்த புனல் பாய் கெடிலக்கரைவிரை ஆர் நீற்றன் விளங்கிய வீரட்டம்உரையேன் ஆகில், என் கண் துயில் கொள்ளுமே?

உரை

மூலத்தில் தமிழ் உரை இல்லை.

12

உலந்தார் வெண்டலை உண்கல னாகவேவலந்தான் மிக்கவன் வாளரக் கன்றனைச்சிலம்பார் சேவடி யூன்றினான் வீரட்டம்புலம்பே னாகிலென் கண்டுயில் கொள்ளுமே.

சொற்பிரிப்பு

உலந்தார் வெண்தலை உண்கலன் ஆகவே,வலம் தான் மிக்க அவ் வாள் அரக்கன் தனைச்சிலம்பு ஆர் சேவடி ஊன்றினான் வீரட்டம்புலம்பேன் ஆகில், என் கண் துயில் கொள்ளுமே?

உரை

மூலத்தில் தமிழ் உரை இல்லை.