திருவாமாத்தூர்

அருளியவர்: திருநாவுக்கரசர்
பண்: திருக்குறுந்தொகை
தலம்: ஆமாத்தூர்
நாடு: நடுநாடு

1

மாமாத் தாகிய மாலயன் மால்கொடுதாமாத் தேடியுங் காண்கிலர் தாள்முடிஆமாத் தூரர னேஅரு ளாயென்றென்றேமாப் பெய்திக்கண் டாரிறை யானையே.

சொற்பிரிப்பு

மாமாத்து ஆகிய மால் அயன் மால்கொடுதாமாத் தேடியும் காண்கிலர், தாள் முடி;ஆமாத்தூர் அரனே! அருளாய்! என்றுஎன்றுஏமாப்பு எய்திக் கண்டார், இறையானையே.

உரை

மூலத்தில் தமிழ் உரை இல்லை.

2

சந்தி யானைச் சமாதிசெய் வார்தங்கள்புந்தி யானைப்புத் தேளிர் தொழப்படும்அந்தி யானை ஆமாத்தூர் அழகனைச்சிந்தி யாதவர் தீவினை யாளரே.

சொற்பிரிப்பு

சந்தியானைச் சமாதிசெய்வார் தங்கள்புந்தியானைப், புத்தேளிர் தொழப்படும்அந்தியானை ஆமாத்தூர் அழகனைச்,சிந்தியாதவர் தீவினையாளரே.

உரை

மூலத்தில் தமிழ் உரை இல்லை.

3

காமாத் தம்மெனுங் கார்வலைப் பட்டுநான்போமாத் தையறி யாது புலம்புவேன்ஆமாத் தூரர னேயென் றழைத்தலுந்தேமாத் தீங்கனி போலத்தித் திக்குமே.

சொற்பிரிப்பு

காமாத்தம் எனும் கார் வலைப்பட்டு, நான்,போம் ஆத்தை அறியாது, புலம்புவேன்;ஆமாத்தூர் அரனே என்று அழைத்தலும்தேமாத் தீம்கனி போலத் தித்திக்குமே.

உரை

மூலத்தில் தமிழ் உரை இல்லை.

4

பஞ்ச பூத வலையிற் படுவதற்கஞ்சி நானும் ஆமாத்தூர் அழகனைநெஞ்சி னால்நினைந் தேன்நினை வெய்தலும்வஞ்ச ஆறுகள் வற்றின காண்மினே.

சொற்பிரிப்பு

பஞ்ச பூத வலையில் படுவதற்குஅஞ்சி, நானும் ஆமாத்தூர் அழகனைநெஞ்சினால் நினைந்தேன் நினைவு எய்தலும்வஞ்ச ஆறுகள் வற்றின; காண்மினே!

உரை

மூலத்தில் தமிழ் உரை இல்லை.

5

குராம னுங்குழ லாளொரு கூறனார்அராம னுஞ்சடை யான்றிரு வாமாத்தூர்இராம னும்வழி பாடுசெய் ஈசனைநிராம யன்றனை நாளும் நினைமினே.

சொற்பிரிப்பு

குரா மன்னும் குழலாள் ஒரு கூறனார்,அரா மன்னும் சடையான், திரு ஆமாத்தூர்இராமனும் வழிபாடு செய் ஈசனை,நிராமயன் தனை நாளும் நினைமினே.

உரை

மூலத்தில் தமிழ் உரை இல்லை.

6

பித்த னைப்பெருந் தேவர் தொழப்படும்அத்த னையணி யாமாத்தூர் மேவியமுத்தி னையடி யேனுள் முயறலும்பத்தி வெள்ளம் பரந்தது காண்மினே.

சொற்பிரிப்பு

பித்தனைப், பெருந் தேவர் தொழப்படும்அத்தனை, அணி ஆமாத்தூர் மேவியமுத்தினை, அடியேன் உள் முயறலும்,பத்தி வெள்ளம் பரந்தது; காண்மினே!

உரை

மூலத்தில் தமிழ் உரை இல்லை.

7

நீற்றி னார்திரு மேனியன் நேரிழைகூற்றி னான்குழற் கோலச் சடையிலோர்ஆற்றி னான்அணி ஆமாத்தூர் மேவியஏற்றி னான்எமை யாளுடை ஈசனே.

சொற்பிரிப்பு

நீற்றின் ஆர் திரு மேனியன்; நேரிழைகூற்றினான்; குழல் கோலச்சடையில் ஓர்ஆற்றினான்; அணி ஆமாத்தூர் மேவியஏற்றினான் எமை ஆள் உடை ஈசனே.

உரை

மூலத்தில் தமிழ் உரை இல்லை.

8

பண்ணிற் பாடல்கள் பத்திசெய் வித்தகர்க்கண்ணித் தாகும் அமுதினை ஆமாத்தூர்சண்ணிப் பானைத் தமர்க்கணித் தாயதோர்கண்ணிற் பாவையன் னானவன் காண்மினே.

சொற்பிரிப்பு

பண்ணில் பாடல்கள் பத்தி செய் வித்தகர்க்குஅண்ணித்து ஆகும் அமுதினை, ஆமாத்தூர்சண்ணிப்பானைத் தமர்க்கு அணித்து ஆயது ஓர்கண்ணில் பாவை அன்னான், அவன் காண்மினே.

உரை

மூலத்தில் தமிழ் உரை இல்லை.

9

குண்டர் பீலிகள் கொள்ளுங் குணமிலாமிண்ட ரோடெனை வேறு படுத்துய்யக்கொண்ட நாதன் குளிர்புனல் வீரட்டத்தண்ட னாரிடம் ஆமாத்தூர் காண்மினே.

சொற்பிரிப்பு

குண்டர் பீலிகள் கொள்ளும் குணம்இலாமிண்டரோடு எனை வேறு படுத்து உயக்கொண்ட நாதன் குளிர்புனல் வீரட்டத்துஅண்டனார், இடம்ஆமாத்தூர்; காண்மினே.

உரை

மூலத்தில் தமிழ் உரை இல்லை.

10

வானஞ் சாடு மதியர வத்தொடுதானஞ் சாதுடன் வைத்த சடையிடைத்தேனஞ் சாடிய தெங்கிள நீரொடும்ஆனஞ் சாடிய ஆமாத்தூர் ஐயனே.

சொற்பிரிப்பு

வானம் சாடும் மதி அரவத்தொடுதான் அஞ்சாது உடன் வைத்த, சடையிடைத்,தேன் அஞ்சுஆடிய தெங்கு இளநீரொடும்ஆன் அஞ்சு ஆடிய ஆமாத்தூர் ஐயனே!

உரை

மூலத்தில் தமிழ் உரை இல்லை.

11

விடலை யாய்விலங் கல்லெடுத் தான்முடிஅடர வோர்விரல் ஊன்றிய ஆமாத்தூர்இடம தாக்கொண்ட ஈசனுக் கென்னுளம்இடம தாகக்கொண் டின்புற் றிருப்பனே.

சொற்பிரிப்பு

விடலையாய் விலங்கல் எடுத்தான் முடிஅடர ஓர் விரல் ஊன்றிய, ஆமாத்தூர்இடம் அதாக்கொண்ட ஈசனுக்கு என் உளம்இடம் அதாகக்கொண்டு இன்புற்று இருப்பனே.

உரை

மூலத்தில் தமிழ் உரை இல்லை.