திருவேகம்பம்

அருளியவர்: திருநாவுக்கரசர்
பண்: திருக்குறுந்தொகை
தலம்: கச்சி ஏகம்பம் (காஞ்சிபுரம்)
நாடு: தொண்டைநாடு

1

பண்டு செய்த பழவினை யின்பயன்கண்டுங் கண்டுங் களித்திகாண் நெஞ்சமேவண்டு லாமலர்ச் செஞ்சடை யேகம்பன்தொண்ட னாய்த்திரி யாய்துயர் தீரவே.

சொற்பிரிப்பு

பண்டு செய்த பழவினையின் பயன்கண்டும் கண்டும் களித்தி காண், நெஞ்சமே!வண்டுலாம் மலர்ச் செஞ்சடை ஏகம்பன்தொண்டனாய்த் திரியாய், துயர் தீரவே!

உரை

மூலத்தில் தமிழ் உரை இல்லை.

2

நச்சி நாளும் நயந்தடி யார்தொழஇச்சை யாலுமை நங்கை வழிபடக்கொச்சை யார்குறு கார்செறி தீம்பொழிற்கச்சி யேகம்ப மேகை தொழுமினே.

சொற்பிரிப்பு

நச்சி நாளும் நயந்து அடியார் தொழ,இச்சையால் உமை நங்கை வழிபடக்,கொச்சையார் குறுகார் செறி தீம்பொழில்கச்சி ஏகம்பமே கை தொழுமினே!

உரை

மூலத்தில் தமிழ் உரை இல்லை.

3

ஊனி லாவி இயங்கி உலகெலாம்தானு லாவிய தன்மைய ராகிலும்வானு லாவிய பாணி பிறங்கவெங்கானி லாடுவர் கச்சியே கம்பரே.

சொற்பிரிப்பு

ஊன் நிலாவி இயங்கி, உலகு எலாம்தான் உலாவிய தன்மையர் ஆகிலும்,வான் உலாவிய பாணி பிறங்க, வெங்-கானில் ஆடுவர் கச்சி ஏகம்பரே.

உரை

மூலத்தில் தமிழ் உரை இல்லை.

4

இமையா முக்கணர் என்னெஞ்சத் துள்ளவர்தமையா ரும்மறி வொண்ணாத் தகைமையர்இமையோ ரேத்த இருந்தவன் ஏகம்பன்நமையா ளும்மவ னைத்தொழு மின்களே.

சொற்பிரிப்பு

இமையா முக்கணர் என் நெஞ்சத்து உள்ளவர்,தமை யாரும் அறிவு ஒண்ணாத் தகைமையர்,இமையோர் ஏத்த இருந்தவன் ஏகம்பன்;நமை ஆளும் அவனைத் தொழுமின்களே!

உரை

மூலத்தில் தமிழ் உரை இல்லை.

5

மருந்தி னோடுநற் சுற்றமும் மக்களும்பொருந்தி நின்றெனக் காயவெம் புண்ணியன்கருந்த டங்கண்ணி னாளுமை கைதொழஇருந்த வன்கச்சி ஏகம்பத் தெந்தையே.

சொற்பிரிப்பு

மருந்தினோடு நல் சுற்றமும் மக்களும்பொருந்தி நின்று, எனக்கு ஆய எம் புண்ணியன்;கருந்தடங் கண்ணினாள் உமை கை தொழஇருந்தவன் கச்சி ஏகம்பத்து எந்தையே.

உரை

மூலத்தில் தமிழ் உரை இல்லை.

6

பொருளி னோடுநற் சுற்றமும் பற்றிலர்க்கருளும் நன்மைதந் தாய அரும்பொருள்சுருள்கொள் செஞ்சடை யான்கச்சி யேகம்பம்இருள்கெடச் சென்று கைதொழு தேத்துமே.

சொற்பிரிப்பு

பொருளினோடு நல் சுற்றமும் பற்று இலர்க்குஅருளும் நன்மை தந்து ஆய அரும்பொருள்;சுருள்கொள் செஞ்சடையான்; கச்சி ஏகம்பம்இருள்கெடச் சென்று கை தொழுது ஏத்துமே!

உரை

மூலத்தில் தமிழ் உரை இல்லை.

7

மூக்கு வாய்செவி கண்ணுட லாகிவந்தாக்கும் ஐவர்தம் ஆப்பை அவிழ்த்தருள்நோக்கு வான்நமை நோய்வினை வாராமேகாக்கும் நாயகன் கச்சி யேகம்பனே.

சொற்பிரிப்பு

மூக்கு, வாய், செவி கண், உடல் ஆகிவந்துஆக்கும் ஐவர் தம் ஆப்பை அவிழ்த்து, அருள்நோக்குவான், நமை நோய்வினை வாராமேகாக்கும் நாயகன் கச்சி ஏகம்பனே.

உரை

மூலத்தில் தமிழ் உரை இல்லை.

8

பண்ணில் ஓசை பழத்தினில் இன்சுவைபெண்ணொ டாணென்று பேசற் கரியவன்வண்ண மில்லி வடிவுவே றாயவன்கண்ணி லுண்மணி கச்சி யேகம்பனே.

சொற்பிரிப்பு

பண்ணில் ஓசை பழத்தினில் இன்சுவை,பெண்ணொடு ஆண் என்று பேசற்கு அரியவன்,வண்ணம் இ(ல்)லி வடிவுவேறு ஆயவன்,கண்ணில் உள் மணி கச்சி ஏகம்பனே.

உரை

மூலத்தில் தமிழ் உரை இல்லை.

9

திருவின் நாயகன் செம்மலர் மேலயன்வெருவ நீண்ட விளங்கொளிச் சோதியான்ஒருவ னாயுணர் வாயுணர் வல்லதோர்கருவுள் நாயகன் கச்சி யேகம்பனே.

சொற்பிரிப்பு

திருவின் நாயகன் செம்மலர் மேல்அயன்வெருவ, நீண்ட விளங்கு ஒளிச் சோதியான்;ஒருவனாய் ,உணர்வாய் உணர்வு அல்லது ஓர்கருவுள் நாயகன் கச்சி ஏகம்பனே.

உரை

மூலத்தில் தமிழ் உரை இல்லை.

10

இடுகு நுண்ணிடை ஏந்திள மென்முலைவடிவின் மாதர் திறம்மனம் வையன்மின்பொடிகொள் மேனியன் பூம்பொழிற் கச்சியுள்அடிகள் எம்மை அருந்துயர் தீர்ப்பரே.

சொற்பிரிப்பு

இடுகு நுண் இடை ஏந்து இள மென்முலை,வடிவின், மாதர் திறம் மனம் வையன்மின்!பொடிகொள் மேனியன் பூம்பொழில் கச்சியுள்அடிகள், எம்மை அருந்துயர் தீர்ப்பரே.

உரை

மூலத்தில் தமிழ் உரை இல்லை.

11

இலங்கை வேந்தன் இராவணன் சென்றுதன்விலங்க லையெடுக் கவ்விர லூன்றலுங்கலங்கிக் கச்சியே கம்பவோ வென்றலும்நலங்கொள் செலவளித் தானெங்கள் நாதனே.

சொற்பிரிப்பு

இலங்கை வேந்தன் இராவணன் சென்று தன்விலங்கலை எடுக்க, விரல் ஊன்றலும்,கலங்கிக் கச்சி ஏகம்ப! ஓ! என்றலும்,நலம்கொள் செலவு அளித்தான், எங்கள் நாதனே.

உரை

மூலத்தில் தமிழ் உரை இல்லை.