திருநெய்த்தானம்

அருளியவர்: திருநாவுக்கரசர்
பண்: திருக்குறுந்தொகை
தலம்: நெய்த்தானம்
நாடு: சோழநாடு காவிரி வடகரை

1

கொல்லி யான்குளிர் தூங்குகுற் றாலத்தான்புல்லி யார்புர மூன்றெரி செய்தவன்நெல்லி யானிலை யானநெய்த் தானனைச்சொல்லி மெய்தொழு வார்சுடர் வாணரே.

சொற்பிரிப்பு

கொல்லியான் குளிர் தூங்கு குற்றாலத்தான்,புல்லியார் புரம் மூன்று எரி செய்தவன்,நெல்லியான், நிலையான நெய்த்தானனைச்சொல்லி மெய் தொழுவார் சுடர்வாணரே.

உரை

மூலத்தில் தமிழ் உரை இல்லை.

2

இரவ னையிடு வெண்டலை யேந்தியைப்பரவ னைப்படை யார்மதில் மூன்றையும்நிரவ னைநிலை யானநெய்த் தானனைக்குரவ னைத்தொழு வார்கொடி வாணரே.

சொற்பிரிப்பு

இரவனை, இடு வெண்தலை ஏந்தியைப்,பரவனைப், படையார் மதில் மூன்றையும்நிரவனை, நிலையான நெய்த்தானனைக்குரவனைத், தொழுவார் கொடிவாணரே.

உரை

மூலத்தில் தமிழ் உரை இல்லை.

3

ஆனி டையைந்தும் ஆடுவ ராரிருள்கானி டைநடம் ஆடுவர் காண்மினோதேனி டைமலர் பாயுநெய்த் தானனைவானி டைத்தொழு வார்வலி வாணரே.

சொற்பிரிப்பு

ஆன் இடைஐந்தும் ஆடுவர்; ஆர் இருள்கான் இடை நடம் ஆடுவர்; காண்மினோ!தேன் இடை மலர் பாயும் நெய்த்தானனைவான் இடைத் தொழுவார் வலிவாணரே.

உரை

மூலத்தில் தமிழ் உரை இல்லை.

4

விண்ட வர்புர மூன்றும்வெண் ணீறெழக்கண்ட வன்கடி தாகிய நஞ்சினைஉண்ட வன்னொளி யானநெய்த் தானனைத்தொண்ட ராய்த்தொழு வார்சுடர் வாணரே.

சொற்பிரிப்பு

விண்டவர் புரம் மூன்றும் வெண் நீறு எழக்கண்டவன், கடிது ஆகிய நஞ்சினைஉண்டவன், ஒளி ஆன நெய்த்தானனைத்தொண்டராய்த் தொழுவார் சுடர்வாணரே.

உரை

மூலத்தில் தமிழ் உரை இல்லை.

5

முன்கை நோவக் கடைந்தவர் நிற்கவேசங்கி யாது சமுத்திர நஞ்சுண்டான்நங்கை யோடு நவின்றநெய்த் தானனைத்தங்கை யாற்றொழு வார்தலை வாணரே.

சொற்பிரிப்பு

முன் கை நோவக் கடைந்தவர் நிற்கவேசங்கியாது சமுத்திர நஞ்சு உண்டான்,நங்கையோடு நவின்ற நெய்த்தானனைத்தங் கையால் தொழுவார் தலைவாணரே.

உரை

மூலத்தில் தமிழ் உரை இல்லை.

6

சுட்ட நீறுமெய் பூசிச் சுடலையுள்நட்ட மாடுவர் நள்ளிருட் பேயொடேசிட்டர் வானவர் தேருநெய்த் தானனைஇட்ட மாய்த்தொழு வாரின்ப வாணரே.

சொற்பிரிப்பு

சுட்ட நீறு மெய் பூசிச், சுடலையுள்நட்டம் ஆடுவர் நள் இருள் பேயொடே;சிட்டர், வானவர் தேரும் நெய்த்தானனைஇட்டமாய்த் தொழுவார் இன்பவாணரே

உரை

மூலத்தில் தமிழ் உரை இல்லை.

7

கொள்ளித் தீயெரி வீசிக் கொடியதோர்கள்ளிக் காட்டிடை யாடுவர் காண்மினோதெள்ளித் தேறித் தெளிந்துநெய்த் தானனைஉள்ளத் தாற்றொழு வாரும்பர் வாணரே.

சொற்பிரிப்பு

கொள்ளித் தீ-எரி வீசிக் கொடியது ஓர்கள்ளிக் காட்டு இடை ஆடுவர்; காண்மினோ!தெள்ளித் தேறித் தெளிந்து நெய்த்தானனைஉள்ளத்தால் தொழுவார் உம்பர் வாணரே.

உரை

மூலத்தில் தமிழ் உரை இல்லை.

8

உச்சி மேல்விளங் கும்மிள வெண்பிறைபற்றி யாடர வோடுஞ்ச டைப்பெய்தான்நெற்றி யாரழல் கண்டநெய்த் தானனைச்சுற்றி மெய்தொழு வார்சுடர் வாணரே.

சொற்பிரிப்பு

உச்சி மேல் விளங்கும் இள வெண்பிறைபற்றி ஆடு அரவோடும் சடைப்பெய்தான்,நெற்றி ஆர் அழல் கண்ட நெய்த்தானனைச்சுற்றி மெய் தொழுவார் சுடர் வாணரே.

உரை

மூலத்தில் தமிழ் உரை இல்லை.

9

மாலொ டும்மறை யோதிய நான்முகன்காலொ டும்முடி காண்பரி தாயினான்சேலொ டுஞ்செருச் செய்யும்நெய்த் தானனைமாலொ டுந்தொழு வார்வினை வாடுமே.

சொற்பிரிப்பு

மாலொடும், மறை ஓதிய நான்முகன்,காலொடும் முடி காண்பு அரிது ஆயினான்;சேலொடும் செருச் செய்யும் நெய்த்தானனைமாலொடும் தொழுவார் வினை வாடுமே.

உரை

மூலத்தில் தமிழ் உரை இல்லை.

10

வலிந்த தோள்வலி வாளரக் கன்றனைநெருங்க நீள்வரை யூன்றுநெய்த் தானனார்புரிந்து கைந்நரம் போடிசை பாடலும்பரிந்த னைப்பணி வார்வினை பாறுமே.

சொற்பிரிப்பு

வலிந்த தோள் வலி வாள் அரக்கன் தனைநெருங்க நீள் வரை ஊன்று நெய்த்தானனார்,புரிந்து கைந் நரம்போடு இசை பாடலும்பரிந்தனைப், பணிவார் வினை பாறுமே.

உரை

மூலத்தில் தமிழ் உரை இல்லை.