திருவாய்மூர்

அருளியவர்: திருநாவுக்கரசர்
பண்: திருக்குறுந்தொகை
தலம்: வாய்மூர்
நாடு: சோழநாடு காவிரித் தென்கரை

1

எங்கே என்னை இருந்திடம் தேடிக்கொண்டுஅங்கே வந்துஅடை யாளம் அருளினார்தெங்கே தோன்றும் திருவாய்மூர்ச் செல்வனார்அங்கே வாஎன்று போனார் அதுஎன்கொலோ.

சொற்பிரிப்பு

எங்கே? என்னை இருந்த இடம் தேடிக்கொண்டு,அங்கே வந்து, அடையாளம் அருளினார்;தெங்கே தோன்றும் திருவாய்மூர்ச் செல்வனார்'அங்கே வா!' என்று போனார்; அது என்கொலோ?

உரை

மூலத்தில் தமிழ் உரை இல்லை.

2

மன்னு மாமறைக் காட்டு மணாளனார்உன்னி உன்னி உறங்குகின் றேனுக்குத்தன்னை வாய்மூர்த் தலைவன் ஆமா சொல்லிஎன்னை வாஎன்று போனார்அது என்கொலோ.

சொற்பிரிப்பு

மன்னு மாமறைக் காட்டு மணாளனார்உன்னி உன்னி உறங்குகின்றேனுக்குத்தன்னை வாய்மூர்த் தலைவன்ஆமா சொல்லி,என்னை “வா!” என்று போனார்; அது என்கொலோ?

உரை

மூலத்தில் தமிழ் உரை இல்லை.

3

தஞ்சே கண்டேன் தரிக்கிலா தார்என்றேன்அஞ்சேல் உன்னை அழைக்கவந் தேன்என்றார்உஞ்சேன் என்றுகந் தேஎழுந்து ஒட்டந்தேன்வஞ்சே வல்லரே வாய்மூர் அடிகளே.

சொற்பிரிப்பு

தஞ்சே கண்டேன் தரிக்கிலாது ஆர்? என்றேன்;அஞ்சேல்! உன்னை அழைக்க வந்தேன் என்றார்;உஞ்சேன் என்று உகந்தே எழுந்து ஓட்டந்தேன்;வஞ்சே வல்லரே வாய்மூர் அடிகளே?

உரை

மூலத்தில் தமிழ் உரை இல்லை.

4

கழியக் கண்டிலேன் கண்ணெதி ரேகண்டேன்ஒழியப் போந்திலேன் ஒக்கவே ஓட்டந்தேன்வழியிற் கண்டிலேன் வாய்மூர் அடிகள்தம்சுழியிற் பட்டுச் சுழல்கின்றது என்கொலோ.

சொற்பிரிப்பு

கழியக் கண்டிலேன் கண் எதிரே கண்டேன்;ஒழியப் போந்திலேன் ஒக்கவே ஓட்டந்தேன்;வழியில் கண்டிலேன் வாய்மூர் அடிகள் தம்சுழியில் பட்டுச் சுழல்கின்றது என்கொலோ?

உரை

மூலத்தில் தமிழ் உரை இல்லை.

5

ஒள்ளி யார்இவர் அன்றிமற்று இல்லைஎன்றுஉள்கி உள்கி உகந்திருந் தேனுக்குத்தெள்ளி யார்இவர் போலத் திருவாய்மூர்க்கள்ளி யாரவர் போலக் கரந்ததே.

சொற்பிரிப்பு

ஒள்ளியார் இவர் அன்றி மற்று இல்லை என்றுஉள்கி உள்கி உகந்து, இருந்தேனுக்குத்தெள்ளியார் இவர் போலத், திருவாய்மூர்க்கள்ளியார் அவர் போலக், கரந்ததே!

உரை

மூலத்தில் தமிழ் உரை இல்லை.

6

யாதே செய்துமி யாமலோநீ யென்னில்ஆதே யேயும் அளவில் பெருமையான்மாதே வாகிய வாய்மூர் மருவினார்போதே என்றும் புகுந்ததும் பொய்கொலோ.

சொற்பிரிப்பு

யாதே செய்தும் யாம் அலோம்; நீ என்னில்,ஆதே ஏயும் அளவு இல் பெருமையான்-மாதேவு ஆகிய வாய்மூர் மருவினார்-போதே! என்றும் புகுந்ததும், பொய்கொலோ?

உரை

மூலத்தில் தமிழ் உரை இல்லை.

7

பாடிப் பெற்ற பரிசில் பழங்காசுவாடி வாட்டம் தவிர்ப்பார் அவரைப்போல்தேடிக் கொண்டு திருவாய்மூர்க் கேஎனாஓடிப் போந்திங்கு ஒளித்தவாறு என்கொலோ.

சொற்பிரிப்பு

பாடிப் பெற்ற பரிசில் பழங்காசுவாடி வாட்டம் தவிர்ப்பார் அவரைப்போல்-தேடிக் கொண்டு திருவாய்மூர்க்கே எனா,ஓடிச் போந்து, இங்கு ஒளித்த ஆறு என்கொலோ?

உரை

மூலத்தில் தமிழ் உரை இல்லை.

8

திறக்கப் பாடிய என்னினும் செந்தமிழ்உறைப்புப் பாடி அடைப்பித்தா ருந்நின்றார்மறைக்க வல்லரோ தம்மைத் திருவாய்மூர்ப்பிறைக்கொள் செஞ்சடையார் இவர் பித்தரே.

சொற்பிரிப்பு

திறக்கப் பாடிய என்னினும் செந்தமிழ்உறைப்புப் பாடி அடைப்பித்தார் உந்நின்றார்;மறைக்க வல்லரோ தம்மைத் திருவாய்மூர்ப்பிறைக்கொள் செஞ்சடையார்? இவர் பித்தரே.

உரை

மூலத்தில் தமிழ் உரை இல்லை.

9

தனக்கே றாமை தவிர்க்கென்று வேண்டினும்நினைத்தேன் பொய்க்கருள் செய்திடு நின்மலன்எனக்கே வந்தெதிர் வாய்மூர்க் கேஎனாப்புனற்கே பொற்கோயில் புக்கதும் பொய்கொலோ.

சொற்பிரிப்பு

தனக்கு ஏறாமை தவிர்க்க என்று வேண்டினும்,நினைத்தேன் பொய்க்கு அருள் செய்திடும் நின்மலன்எனக்கே வந்து எதிர் வாய்மூரூக்கே எனாப்,புனற்கே பொன்கோயில் புக்கதும் பொய்கொலோ?

உரை

மூலத்தில் தமிழ் உரை இல்லை.

10

தீண்டற் கரிய திருவடி ஒன்றினால்மீண்டற் கும்மிதித் தார்அரக் கன்தனைவேண்டிக் கொண் டேன்திரு வாய்மூர் விளக்கினைத்தூண்டிக் கொள்வன்நான் என்றலும் தோன்றுமே.

சொற்பிரிப்பு

தீண்டற்கு அரிய திருவடி ஒன்றினால்மீண்டற்கும் மிதித்தார், அரக்கன் தனை;வேண்டிக்கொண்டேன் திருவாய்மூர் விளக்கினைத்தூண்டிக் கொள்வன், நான் என்றலும், தோன்றுமே.

உரை

மூலத்தில் தமிழ் உரை இல்லை.