திருவொற்றியூர்

அருளியவர்: திருநாவுக்கரசர்
பண்: திருக்குறுந்தொகை
தலம்: ஒற்றியூர்
நாடு: தொண்டைநாடு

ஐந்தாம் திருமுறை ›

1

ஒற்றி யூரும் ஒளிமதி பாம்பினைஒற்றி யூருமப் பாம்பும் அதனையேஒற்றி யூர வொருசடை வைத்தவன்ஒற்றி யூர்தொழ நம்வினை ஓயுமே.

சொற்பிரிப்பு

ஒற்றி ஊரும் ஒளிமதி, பாம்பினை;ஒற்றி ஊரும் அப் பாம்பும் அதனையேஒற்றி ஊர ஒருசடை வைத்தவன்ஒற்றியூர் தொழ, நம் வினை ஓயுமே.

உரை

மூலத்தில் தமிழ் உரை இல்லை.

2

வாட்ட மொன்றுரைக் கும்மலை யான்மகள்ஈட்ட வேயிரு ளாடி இடுபிணக்காட்டி லோரி கடிக்க எடுத்ததோர்ஓட்டை வெண்டலைக் கையொற்றி யூரரே.

சொற்பிரிப்பு

வாட்டம் ஒன்று உரைக்கும் மலையான் மகள்ஈட்டவே, இருள் ஆடி, இடுபிணக்-காட்டில் ஓரி கடிக்க எடுத்தது ஓர்ஓட்டை வெண்தலைக் கை ஒற்றியூரரே.

உரை

மூலத்தில் தமிழ் உரை இல்லை.

3

கூற்றுத் தண்டத்தை அஞ்சிக் குறிக்கொண்மின்ஆற்றுத் தண்டத் தடக்கு மரனடிநீற்றுத் தண்டத்த ராய்நினை வார்க்கெலாம்ஊற்றுத் தண்டொப்பர் போலொற்றி யூரரே.

சொற்பிரிப்பு

கூற்றுத் தண்டத்தை அஞ்சிக் குறிக்கொண்மின்,ஆற்றுத் தண்டத்து அடக்கும் அரன் அடி!நீற்றுத் தண்டத்தராய் நினைவார்க்கு எலாம்ஊற்றுத் தண்டு ஒப்பர் போல், ஒற்றியூரரே.

உரை

மூலத்தில் தமிழ் உரை இல்லை.

4

சுற்றும் பேய்சுழ லச்சுடு காட்டெரிபற்றி யாடுவர் பாய்புலித் தோலினர்மற்றை யூர்களெல் லாம்பலி தேர்ந்துபோய்ஒற்றி யூர்புக் குறையும் ஒருவரே.

சொற்பிரிப்பு

சுற்றும் பேய் சுழலச் சுடு காட்டு எரிபற்றி ஆடுவர்; பாய் புலித்தோலினர்-மற்றை ஊர்கள் எல்லாம் பலி தேர்ந்துபோய்ஒற்றியூர் புக்கு உறையும் ஒருவரே.

உரை

மூலத்தில் தமிழ் உரை இல்லை.

5

புற்றில் வாளர வாட்டி உமையொடுபெற்ற மேறுகந் தேறும் பெருமையான்மற்றை யாரொடு வானவ ருந்தொழஒற்றி யூருறை வானோர் கபாலியே.

சொற்பிரிப்பு

புற்றில் வாள்அரவு ஆட்டி, உமையொடுபெற்றம் ஏறு உகந்து, ஏறும் பெருமையான்-மற்றையாரொடு வானவரும் தொழஒற்றியூர் உறைவான் ஓர் கபாலியே.

உரை

மூலத்தில் தமிழ் உரை இல்லை.

6

போது தாழ்ந்து புதுமலர் கொண்டுநீர்மாது தாழ்சடை வைத்த மணாளனார்ஓது வேதிய னார்திரு வொற்றியூர்பாத மேத்தப் பறையுநம் பாவமே.

சொற்பிரிப்பு

போது தாழ்ந்து புதுமலர் கொண்டு-நீர்-மாது தாழ்சடை வைத்த மணாளனார்;ஓது வேதியனார், திரு ஒற்றியூர்;-பாதம் ஏத்தப் பறையும், நம் பாவமே.

உரை

மூலத்தில் தமிழ் உரை இல்லை.

7

பலவும் அன்னங்கள் பன்மலர் மேற்றுஞ்சுங்கலவ மஞ்ஞைகள் காரென வெள்குறும்உலவு பைம்பொழில் சூழ்திரு வொற்றியூர்நிலவி னானடி யேயடை நெஞ்சமே.

சொற்பிரிப்பு

பலவும் அன்னங்கள் பல்மலர் மேல் துஞ்சும்,கலவ மஞ்ஞைகள் கார் என எள்குறும்,உலவு பைம்பொழில் சூழ் திரு ஒற்றியூர்நிலவினான் அடியே அடை நெஞ்சமே!

உரை

மூலத்தில் தமிழ் உரை இல்லை.

8

ஒன்று போலும் உகந்தவ ரேறிற்றுஒன்று போலும் உதைத்துக் களைந்ததுஒன்று போலொளி மாமதி சூடிற்றுஒன்று போலுகந் தாரொற்றி யூரரே.

சொற்பிரிப்பு

ஒன்று போலும் உகந்து அவர் ஏறிற்று;ஒன்று போலும் உதைத்துக் களைந்தது;ஒன்று போல் ஒளி மாமதி சூடிற்று;ஒன்று போல் உகந்தார், ஒற்றியூரரே.

உரை

மூலத்தில் தமிழ் உரை இல்லை.

9

படைகொள் பூதத்தர் வேதத்தர் கீதத்தர்சடைகொள் வெள்ளத்தர் சாந்தவெண் ணீற்றினர்உடையுந் தோலுகந் தாருறை யொற்றியூர்அடையு முள்ளத் தவர்வினை யல்குமே.

சொற்பிரிப்பு

படைகொள் பூதத்தர், வேதத்தர், கீதத்தர்,சடைகொள் வெள்ளத்தர், சாந்த வெண் நீற்றினர்,உடையும் தோல் உகந்தார், உறை ஒற்றியூர்அடையும் உள்ளத்தவர் வினை அல்குமே.

உரை

மூலத்தில் தமிழ் உரை இல்லை.

10

வரையி னாருயர் தோலுடை மன்னனைவரையி னால்வலி செற்றவர் வாழ்விடந்திரையி னார்புடை சூழ்திரு வொற்றியூர்உரையி னாற்பொலிந் தாருயர்ந் தார்களே.

சொற்பிரிப்பு

வரையின் ஆர் உயர் தோள் உடை மன்னனைவரையினால் வலி செற்றவர் வாழ்விடம்,திரையின் ஆர் புடை சூழ் திரு ஒற்றியூர்,உரையினால் பொலிந்தார் உயர்ந்தார்களே.

உரை

மூலத்தில் தமிழ் உரை இல்லை.