திருமுறை 5 · 5.009 · 10

திருமறைக்காடு

அருளியவர்
திருநாவுக்கரசர்
பண்
திருக்குறுந்தொகை
தலம்
மறைக்காடு
நாடு
சோழநாடு காவிரித் தென்கரை

ஐந்தாம் திருமுறை ›

1

ஓத மால்கடல் பாவி உலகெலாம்மாத ரார்வலங் கொண்மறைக் காடரைக்காதல் செய்து கருதப் படுமவர்பாத மேத்தப் பறையுநம் பாவமே.
சொற்பிரிப்பு
ஓதம் மால்கடல் பாவி உலகுஎலாம்மாத ரார்வலம் கொண்மறைக் காடரைக்காதல் செய்து, கருதப் படும்அவர்பாதம்ஏத்தப், பறையும்,நம் பாவமே.
உரை

மூலத்தில் தமிழ் உரை இல்லை.

2

பூக்குந் தாழை புறணி அருகெலாம்ஆக்கந் தானுடை மாமறைக் காடரோஆர்க்குங் காண்பரி யீர்அடி யார்தமைநோக்கிக் காண்பது நும்பணி செய்யிலே.
சொற்பிரிப்பு
பூக்கும் தாழை புறணி அருகுஎலாம்ஆக்கம் தான்உடை மாமறைக் காடரோ!ஆர்க்கும் காண்புஅரி யீர்!-அடி யார்தம்மைநோக்கிக் காண்பது, நும்பணி செய்யிலே.
உரை

மூலத்தில் தமிழ் உரை இல்லை.

3

புன்னை ஞாழல் புறணி அருகெலாம்மன்னி னார்வலங் கொண்மறைக் காடரோஅன்ன மென்னடை யாளையொர் பாகமாச்சின்ன வேடம் உகப்பது செல்வமே.
சொற்பிரிப்பு
புன்னை ஞாழல் புறணி அருகுஎலாம்,மன்னி னார்வலம் கொண்மறைக் காடரோ!அன்ன மென்நடை யாளைஓர் பாகமாச்சின்ன வேடம் உகப்பது செல்வமே.
உரை

மூலத்தில் தமிழ் உரை இல்லை.

4

அட்ட மாமலர் சூடி அடும்பொடுவட்டப் புன்சடை மாமறைக் காடரோநட்ட மாடியும் நான்மறை பாடியும்இட்ட மாக இருக்கும் இடமிதே.
சொற்பிரிப்பு
அட்ட மாமலர் சூடி, அடும்பொடுவட்டப் புன்சடை மாமறைக் காடரோ!நட்டம்ஆடியும் நால்மறை பாடியும்,இட்டம்ஆக இருக்கும் இடம்இதே.
உரை

மூலத்தில் தமிழ் உரை இல்லை.

5

நெய்த லாம்பல் நிறைவயல் சூழ்தரும்மெய்யி னார்வலங் கொண்மறைக் காடரோதையல் பாகங்கொண் டீர்கவர் புன்சடைப்பைதல் வெண்பிறை பாம்புடன் வைப்பதே.
சொற்பிரிப்பு
நெய்தல்ஆம்பல் நிறைவயல் சூழ்தரும்,மெய்யி னார்வலம் கொண்மறைக் காடரோ!தையல் பாகம்கொண் டீர்!-கவர் புன்சடைப்பைதல் வெண்பிறை பாம்புஉடன் வைப்பதே?
உரை

மூலத்தில் தமிழ் உரை இல்லை.

6

துஞ்சும் போதுந் துயிலின்றி ஏத்துவார்வஞ்சின் றிவலங் கொண்மறைக் காடரோபஞ்சின் மெல்லடிப் பாவை பலிகொணர்ந்தஞ்சி நிற்பதும் ஐந்தலை நாகமே
சொற்பிரிப்பு
துஞ்சும் போதும் துயில்இன்றி ஏத்துவார்வஞ்சுஇன் றி(வ்)வலம் கொண்மறைக் காடரோ!பஞ்சின் மெல்அடிப் பாவை பலிகொணர்ந்துஅஞ்சி நிற்பதும் ஐந்தலை நாகமே.
உரை

மூலத்தில் தமிழ் உரை இல்லை.

7

திருவி னார்செல்வ மல்கு விழாவணிமருவி னார்வலங் கொண்மறைக் காடரோஉருவி னாளுமை மங்கையோர் பாகமாய்மருவி னாய்கங்கை யைச்சென்னி தன்னிலே.
சொற்பிரிப்பு
திருவி னார்செல்வம் மல்கு விழாஅணி,மருவி னார்வலம்கொண்மறைக் காடரோ!உருவி னாள்உமை மங்கைஓர் பாகம்ஆய்,மருவி னாய்,கங்கை யைச்சென்னி தன்னிலே.
உரை

மூலத்தில் தமிழ் உரை இல்லை.

8

சங்கு வந்தலைக் குந்தடங் கானல்வாய்வங்க மார்வலங் கொண்மறைக் காடரோகங்கை செஞ்சடை வைப்பது மன்றியேஅங்கை யில்லனல் ஏந்தல் அழகிதே.
சொற்பிரிப்பு
சங்கு வந்துஅலைக் கும்தடங் கானல்வாய்வங்கம்ஆர்வலம் கொண்மறைக் காடரோ!கங்கை செஞ்சடை வைப்பதும் அன்றியேஅங்கை யில்அனல் ஏந்தல் அழகிதே?
உரை

மூலத்தில் தமிழ் உரை இல்லை.

9 Unavailable

இந்தப் பாடல் மூலத்தில் கிடைக்கப்பெறவில்லை. பாடல் வரிகள் இங்கே சேர்க்கப்படவில்லை.

இப்பதிகத்தில் 9-ம் பாடல் கிடைக்கப்பெறவில்லை.
சொற்பிரிப்பு
பாடல் கிடைக்கப்பெறவில்லை
உரை

பாடல் கிடைக்கப்பெறவில்லை

10

குறைக்காட் டான்விட்ட தேர்குத்த மாமலைஇறைக்காட் டியெடுத் தான்றலை ஈரைந்தும்மறைக்காட் டானிறை ஊன்றலும் வாய்விட்டான்இறைக்காட் டாயெம் பிரானுனை ஏத்தவே.
சொற்பிரிப்பு
குறைக்காட் டான்,விட்ட தேர்குத்த மாமலைஇறைக்காட் டீஎடுத் தான்,தலை ஈர்-ஐந்தும்மறைக்காட் டான்இறை ஊன்றலும் வாய்விட்டான்;இறைக்காட் டாய்,-எம் பிரான்!-உனை ஏத்தவே!
உரை

மூலத்தில் தமிழ் உரை இல்லை.