திருச்சத்திமுற்றம்

அருளியவர்: திருநாவுக்கரசர்
பண்: திருவிருத்தம்
தலம்: சத்திமுற்றம்
நாடு: சோழநாடு காவிரித் தென்கரை

1

கோவாய் முடுகி யடுதிறற் கூற்றங் குமைப்பதன்முன்பூவா ரடிச்சுவ டென்மேற் பொறித்துவை போகவிடின்மூவா முழுப்பழி மூடுங்கண் டாய்முழங் குந்தழற்கைத்தேவா திருச்சத்தி முற்றத் துறையுஞ் சிவக்கொழுந்தே.

சொற்பிரிப்பு

கோவாய் முடுகி அடுதிறல் கூற்றம் குமைப்பதன் முன்பூவார் அடிச்சுவடு என் மேல் பொறித்துவை போகவிடில்மூவா முழுப்பழி மூடும் கண்டாய் முழங்கும் தழல்கைத்தேவா திருச்சத்தி முற்றத்து உறையும் சிவக்கொழுந்தே.

உரை

மூலத்தில் தமிழ் உரை இல்லை.

2

காய்ந்தாய் அனங்கன் உடலம் பொடிபடக் காலனைமுன்பாய்ந்தாய் உயிர்செகப் பாதம் பணிவார்தம் பல்பிறவிஆய்ந்தாய்ந் தறுப்பாய் அடியேற் கருளாயுன் அன்பர்சிந்தைசேர்ந்தாய் திருச்சத்தி முற்றத் துறையுஞ் சிவக்கொழுந்தே.

சொற்பிரிப்பு

காய்ந்தாய் அநங்கன் உடலம் பொடிபடக் காலனை முன்பாய்ந்தாய் உயிர் செகப் பாதம் பணிவார் தம் பல்பிறவிஆய்ந்து ஆய்ந்து அறுப்பாய் அடியேற்கு அருளாய் உன் அன்பர் சிந்தைசேர்ந்தாய் திருச்சத்தி முற்றத்து உறையும் சிவக்கொழுந்தே.

உரை

மூலத்தில் தமிழ் உரை இல்லை.

3

பொத்தார் குரம்பை புகுந்தைவர் நாளும் புகலழிப்பமத்தார் தயிர்போல் மறுகுமென் சிந்தை மறுக்கொழிவிஅத்தா அடியேன் அடைக்கலங் கண்டாய் அமரர்கள்தஞ்சித்தா திருச்சத்தி முற்றத் துறையுஞ் சிவக்கொழுந்தே.

சொற்பிரிப்பு

பொத்தார் குரம்பை புகுந்து ஐவர் நாளும் புகல் அழிப்பமத்து ஆர் தயிர் போல் மறுகும் என் சிந்தை மறுக்கு ஒழிவிஅத்தா அடியேன் அடைக்கலம் கண்டாய் அமரர்கள் தம்சித்தா திருச்சத்தி முற்றத்து உறையும் சிவக்கொழுந்தே.

உரை

மூலத்தில் தமிழ் உரை இல்லை.

4

நில்லாக் குரம்பை நிலையாக் கருதியிந் நீணிலத்தொன்றல்லாக் குழிவீழ்ந் தயர்வுறு வேனைவந் தாண்டுகொண்டாய்வில்லேர் புருவத் துமையாள் கணவா விடிற்கெடுவேன்செல்வா திருச்சத்தி முற்றத் துறையுஞ் சிவக்கொழுந்தே.

சொற்பிரிப்பு

நில்லாக் குரம்பை நிலையாக் கருதி இந் நீள் நிலத்து ஒன்றுஅல்லாக் குழி வீழ்ந்து அயர்வு உறுவேனை வந்து ஆண்டுகொண்டாய்வில் ஏர் புருவத்து உமையாள் கணவா விடின் கெடுவேன்செல்வா திருச்சத்தி முற்றத்து உறையும் சிவக்கொழுந்தே.

உரை

மூலத்தில் தமிழ் உரை இல்லை.

5

கருவுற் றிருந்துன் கழலே நினைந்தேன் கருப்புவியிற்தெருவிற் புகுந்தேன் திகைத்தடி யேனைத் திகைப்பொழிவிஉருவிற் றிகழும் உமையாள் கணவா விடிற்கெடுவேன்திருவிற் பொலிசத்தி முற்றத் துறையுஞ் சிவக்கொழுந்தே.

சொற்பிரிப்பு

கருஉற்று இருந்து உன் கழலே நினைந்தேன் கருப்புவியில்தெருவில் புகுந்தேன் திகைத்தடி யேனைத் திகைப்பு ஒழிவிஉருவில் திகழும் உமையாள் கணவா விடில் கெடுவேன்திருவில் பொலி சத்திமுற்றத்து உறையும் சிவக்கொழுந்தே.

