திருவானைக்கா

அருளியவர்: திருநாவுக்கரசர்
பண்: திருக்குறுந்தொகை
தலம்: ஆனைக்கா
நாடு: சோழநாடு காவிரி வடகரை

1

கோனைக் காவிக் குளிர்ந்த மனத்தராய்த்தேனைக் காவியுண் ணார்சில தெண்ணர்கள்ஆனைக் காவிலெம் மானை அணைகிலார்ஊனைக் காவி யுழிதர்வர் ஊமரே.

சொற்பிரிப்பு

கோனைக் காவிக் குளிர்ந்த மனத்தராய்த்தேனைக் காவி உண்ணார், சில தெண்ணர்கள்;ஆனைக்காவில் எம்மானை அணைகிலார்,ஊனைக் காவி உழிதர்வர், ஊமரே.

உரை

மூலத்தில் தமிழ் உரை இல்லை.

2

திருகு சிந்தையைத் தீர்த்துச்செம் மைசெய்துபருகி யூறலைப் பற்றிப் பதமறிந்துருகி நைபவர்க் கூனமொன் றின்றியேஅருகு நின்றிடும் ஆனைக்கா அண்ணலே.

சொற்பிரிப்பு

திருகு சிந்தையைத் தீர்த்துச், செம்மை செய்து,பருகி ஊறலைப், பற்றிப் பதம் அறிந்து,உருகி, நைபவர்க்கு ஊனம் ஒன்று இன்றியேஅருகு நின்றிடும் ஆனைக்கா அண்ணலே.

உரை

மூலத்தில் தமிழ் உரை இல்லை.

3

துன்ப மின்றித் துயரின்றி யென்றுநீர்இன்பம் வேண்டில் இராப்பகல் ஏத்துமின்என்பொன் ஈசன் இறைவனென் றுள்குவார்க்கன்ப னாயிடும் ஆனைக்கா அண்ணலே.

சொற்பிரிப்பு

துன்பம் இன்றித் துயர் இன்றி என்றும், நீர்இன்பம் வேண்டில் இராப்பகல் ஏத்துமின்!என்பொன், ஈசன் இறைவன் என்று உள்குவார்க்குஅன்பன் ஆயிடும் ஆனைக்கா அண்ணலே.

உரை

மூலத்தில் தமிழ் உரை இல்லை.

4

நாவால் நன்று நறுமலர்ச் சேவடிஓவா தேத்தி யுளத்தடைத் தார்வினைகாவா யென்றுதங் கைதொழு வார்க்கெலாம்ஆவா என்றிடும் ஆனைக்கா அண்ணலே.

சொற்பிரிப்பு

நாவால் நன்று நறுமலர்ச் சேவடிஓவாது ஏத்தி உளத்து அடைத் தார், “வினைகாவாய்! என்று தம் கை தொழுவார்க்கு எலாம்ஆவா! என்றிடும் ஆனைக்கா அண்ணலே.

உரை

மூலத்தில் தமிழ் உரை இல்லை.

5

வஞ்ச மின்றி வணங்குமின் வைகலும்வெஞ்சொ லின்றி விலகுமின் வீடுறநைஞ்சு நைஞ்சுநின் றுள்குளிர் வார்க்கெலாம்அஞ்ச லென்றிடும் ஆனைக்கா அண்ணலே.

சொற்பிரிப்பு

வஞ்சம் இன்றி வணங்குமின்! வைகலும்வெஞ்சொல் இன்றி விலகுமின்! வீடு உறநைஞ்சு நைஞ்சு நின்று உள் குளிர்வார்க்கு எலாம்,அஞ்சல்! என்றிடும் ஆனைக்கா அண்ணலே.

உரை

மூலத்தில் தமிழ் உரை இல்லை.

6

நடையை மெய்யென்று நாத்திகம் பேசாதேபடைகள் போல்வரும் பஞ்சமா பூதங்கள்தடையொன் றின்றியே தன்னடைந் தார்க்கெலாம்அடைய நின்றிடும் ஆனைக்கா அண்ணலே.

சொற்பிரிப்பு

நடையை மெய் என்று நாத்திகம் பேசாதே;படைகள் போல் வரும் பஞ்ச மா பூதங்கள்;தடை ஒன்று இன்றியே தன் அடைந்தார்க்கு எலாம்அடைய நின்றிடும் ஆனைக்கா அண்ணலே.

உரை

மூலத்தில் தமிழ் உரை இல்லை.

7

ஒழுகு மாடத்துள் ஒன்பது வாய்தலுங்கழுக ரிப்பதன் முன்னங் கழலடிதொழுது கைகளாற் றூமலர் தூவிநின்றழும வர்க்கன்பன் ஆனைக்கா அண்ணலே.

சொற்பிரிப்பு

ஒழுகு மாடத்துள் ஒன்பது வாய்தலும்கழுகு அரிப்பதன் முன்னம், கழல்அடிதொழுது, கைகளால் தூமலர் தூவி நின்று,அழும் அவர்க்கு அன்பன் ஆனைக்கா அண்ணலே.

உரை

மூலத்தில் தமிழ் உரை இல்லை.

8

உருளும் போதறி வொண்ணா உலகத்தீர்தெருளுஞ் சிக்கெனத் தீவினை சேராதேஇருள றுத்துநின் றீசனென் பார்க்கெலாம்அருள் கொடுத்திடும் ஆனைக்கா அண்ணலே.

சொற்பிரிப்பு

உருளும் போது அறிவு ஒண்ணா; உலகத்தீர்!தெருளும், சிக்கெனத் தீவினை சேராதே!இருள் அறுத்து நின்று ஈசன் என்பார்க்கு எலாம்அருள் கொடுத்திடும் ஆனைக்கா அண்ணலே.

உரை

மூலத்தில் தமிழ் உரை இல்லை.

9

நேச மாகி நினைமட நெஞ்சமேநாச மாய குலநலஞ் சுற்றங்கள்பாச மற்றுப் பராபர ஆனந்தஆசை யுற்றிடும் ஆனைக்கா அண்ணலே.

சொற்பிரிப்பு

நேசம் ஆகி நினை, மட நெஞ்சமே!நாசம் ஆய குல நலம் சுற்றங்கள்பாசம் அற்றுப் பராபர ஆனந்தஆசை உற்றிடும் ஆனைக்கா அண்ணலே.

உரை

மூலத்தில் தமிழ் உரை இல்லை.

10

ஓத மாகடல் சூழிலங் கைக்கிறைகீதங் கின்னரம் பாடக் கெழுவினான்பாதம் வாங்கிப் பரிந்தருள் செய்தங்கோர்ஆதி யாயிடும் ஆனைக்கா அண்ணலே.

சொற்பிரிப்பு

ஓதம் மா கடல் சூழ் இலங்கைக்கு இறைகீதம் கின்னரம் பாடக், கெழுவினான்,பாதம் வாங்கிப் பரிந்து, அருள் செய்து, அங்கு ஓர்ஆதி ஆயிடும் ஆனைக்கா அண்ணலே.

உரை

மூலத்தில் தமிழ் உரை இல்லை.