திருவன்னியூர்

அருளியவர்: திருநாவுக்கரசர்
பண்: திருக்குறுந்தொகை
தலம்: வன்னியூர்
நாடு: சோழநாடு காவிரித் தென்கரை

1

காடு கொண்டரங் காக்கங்குல் வாய்க்கணம்பாட மாநட மாடும் பரமனார்வாட மானிறங் கொள்வர் மணங்கமழ்மாட மாமதில் சூழ்வன்னி யூரரே.

சொற்பிரிப்பு

காடு கொண்டு அரங்காக் கங்குல்வாய்க் கணம்பாட, மாநடம் ஆடும் பரமனார்;வாட, மான்நிறம் கொள்வர் மணம் கமழ்மாட மாமதில் சூழ் வன்னியூரரே.

உரை

மூலத்தில் தமிழ் உரை இல்லை.

2

செங்கண் நாகம் அரையது தீத்திரள்அங்கை யேந்திநின் றார்எரி யாடுவர்கங்கை வார்சடை மேலிடங் கொண்டவர்மங்கை பாகம்வைத் தார்வன்னி யூரரே.

சொற்பிரிப்பு

செங்கண் நாகம் அரையது; தீத்திரள்அங்கை ஏந்தி நின்றார்; எரி ஆடுவர்;கங்கை வார்சடை மேல் இடம் கொண்டவர்;மங்கை பாகம் வைத்தார் வன்னியூரரே.

உரை

மூலத்தில் தமிழ் உரை இல்லை.

3

ஞானங் காட்டுவர் நன்னெறி காட்டுவர்தானங் காட்டுவர் தம்மடைந் தார்க்கெலாந்தானங் காட்டித்தன் றாளடைந் தார்கட்குவானங் காட்டுவர் போல்வன்னி யூரரே.

சொற்பிரிப்பு

ஞானம் காட்டுவர் நன்நெறி காட்டுவர்;தானம் காட்டுவர் தம் அடைந்தார்க்கு எலாம்;தானம் காட்டித், தன் தாள் அடைந்தார்கட்குவானம் காட்டுவர் போல் வன்னியூரரே.

உரை

மூலத்தில் தமிழ் உரை இல்லை.

4

இம்மை அம்மை யெனவிரண் டும்மிவைமெய்ம்மை தானறி யாது விளம்புவர்மெய்ம்மை யால்நினை வார்கள்தம் வல்வினைவம்மின் தீர்ப்பர்கண் டீர்வன்னி யூரரே.

சொற்பிரிப்பு

இம்மை, அம்மை, என இரண்டும் இவைமெய்ம்மை தான் அறியாது விளம்புவர்;மெய்ம்மையால் நினைவார்கள் தம் வல்வினை-வம்மின்!- தீர்ப்பர் கண்டீர், வன்னியூரரே.

உரை

மூலத்தில் தமிழ் உரை இல்லை.

5

பிறைகொள் வாணுதற் பெய்வளைத் தோளியர்நிறையைக் கொள்பவர் நீறணி மேனியர்கறைகொள் கண்டத்தர் வெண்மழு வாளினர்மறைகொள் வாய்மொழி யார்வன்னி யூரரே.

சொற்பிரிப்பு

பிறைகொள் வாள்நுதல் பெய்வளைத் தோளியர்நிறையைக் கொள்பவர்; நீறு அணி மேனியர்;கறைகொள் கண்டத்தர்; வெண்மழு வாளினர்;மறைகொள் வாய்மொழியார் வன்னியூரரே.

உரை

மூலத்தில் தமிழ் உரை இல்லை.

6

திளைக்கும் வண்டொடு தேன்படு கொன்றையர்துளைக்கை வேழத்தர் தோலர் சுடர்மதிமுளைக்கு மூரற் கதிர்கண்டு நாகம்நாவளைக்கும் வார்சடை யார்வன்னி யூரரே.

சொற்பிரிப்பு

திளைக்கும் வண்டொடு தேன்படு கொன்றையர்;துளைக்கை வேழத்தர்; தோலர்; சுடர்மதிமுளைக்கும் மூரல் கதிர் கண்டு, நாகம், நாவளைக்கும் வார்சடையார் வன்னியூரரே.

உரை

மூலத்தில் தமிழ் உரை இல்லை.

7

குணங்கொள் தோளெட்டு மூர்த்தி இணையடிஇணங்கு வார்கட் கினியனு மாய்நின்றான்வணங்கி மாமலர் கொண்டவர் வைகலும்வணங்கு வார்மனத் தார்வன்னி யூரரே.

சொற்பிரிப்பு

குணம்கொள்,தோள், எட்டு மூர்த்தி இணைஅடிஇணங்குவார்கட்கு இனியனுமாய் நின்றான்;வணங்கி மாமலர் கொண்டவர், வைகலும்வணங்குவார் மனத்தார் வன்னியூரரே.

உரை

மூலத்தில் தமிழ் உரை இல்லை.

8

இயலு மாலொடு நான்முகன் செய்தவம்முயலிற் காண்பரி தாய்நின்ற மூர்த்திதான்அயலெ லாம்அன்ன மேயும்அந் தாமரைவயலெ லாங்கயல் பாய்வன்னி யூரரே.

சொற்பிரிப்பு

இயலும் மாலொடு நான்முகன் செய்தவம்முயலின் காண்பு அரிதாய் நின்ற மூர்த்தி தான்-அயல் எலாம் அன்னம் ஏயும் அம் தாமரைவயல் எலாம் கயல் பாய் வன்னியூரரே.

உரை

மூலத்தில் தமிழ் உரை இல்லை.

9 Unavailable

இந்தப் பாடல் மூலத்தில் கிடைக்கப்பெறவில்லை. பாடல் வரிகள் இங்கே சேர்க்கப்படவில்லை.

இப்பதிகத்தில் 9-ம் பாடல் கிடைக்கப்பெறவில்லை.

சொற்பிரிப்பு

பாடல் கிடைக்கப்பெறவில்லை

உரை

பாடல் கிடைக்கப்பெறவில்லை

10

நலங்கொள் பாகனை நன்று முனிந்திடாவிலங்கல் கோத்தெடுத் தானது மிக்கிடஇலங்கை மன்னன் இருபது தோளினைமலங்க வூன்றிவைத் தார்வன்னி யூரரே.

சொற்பிரிப்பு

நலம்கொள் பாகனை நன்று முனிந்திடா,விலங்கல் கோத்து, எடுத்தான் அது மிக்கிட,இலங்கை மன்னன் இருபது தோளினைமலங்க ஊன்றி வைத்தார் வன்னியூரரே.

உரை

மூலத்தில் தமிழ் உரை இல்லை.