உரை

மூலத்தில் தமிழ் உரை இல்லை.

6

வெம்மை நமன்தமர் மிக்கு விரவி விழுப்பதன்முன்இம்மையுன் தாளென்றன் நெஞ்சத் தெழுதிவை ஈங்கிகழில்அம்மை அடியேற் கருளுதி யென்பதிங் காரறிவார்செம்மை தருசத்தி முற்றத் துறையுஞ் சிவக்கொழுந்தே.

சொற்பிரிப்பு

வெம்மை நமன் தமர் மிக்கு விரவி விழுப்பதன் முன்இம்மை உன் தாள் என்தன் நெஞ்சத்து எழுதிவை ஈங்கு இகழில்அம்மை அடியேற்கு அருளுதி என்பது இங்கு ஆர் அறிவார்செம்மை தருசத்தி முற்றத்து உறையும் சிவக்கொழுந்தே.

உரை

மூலத்தில் தமிழ் உரை இல்லை.

7

விட்டார் புரங்கள் ஒருநொடி வேவவொர் வெங்கணையாற்சுட்டாயென் பாசத் தொடர்பறுத் தாண்டுகொள் தும்பிபம்பும்மட்டார் குழலி மலைமகள் பூசை மகிழ்ந்தருளுஞ்சிட்டா திருச்சத்தி முற்றத் துறையுஞ் சிவக்கொழுந்தே.

சொற்பிரிப்பு

விட்டார் புரங்கள் ஒருநொடி வேவ ஓர் வெங்கணையால்சுட்டாய் என் பாசத் தொடர்பு அறுத்து ஆண்டுகொள் தும்பி பம்பும்மட்டுஆர் குழலி மலைமகள் பூசை மகிழ்ந்து அருளும்சிட்டா திருச்சத்தி முற்றத்து உறையும் சிவக்கொழுந்தே.

உரை

மூலத்தில் தமிழ் உரை இல்லை.

8

இகழ்ந்தவன் வேள்வி அழித்திட் டிமையோர் பொறையிரப்பநிகழ்ந்திட அன்றே விசயமுங் கொண்டது நீலகண்டாபுகழ்ந்த அடியேன்றன் புன்மைகள் தீரப் புரிந்துநல்காய்திகழ்ந்த திருச்சத்தி முற்றத் துறையுஞ் சிவக்கொழுந்தே.

சொற்பிரிப்பு

இகழ்ந்தவன் வேள்வி அழித்திட்டு இமையோர் பொறை இரப்பநிகழ்ந்திட அன்றே விசயமும் கொண்டது நீலகண்டாபுகழ்ந்த அடியேன் தன் புன்மைகள் தீரப் புரிந்து நல்காய்திகழ்ந்த திருச்சத்தி முற்றத்து உறையும் சிவக்கொழுந்தே.

உரை

மூலத்தில் தமிழ் உரை இல்லை.

9

தக்கார்வ மெய்திச் சமண்தவிர்ந் துன்றன் சரண்புகுந்தேன்எக்காதல் எப்பயன் உன்றிற மல்லால் எனக்குளதேமிக்கார் திலையுள் விருப்பா மிகவட மேருவென்னுந்திக்கா திருச்சத்தி முற்றத் துறையுஞ் சிவக்கொழுந்தே.

சொற்பிரிப்பு

தக்கு ஆர்வம் எய்திச் சமண் தவிர்ந்து உன் தன் சரண் புகுந்தேன்எக்காதல் எப்பயன் உன் திறம் அல்லால் எனக்கு உளதேமிக்கார் திலையுள் விருப்பா மிக வட மேரு என்னும்திக்கா திருச்சத்தி முற்றத்து உறையும் சிவக்கொழுந்தே.

உரை

மூலத்தில் தமிழ் உரை இல்லை.

10

பொறித்தேர் அரக்கன் பொருப்பெடுப் புற்றவன் பொன்முடிதோள்இறத்தாள் ஒருவிரல் ஊன்றிட் டலற இரங்கிஒள்வாள்குறித்தே கொடுத்தாய் கொடியேன்செய் குற்றக் கொடுவினைநோய்செறுத்தாய் திருச்சத்தி முற்றத் துறையுஞ் சிவக்கொழுந்தே.

சொற்பிரிப்பு

பொறித்தேர் அரக்கன் பொருப்பு எடுப்பு உற்றவன் பொன்முடிதோள்இறத்தாள் ஒருவிரல் ஊன்றிட்டு அலற இரங்கி ஒள்வாள்குறித்தே கொடுத்தாய் கொடியேன் செய் குற்றக் கொடுவினை நோய்செறுத்தாய் திருச்சத்தி முற்றத்து உறையும் சிவக்கொழுந்தே.

உரை

மூலத்தில் தமிழ் உரை இல்லை.