திருப்பாசூர்

அருளியவர்: திருநாவுக்கரசர்
பண்: திருக்குறுந்தொகை
தலம்: பாசூர்
நாடு: தொண்டைநாடு

1

முந்தி மூவெயி லெய்த முதல்வனார்சிந்திப் பார்வினை தீர்த்திடுஞ் செல்வனார்அந்திக் கோன்றனக் கேயருள் செய்தவர்பந்திச் செஞ்சடைப் பாசூ ரடிகளே.

சொற்பிரிப்பு

முந்தி மூ எயில் எய்த முதல்வனார்,சிந்திப்பார் வினை தீர்த்திடும் செல்வனார்,அந்திக் கோன் தனக்கே அருள் செய்தவர்-பந்திச் செஞ்சடைப் பாசூர் அடிகளே.

உரை

மூலத்தில் தமிழ் உரை இல்லை.

2

மடந்தை பாகம் மகிழ்ந்த மணாளனார்தொடர்ந்த வல்வினை போக்கிடுஞ் சோதியார்கடந்த காலனைக் கால்கொடு பாய்ந்தவர்படர்ந்த நாகத்தர் பாசூ ரடிகளே.

சொற்பிரிப்பு

மடந்தை பாகம் மகிழ்ந்த மணாளனார்,தொடர்ந்த வல்வினை போக்கிடும் சோதியார்,கடந்த காலனைக் கால்கொடு பாய்ந்தவர்,படர்ந்த நாகத்தர் பாசூர் அடிகளே.

உரை

மூலத்தில் தமிழ் உரை இல்லை.

3

நாறு கொன்றையும் நாகமுந் திங்களும்ஆறுஞ் செஞ்சடை வைத்த அழகனார்காறு கண்டத்தர் கையதோர் சூலத்தர்பாறி னோட்டினர் பாசூ ரடிகளே.

சொற்பிரிப்பு

நாறு கொன்றையும் நாகமும் திங்களும்ஆறும் செஞ்சடை வைத்த அழகனார்,காறு கண்டத்தர், கையது ஓர் சூலத்தர்,பாறின் ஓட்டினர் பாசூர் அடிகளே.

உரை

மூலத்தில் தமிழ் உரை இல்லை.

4

வெற்றி யூருறை வேதிய ராவர்நல்ஒற்றி யேறுகந் தேறு மொருவனார்நெற்றிக் கண்ணினர் நீளர வந்தனைப்பற்றி யாட்டுவர் பாசூ ரடிகளே.

சொற்பிரிப்பு

வெற்றியூர் உறை வேதியர் ஆவர், நல்ஒற்றி ஏறு உகந்து ஏறும் ஒருவனார்,நெற்றிக் கண்ணினர் நீள் அரவம் தனைப்பற்றி ஆட்டுவர் பாசூர் அடிகளே.

உரை

மூலத்தில் தமிழ் உரை இல்லை.

5

மட்ட விழ்ந்த மலர்நெடுங் கண்ணிபால்இட்ட வேட்கைய ராகி யிருப்பவர்துட்ட ரேலறி யேனிவர் சூழ்ச்சிமைபட்ட நெற்றியர் பாசூ ரடிகளே.

சொற்பிரிப்பு

மட்டு அவிழ்ந்த மலர் நெடுங்கண்ணிபால்இட்ட வேட்கையர் ஆகி இருப்பவர்,-துட்டரேல், அறியேன், இவர் சூழ்ச்சிமை;-பட்ட நெற்றியர் பாசூர் அடிகளே.

உரை

மூலத்தில் தமிழ் உரை இல்லை.

6

பல்லில் ஓடுகை யேந்திப் பகலெலாம்எல்லி நின்றிடு பெய்பலி யேற்பவர்சொல்லிப் போய்ப்புகும் ஊரறி யேன்சொலீர்பல்கு நீற்றினர் பாசூ ரடிகளே.

சொற்பிரிப்பு

பல் இல் ஓடுகை ஏந்திப் பகல் எலாம்எல்லி நின்று இடு பெய் பலி ஏற்பவர்,-சொல்லிப் போய்ப் புகும் ஊர் அறியேன்; சொல்லீர்!-பல்கும் நீற்றினர் பாசூர் அடிகளே.

உரை

மூலத்தில் தமிழ் உரை இல்லை.

7

கட்டி விட்ட சடையர் கபாலியர்எட்டி நோக்கிவந் தில்புகுந் தவ்வவர்இட்ட மாவறி யேனிவர் செய்வனபட்ட நெற்றியர் பாசூ ரடிகளே.

சொற்பிரிப்பு

கட்டி விட்ட சடையர், கபாலியர்,-எட்டி நோக்கி வந்து இல் புகுந்து அவ்அவர்இட்டமா அறியேன், இவர் செய்வன-பட்ட நெற்றியர் பாசூர் அடிகளே.

உரை

மூலத்தில் தமிழ் உரை இல்லை.

8

வேத மோதிவந் தில்புகுந் தாரவர்காதில் வெண்குழை வைத்த கபாலியார்நீதி யொன்றறி யார்நிறை கொண்டனர்பாதி வெண்பிறைப் பாசூ ரடிகளே.

சொற்பிரிப்பு

வேதம் ஓதி வந்து இல் புகுந்தார் அவர்,காதில் வெண்குழை வைத்த கபாலியார்,நீதி ஒன்று அறியார், நிறை கொண்டனர்-பாதி வெண்பிறைப் பாசூர் அடிகளே.

உரை

மூலத்தில் தமிழ் உரை இல்லை.

9

சாம்பற் பூசுவர் தாழ்சடை கட்டுவர்ஓம்பல் மூதெரு தேறு மொருவனார்தேம்பல் வெண்மதி சூடுவர் தீயதோர்பாம்பு மாட்டுவர் பாசூ ரடிகளே.

சொற்பிரிப்பு

சாம்பல் பூசுவர் தாழ்சடை கட்டுவர்,ஓம்பல் மூதெருது ஏறும் ஒருவனார்,தேம்பல் வெண்மதி சூடுவர், தீயது ஓர்பாம்பும் ஆட்டுவர் பாசூர் அடிகளே.

உரை

மூலத்தில் தமிழ் உரை இல்லை.

10

மாலி னோடு மறையவன் றானுமாய்மேலுங் கீழும் அளப்பரி தாயவர்ஆலின் நீழல் அறம்பகர்ந் தார்மிகப்பால்வெண் ணீற்றினர் பாசூ ரடிகளே.

சொற்பிரிப்பு

மாலினோடு மறையவன் தானுமாய்,மேலும் கீழும் அளப்ப (அ)ரிது ஆயவர்;ஆலின் நீழல் அறம் பகர்ந்தார்; மிகப்பால் வெண் நீற்றினர் பாசூர் அடிகளே.

உரை

மூலத்தில் தமிழ் உரை இல்லை.

11

திரியு மூவெயில் செங்கணை யொன்றினால்எரிய வெய்தன ரேனும் இலங்கைக்கோன்நெரிய வூன்றியிட் டார்விர லொன்றினாற்பரியர் நுண்ணியர் பாசூ ரடிகளே.

சொற்பிரிப்பு

திரியும் மூஎயில் செங்கணை ஒன்றினால்எரிய எய்தனரேனும், இலங்கைக் கோன்நெரிய ஊன்றியிட்டார், விரல் ஒன்றினால்;பரியர்; நுண்ணியர் பாசூர் அடிகளே.

உரை

மூலத்தில் தமிழ் உரை இல்லை.