திருவாரூர்

அருளியவர்: திருநாவுக்கரசர்
பண்: திருக்குறுந்தொகை
தலம்: ஆரூர்
நாடு: சோழநாடு காவிரித் தென்கரை

1

எப்போ தும்மிறை யும்மற வாதுநீர்முப்போ தும்பிர மன்றொழ நின்றவன்செப்போ தும்பொனின் மேனிச் சிவனவன்அப்போ தைக்கஞ்சல் என்னும்ஆ ரூரனே.

சொற்பிரிப்பு

எப்போதும் இறையும் மறவாது, நீர்முப்போதும் பிரமன் தொழ நின்றவன்,செப்பு ஓதும் பொனின் மேனிச் சிவன் அவன்,அப்போதைக்கு, “அஞ்சல்” என்னும் ஆரூரனே.

உரை

மூலத்தில் தமிழ் உரை இல்லை.

2

சடையின் மேலுமொர் தையலை வைத்தவர்அடைகி லாவர வைஅரை யார்த்தவர்படையின் நேர்தடங் கண்ணுமை பாகமாஅடைவர் போல்இடு காடர்ஆ ரூரரே.

சொற்பிரிப்பு

சடையின் மேலும் ஓர் தையலை வைத்தவர்,அடைகிலா அரவை அரை ஆர்த்தவர்,படையின் நேர் தடங்கண் உமை பாகமாஅடைவர் போல், இடுகாடர் ஆரூரரே.

உரை

மூலத்தில் தமிழ் உரை இல்லை.

3

விண்ட வெண்டலை யேகல னாகவேகொண்ட கம்பலி தேருங் குழகனார்துண்ட வெண்பிறை வைத்த இறையவர்அண்ட வாணர்க் கருளும்ஆ ரூரரே.

சொற்பிரிப்பு

விண்ட வெண்தலையே கலன் ஆகவேகொண்ட அகம் பலி தேரும் குழகனார்;துண்ட வெண்பிறை வைத்த இறையவர்அண்ட வாணர்க்கு அருளும் ஆரூரரே.

உரை

மூலத்தில் தமிழ் உரை இல்லை.

4

விடையும் ஏறுவர் வெண்டலை யிற்பலிகடைகள் தோறுந் திரியுமெங் கண்ணுதல்உடையுஞ் சீரை உறைவது காட்டிடைஅடைவர் போல்அரங் காகஆ ரூரரே.

சொற்பிரிப்பு

விடையும் ஏறுவர்; வெண்தலையில் பலிகடைகள் தோறும் திரியும் எம் கண்ணுதல்;உடையும் சீரை; உறைவது காட்டிடை;அடைவர் போல், அரங்கு ஆக; ஆரூரரே.

உரை

மூலத்தில் தமிழ் உரை இல்லை.

5

துளைக்கை வேழத் துரியுடல் போர்த்தவர்வளைக்கை யாளையொர் பாக மகிழ்வெய்தித்திளைக்குந் திங்கட் சடையிற் திசைமுழுதளக்குஞ் சிந்தையர் போலும்ஆ ரூரரே.

சொற்பிரிப்பு

துளைக்கை வேழத்து உரி உடல் போர்த்தவர்;வளைக்கையாளை ஓர் பாகம் மகிழ்வு எய்தித்திளைக்கும் திங்கள் சடையில் திசைமுழுதுஅளக்கும் சிந்தையர் போலும் ஆரூரரே.

உரை

மூலத்தில் தமிழ் உரை இல்லை.

6

பண்ணின் இன்மொழி யாளையோர் பாகமாவிண்ணி னார்விளங் கும்மதி சூடியேசுண்ண நீறுமெய்ப் பூசிச் சுடலையின்அண்ணி யாடுவர் போலும்ஆ ரூரரே.

சொற்பிரிப்பு

பண்ணின் இன்மொழியாளை ஓர் பாகமா,விண்ணின் ஆர் விளங்கும் மதி சூடியே,சுண்ண நீறு மெய்ப் பூசிச், சுடலையின்அண்ணி ஆடுவர் போலும் ஆரூரரே.

உரை

மூலத்தில் தமிழ் உரை இல்லை.

7

மட்டு வார்குழ லாளொடு மால்விடைஇட்ட மாவுகந் தேறும் இறைவனார்கட்டு வாங்கங் கனல்மழு மான்றனோடட்ட மாம்புய மாகும்ஆ ரூரரே.

சொற்பிரிப்பு

மட்டு வார் குழலாளொடு மால்விடைஇட்டமா உகந்து ஏறும் இறைவனார்கட்டுவாங்கம், கனல், மழு மான் தனோடு,அட்டம் ஆம் புயம் ஆகும் ஆரூரரே.

உரை

மூலத்தில் தமிழ் உரை இல்லை.

8

தேய்ந்த திங்கள் கமழ்சடை யன்கனல்ஏந்தி எல்லியுள் ஆடும் இறைவனார்காய்ந்து காமனை நோக்கின கண்ணினார்ஆய்ந்த நான்மறை யோதும்ஆ ரூரரே.

சொற்பிரிப்பு

தேய்ந்த திங்கள் கமழ்சடையன்; கனல்ஏந்தி எல்லியுள் ஆடும் இறைவனார்;காய்ந்து காமனை நோக்கின கண்ணினார்ஆய்ந்த நால்மறை ஓதும் ஆரூரரே.

உரை

மூலத்தில் தமிழ் உரை இல்லை.

9

உண்டு நஞ்சுகண் டத்துள் அடக்கியங்கிண்டை செஞ்சடை வைத்த இயல்பினான்கொண்ட கோவண ஆடையன் கூரெரிஅண்ட வாணர் அடையும்ஆ ரூரரே.

சொற்பிரிப்பு

உண்டு நஞ்சு கண்டத்துள் அடக்கி, அங்குஇண்டை செஞ்சடை வைத்த இயல்பினான்;கொண்ட கோவண ஆடையன் - கூர் எரிஅண்டவாணர் அடையும் ஆரூரரே.

உரை

மூலத்தில் தமிழ் உரை இல்லை.

10

மாலும் நான்முக னும்மறி கிற்கிலார்கால னாய அவனைக் கடந்திட்டுச்சூல மான்மழு வேந்திய கையினார்ஆலம் உண்டழ காயஆ ரூரரே.

சொற்பிரிப்பு

மாலும் நான்முகனும் அறிகிற்கிலார்;காலன் ஆய அவனைக் கடந்திட்டுச்சூலம் மான் மழு ஏந்திய கையினார்ஆலம் உண்டு அழகு ஆய ஆரூரரே.

உரை

மூலத்தில் தமிழ் உரை இல்லை.