திருப்பாலைத்துறை

அருளியவர்: திருநாவுக்கரசர்
பண்: திருக்குறுந்தொகை
தலம்: பாலைத்துறை
நாடு: சோழநாடு காவிரித் தென்கரை

1

நீல மாமணி கண்டத்தர் நீள்சடைக்கோல மாமதி கங்கையுங் கூட்டினார்சூல மான்மழு வேந்திச் சுடர்முடிப்பால்நெய் யாடுவர் பாலைத் துறையரே.

சொற்பிரிப்பு

நீல மா மணி கண்டத்தர்; நீள்சடைக்கோல மா மதி கங்கையும் கூட்டினார்;சூலம் மான் மழு ஏந்திச், சுடர்முடிப்பால் நெய் ஆடுவர் பாலைத்துறையரே.

உரை

மூலத்தில் தமிழ் உரை இல்லை.

2

கவள மால்களிற் றின்னுரி போர்த்தவர்தவள வெண்ணகை மங்கையோர் பங்கினர்திவள வானவர் போற்றித் திசைதொழும்பவள மேனியர் பாலைத் துறையரே.

சொற்பிரிப்பு

கவள மா களிற்றின் உரி போர்த்தவர்;தவள வெண்நகை மங்கை ஓர் பங்கினர்;திவள வானவர் போற்றித் திசைதொழும்பவள மேனியர் பாலைத்துறையரே.

உரை

மூலத்தில் தமிழ் உரை இல்லை.

3

மின்னின் நுண்ணிடைக் கன்னியர் மிக்கெங்கும்பொன்னி நீர்மூழ்கிப் போற்றி யடிதொழமன்னி நான்மறை யோடுபல் கீதமும்பன்னி னாரவர் பாலைத் துறையரே.

சொற்பிரிப்பு

மின்னின் நுண் இடைக் கன்னியர் மிக்கு, எங்கும்பொன்னி நீர் மூழ்கிப் போற்றி அடி தொழ,மன்னி நால்மறையோடு பல் கீதமும்பன்னினார் அவர் பாலைத்துறையரே.

உரை

மூலத்தில் தமிழ் உரை இல்லை.

4

நீடு காடிட மாய்நின்ற பேய்க்கணங்கூடு பூதங் குழுமிநின் றார்க்கவேஆடி னாரழ காகிய நான்மறைபாடி னாரவர் பாலைத் துறையரே.

சொற்பிரிப்பு

நீடு காடு இடமாய் நின்ற பேய்க்கணம்கூடு பூதம் குழுமி நின்று ஆர்க்கவே,ஆடினார் அழகு ஆகிய நால்மறைபாடினார் அவர் பாலைத்துறையரே.

உரை

மூலத்தில் தமிழ் உரை இல்லை.

5

சித்தர் கன்னியர் தேவர்கள் தானவர்பித்தர் நான்மறை வேதியர் பேணியஅத்த னேநமை யாளுடை யாயெனும்பத்தர் கட்கன்பர் பாலைத் துறையரே.

சொற்பிரிப்பு

சித்தர், கன்னியர் தேவர்கள், தானவர்,பித்தர், நால்மறை வேதியர், பேணியஅத்தனே! நமை ஆள் உடையாய்! எனும்பத்தர்கட்கு அன்பர் பாலைத்துறையரே.

உரை

மூலத்தில் தமிழ் உரை இல்லை.

6

விண்ணி னார்பணிந் தேத்த வியப்புறும்மண்ணி னார்மற வாதுசி வாயவென்றெண்ணி னார்க்கிட மாவெழில் வானகம்பண்ணி னாரவர் பாலைத் துறையரே.

சொற்பிரிப்பு

விண்ணினார் பணிந்து ஏத்த, வியப்புறும்மண்ணினார் மறவாது, சிவாய என்றுஎண்ணினார்க்கு இடமா எழில் வானகம்பண்ணினார் அவர் பாலைத்துறையரே.

உரை

மூலத்தில் தமிழ் உரை இல்லை.

7

குரவ னார்கொடு கொட்டியுங் கொக்கரைவிரவி னார்பண் கெழுமிய வீணையும்மருவு நாண்மலர் மல்லிகை செண்பகம்பரவு நீர்ப்பொன்னிப் பாலைத் துறையரே.

சொற்பிரிப்பு

குரவனார்; கொடு கொட்டியும், கொக்கரைவிரவினார், பண் கெழுமிய வீணையும்;-மருவு நாள்மலர் மல்லிகை, செண்பகம்,பரவு நீர்ப் பொன்னிப் பாலைத்துறையரே.

உரை

மூலத்தில் தமிழ் உரை இல்லை.

8

தொடருந் தொண்டரைத் துக்கந் தொடர்ந்துவந்தடரும் போதர னாயருள் செய்பவர்கடலின் நஞ்சணி கண்டர் கடிபுனற்படருஞ் செஞ்சடைப் பாலைத் துறையரே.

சொற்பிரிப்பு

தொடரும் தொண்டரைத் துக்கம் தொடர்ந்து வந்துஅடரும் போது, அரனாய் அருள் செய்பவர்;கடலின் நஞ்சு அணி கண்டர் கடிபுனல்படரும் செஞ்சடைப் பாலைத்துறையரே.

உரை

மூலத்தில் தமிழ் உரை இல்லை.

9

மேகந் தோய்பிறை சூடுவர் மேகலைநாகந் தோய்ந்த அரையினர் நல்லியற்போகந் தோய்ந்த புணர்முலை மங்கையோர்பாகந் தோய்ந்தவர் பாலைத் துறையரே.

சொற்பிரிப்பு

மேகம் தோய் பிறை சூடுவர்; மேகலைநாகம் தோய்ந்த அரையினர்; நல் இயல்போகம் தோய்ந்த புணர்முலை மங்கை ஓர்பாகம் தோய்ந்தவர் பாலைத்துறையரே.

உரை

மூலத்தில் தமிழ் உரை இல்லை.

10

வெங்கண் வாளர வாட்டி வெருட்டுவர்அங்க ணாரடி யார்க்கருள் நல்குவர்செங்கண் மாலயன் தேடற் கரியவர்பைங்கண் ஏற்றினர் பாலைத் துறையரே.

சொற்பிரிப்பு

வெங்கண் வாள் அரவு ஆட்டி வெருட்டுவர்;அங்கணார்; அடியார்க்கு அருள் நல்குவர்;செங்கண் மால் அயன் தேடற்கு அரியவர்;பைங்கண் ஏற்றினர் பாலைத்துறையரே.

உரை

மூலத்தில் தமிழ் உரை இல்லை.

11

உரத்தி னாலரக் கன்னுயர் மாமலைநெருக்கி னானை நெரித்தவன் பாடலும்இரக்க மாவருள் செய்தபா லைத்துறைக்கரத்தி னாற்றொழு வார்வினை யோயுமே.

சொற்பிரிப்பு

உரத்தினால் அரக்கன் உயர் மாமலைநெருக்கினானை நெரித்து, அவன் பாடலும்இரக்கமா அருள் செய்த பாலைத்துறைகரத்தினால் தொழுவார் வினை ஓயுமே.

உரை

மூலத்தில் தமிழ் உரை இல்லை.