திருவீழிமிழலை

அருளியவர்: திருநாவுக்கரசர்
பண்: திருக்குறுந்தொகை
தலம்: வீழிமிழலை
நாடு: சோழநாடு காவிரித் தென்கரை

1

என்பொ னேயிமை யோர்தொழு பைங்கழல்நன்பொ னேநலந் தீங்கறி வொன்றிலேன்செம்பொ னேதிரு வீழி மிழலையுள்அன்ப னேயடி யேனைக் குறிக்கொளே.

சொற்பிரிப்பு

என்பொனே! இமையோர் தொழு பைங்கழல்நன்பொனே! நலம் தீங்கு அறிவு ஒன்று இலேன்;செம்பொனே! திரு வீழி மிழலையுள்அன்பனே! அடியேனைக் குறிக்கொளே!

உரை

மூலத்தில் தமிழ் உரை இல்லை.

2

கண்ணி னாற்களி கூரக்கை யாற்றொழுதெண்ணு மாறறி யாதிளைப் பேன்றனைவிண்ணு ளார்தொழும் வீழி மிழலையுள்அண்ண லேயடி யேனைக் குறிக்கொளே.

சொற்பிரிப்பு

கண்ணினால் களி கூரக், கையால் தொழுது,எண்ணும் ஆறு அறியாது இளைப்பேன் தனை,விண் உளார் தொழும் வீழி மிழலையுள்அண்ணலே! அடியேனைக் குறிக்கொளே!

உரை

மூலத்தில் தமிழ் உரை இல்லை.

3

ஞால மேவிசும் பேநலந் தீமையேகால மேகருத் தேகருத் தாற்றொழுஞ்சீல மேதிரு வீழி மிழலையுள்கோல மேயடி யேனைக் குறிக்கொளே.

சொற்பிரிப்பு

ஞாலமே! விசும்பே! நலம் தீமையே!காலமே! கருத்தே! கருத்தால் தொழும்சீலமே! திரு வீழி மிழலையுள்கோலமே! அடியேனைக் குறிக்கொளே!

உரை

மூலத்தில் தமிழ் உரை இல்லை.

4

முத்த னேமுதல் வாமுகி ழும்முளைஒத்த னேயொரு வாவுரு வாகியசித்த னேதிரு வீழி மிழலையுள்அத்த னேயடி யேனைக் குறிக்கொளே.

சொற்பிரிப்பு

முத்தனே! முதல்வா! முகிழும் முளைஒத்தனே! ஒருவா! உரு ஆகியசித்தனே! திரு வீழி மிழலையுள்அத்தனே! அடியேனைக் குறிக்கொளே!

உரை

மூலத்தில் தமிழ் உரை இல்லை.

5

கருவ னேகரு வாய்த்தெளி வார்க்கெலாம்ஒருவ னேஉயிர்ப் பாய்உணர் வாய்நின்றதிருவ னேதிரு வீழி மிழலையுள்குருவ னேயடி யேனைக் குறிக்கொளே.

சொற்பிரிப்பு

கருவனே! கருவாய்த் தெளிவார்க்கு எலாம்ஒருவனே! உயிர்ப்பு ஆய் உணர்வாய் நின்றதிருவனே! திரு வீழி மிழலையுள்குருவனே! அடியேனைக் குறிக்கொளே!

உரை

மூலத்தில் தமிழ் உரை இல்லை.

6

காத்த னேபொழி லேழையுங் காதலால்ஆத்த னேஅம ரர்க்கயன் றன்றலைசேர்த்த னேதிரு வீழி மிழலையுள்கூத்த னேயடி யேனைக் குறிக்கொளே.

சொற்பிரிப்பு

காத்தனே, பொழில் ஏழையும்! காதலால்ஆத்தனே, அமரர்க்கு! அயன் தன் தலைசேர்த்தனே! திரு வீழி மிழலையுள்கூத்தனே! அடியேனைக் குறிக்கொளே!

உரை

மூலத்தில் தமிழ் உரை இல்லை.

7

நீதி வானவர் நித்தல் நியமஞ்செய்தோதி வானவ ரும்முண ராததோர்வேதி யாவிகிர் தாதிரு வீழியுள்ஆதி யேயடி யேனைக் குறிக்கொளே.

சொற்பிரிப்பு

நீதி வானவர் நித்தல் நியமம் செய்துஓதி வானவரும் உணராதது ஓர்வேதியா! விகிர்தா! திரு வீழியுள்ஆதியே! அடியேனைக் குறிக்கொளே!

உரை

மூலத்தில் தமிழ் உரை இல்லை.

8

பழகி நின்னடி சூடிய பாலனைக்கழகின் மேல்வைத்த காலனைச் சாடியஅழக னேயணி வீழி மிழலையுள்குழக னேயடி யேனைக் குறிக்கொளே.

சொற்பிரிப்பு

பழகி நின் அடி சூடிய பாலனைக்,கழகின் மேல் வைத்த காலனைச் சாடியஅழகனே! அணி வீழி மிழலையுள்குழகனே! அடியேனைக் குறிக்கொளே!

உரை

மூலத்தில் தமிழ் உரை இல்லை.

9

அண்ட வானவர் கூடிக் கடைந்தநஞ்சுண்ட வானவ னேஉணர் வொன்றிலேன்விண்ட வான்பொழில் வீழி மிழலையுள்கொண்ட னேயடி யேனைக் குறிக்கொளே.

சொற்பிரிப்பு

அண்ட வானவர் கூடிக் கடைந்த நஞ்சுஉண்ட வானவனே! உணர்வு ஒன்று இலேன்விண்ட வான்பொழில் வீழி மிழலையுள்கொண்டனே! அடியேனைக் குறிக்கொளே!

உரை

மூலத்தில் தமிழ் உரை இல்லை.

10

ஒருத்தன் ஓங்கலைத் தாங்கலுற் றானுரம்வருத்தி னாய்வஞ்ச னேன்மனம் மன்னியதிருத்த னேதிரு வீழி மிழலையுள்அருத்த னேயடி யேனைக் குறிக்கொளே.

சொற்பிரிப்பு

ஒருத்தன் ஓங்கலைத் தாங்கல் உற்றான் உரம்வருத்தினாய்! வஞ்சனேன் மனம் மன்னியதிருத்தனே! திரு வீழி மிழலையுள்அருத்தனே! அடியேனைக் குறிக்கொளே!

உரை

மூலத்தில் தமிழ் உரை இல்லை.