திருஅன்னியூர்

அருளியவர்: திருநாவுக்கரசர்
பண்: திருக்குறுந்தொகை
தலம்: அன்னியூர்
நாடு: சோழநாடு காவிரி வடகரை

1

பாற லைத்த படுவெண் டலையினன்நீற லைத்தசெம் மேனியன் நேரிழைகூற லைத்தமெய் கோளர வாட்டியஆற லைத்த சடைஅன்னி யூரரே.

சொற்பிரிப்பு

பாறு அலைத்த படுவெண் தலையினன்;நீறு அலைத்த செம் மேனியன் நேரிழைகூறு அலைத்த மெய், கோள் அரவு ஆட்டியஆறு அலைத்த சடை, அன்னியூரனே.

உரை

மூலத்தில் தமிழ் உரை இல்லை.

2

பண்டொத் தமொழி யாளையோர் பாகமாய்இண்டைச் செஞ்சடை யன்னிருள் சேர்ந்ததோர்கண்டத் தன்கரி யின்னுரி போர்த்தவன்அண்டத் தப்புறத் தான்அன்னி யூரனே.

சொற்பிரிப்பு

பண்டு ஒத்த மொழியாளை ஓர் பாகம் ஆய்,இண்டைச் செஞ்சடையன்; இருள் சேர்ந்தது ஓர்கண்டத்தன்; கரியின் உரி போர்த்தவன்;அண்டத்து அப்புறத்தான் அன்னியூரனே.

உரை

மூலத்தில் தமிழ் உரை இல்லை.

3

பரவி நாளும் பணிந்தவர் தம்வினைதுரவை யாகத் துடைப்பவர் தம்மிடங்குரவம் நாறுங் குழலுமை கூறராய்அரவ மாட்டுவர் போல்அன்னி யூரரே.

சொற்பிரிப்பு

பரவி நாளும் பணிந்தவர் தம்வினைதுரவை ஆகத் துடைப்பவர் தம் இடம்,குரவம் நாறும் குழல் உமை கூறராய்அரவம் ஆட்டுவர் போல், அன்னியூரரே.

உரை

மூலத்தில் தமிழ் உரை இல்லை.

4

வேத கீதர்விண் ணோர்க்கும் உயர்ந்தவர்சோதி வெண்பிறை துன்று சடைக்கணிநாதர் நீதியி னாலடி யார்தமக்காதி யாகிநின் றார்அன்னி யூரரே.

சொற்பிரிப்பு

வேத கீதர்; விண்ணோர்க்கும் உயர்ந்தவர்;சோதி வெண்பிறை துன்று சடைக்கு அணிநாதர்; நீதியினால் அடியார் தமக்குஆதி ஆகி நின்றார் அன்னியூரரே.

உரை

மூலத்தில் தமிழ் உரை இல்லை.

5

எம்பி ரான்இமை யோர்கள் தமக்கெலாம்இன்ப ராகி இருந்தவெம் மீசனார்துன்ப வல்வினை போகத் தொழுமவர்க்கன்ப ராகிநின் றார்அன்னி யூரரே.

சொற்பிரிப்பு

எம்பிரான்; இமையோர்கள் தமக்கு எலாம்இன்பர் ஆகி இருந்த எம் ஈசனார்;துன்ப வல்வினை போகத் தொழும் அவர்க்குஅன்பர் ஆகி நின்றார் அன்னியூரரே.

உரை

மூலத்தில் தமிழ் உரை இல்லை.

6

வெந்த நீறுமெய் பூசுநன் மேனியர்கந்த மாமலர் சூடுங் கருத்தினர்சிந்தை யார்சிவ னார்செய்ய தீவண்ணர்அந்த ணாளர்கண் டீர்அன்னி யூரரே.

சொற்பிரிப்பு

வெந்த நீறு மெய் பூசும் நல் மேனியர்;கந்த மாமலர் சூடும் கருத்தினர்;சிந்தை ஆர் சிவனார்; செய்ய தீவண்ணர்;அந்தணாளர் கண்டீர் அன்னியூரரே.

உரை

மூலத்தில் தமிழ் உரை இல்லை.

7

ஊனை யார்தலை யிற்பலி கொண்டுழல்வானை வானவர் தாங்கள் வணங்கவேதேனை யார்குழ லாளையொர் பாகமாஆனை யீருரி யார்அன்னி யூரரே.

சொற்பிரிப்பு

ஊனை ஆர் தலையில் பலி கொண்டு உழல்-வானை; வானவர் தாங்கள் வணங்கவே,தேனை ஆர் குழலாளை ஓர் பாகமா,ஆனை ஈர் உரியார் அன்னியூரரே.

உரை

மூலத்தில் தமிழ் உரை இல்லை.

8

காலை போய்ப்பலி தேர்வர் கண்ணார்நெற்றிமேலை வானவர் வந்து விரும்பியசோலை சூழ்புறங் காடரங் காகவேஆலின் கீழறத் தார்அன்னி யூரரே.

சொற்பிரிப்பு

காலை போய்ப் பலி தேர்வர்; கண் ஆர் நெற்றி;மேலை வானவர் வந்து விரும்பிய,சோலை சூழ் புறங்காடு அரங்கு ஆகவே,ஆலின் கீழ் அறத்தார் அன்னியூரரே.

உரை

மூலத்தில் தமிழ் உரை இல்லை.

9

எரிகொள் மேனியர் என்பணிந் தின்பராய்த்திரியு மூவெயில் தீயெழச் செற்றவர்கரிய மாலொடு நான்முகன் காண்பதற்கரிய ராகிநின் றார்அன்னி யூரரே.

சொற்பிரிப்பு

எரிகொள் மேனியர்; என்பு அணிந்து இன்பராய்த்திரியும் மூ எயில் தீ எழச் செற்றவர்;கரிய மாலொடு, நான்முகன், காண்பதற்குஅரியர் ஆகி நின்றார் அன்னியூரரே.

உரை

மூலத்தில் தமிழ் உரை இல்லை.

10

வஞ்ச ரக்கன் கரமுஞ் சிரத்தொடும்அஞ்சு மஞ்சுமோ ராறுநான் கும்மிறப்பஞ்சின் மெல்விர லாலடர்த் தாயிழைஅஞ்ச லஞ்சலென் றார்அன்னி யூரரே.

சொற்பிரிப்பு

வஞ்ச (அ)ரக்கன் கரமும் சிரத்தொடும்அஞ்சும் அஞ்சும் ஓர் ஆறும் நான்கும் இறப்,பஞ்சின் மெல் விரலால் அடர்த்து, “ஆயிழைஅஞ்சல் அஞ்சல்!” என்றார் அன்னியூரரே.

உரை

மூலத்தில் தமிழ் உரை இல்லை.