திருவீழிமிழலை

அருளியவர்: திருநாவுக்கரசர்
பண்: திருவிருத்தம்
தலம்: வீழிமிழலை
நாடு: சோழநாடு காவிரித் தென்கரை

1

வான்சொட்டச் சொட்டநின் றட்டும் வளர்மதி யோடயலேதேன்சொட்டச் சொட்டநின் றட்டுந் திருக்கொன்றை சென்னிவைத்தீர்மான்பெட்டை நோக்கி மணாளீர் மணிநீர் மிழலையுள்ளீர்நான்சட்ட வும்மை மறக்கினும் என்னைக் குறிக்கொண்மினே.

சொற்பிரிப்பு

வான்சொட்டச் சொட்ட நின்று அட்டும் வளர்மதியோடு அயலேதேன்சொட்டச் சொட்ட நின்று அட்டும் திருக்கொன்றை சென்னி வைத்தீர்மான்பெட்டை நோக்கி மணாளீர் மணிநீர் மிழலை உள்ளீர்நான் சட்ட உம்மை மறக்கினும் என்னைக் குறிக்கொண்மினே.

உரை

மூலத்தில் தமிழ் உரை இல்லை.

2

அந்தமும் ஆதியு மாகிநின் றீரண்டம் எண்டிசையும்பந்தமும் வீடும் பரப்புகின் றீர்பசு வேற்றுகந்தீர்வெந்தழல் ஓம்பு மிழலையுள் ளீரென்னைத் தென்றிசைக்கேஉந்திடும் போது மறக்கினும் என்னைக் குறிக்கொண்மினே.

சொற்பிரிப்பு

அந்தமும் ஆதியும் ஆகி நின்றீர் அண்டம் எண்திசையும்பந்தமும் வீடும் பரப்புகின்றீர் பசு ஏற்று உகந்தீர்வெந்தழல் ஓம்பும் மிழலை உள்ளீர் என்னைத் தென்திசைக்கேஉந்திடும் போது மறக்கினும் என்னைக் குறிக்கொண்மினே.

உரை

மூலத்தில் தமிழ் உரை இல்லை.

3

அலைக்கின்ற நீர்நிலங் காற்றனல் அம்பர மாகிநின்றீர்கலைக்கன்று சேருங் கரத்தீர் கலைப்பொரு ளாகிநின்றீர்விலக்கின்றி நல்கும் மிழலையுள் ளீர்மெய்யிற் கையொடுகால்குலைக்கின்று நும்மை மறக்கினும் என்னைக் குறிக்கொண்மினே.

சொற்பிரிப்பு

அலைக்கின்ற நீர் நிலம் காற்று அனல் அம்பரம் ஆகி நின்றீர்கலைக்கன்று சேரும் கரத்தீர் கலைப்பொருள் ஆகி நின்றீர்விலக்கு இன்றி நல்கும் மிழலை உள்ளீர் மெய்யில் கையொடு கால்குலைக்கின்று நும்மை மறக்கினும் என்னைக் குறிக்கொண்மினே.

உரை

மூலத்தில் தமிழ் உரை இல்லை.

4

தீத்தொழி லான்றலை தீயிலிட் டுச்செய்த வேள்விசெற்றீர்பேய்த்தொழி லாட்டியைப் பெற்றுடை யீர்பிடித் துத்திரியும்வேய்த்தொழி லாளர் மிழலையுள் ளீர்விக்கி அஞ்செழுத்தும்ஓத்தொழிந் தும்மை மறக்கினும் என்னைக் குறிக்கொண்மினே.

சொற்பிரிப்பு

தீத் தொழிலான் தலை தீயில் இட்டுச் செய்த வேள்வி செற்றீர்பேய்த் தொழிலாட்டியைப் பெற்று உடையீர் பிடித்துத் திரியும்வேய்த் தொழிலாளர் மிழலை உள்ளீர் விக்கி அஞ்சு எழுத்தும்ஓத்து ஒழிந்து உம்மை மறக்கினும் என்னைக் குறிக்கொண்மினே.

உரை

மூலத்தில் தமிழ் உரை இல்லை.

5

தோட்பட்ட நாகமுஞ் சூலமுஞ் சுற்றியும் பத்திமையான்மேற்பட்ட அந்தணர் வீழியும் என்னையும் வேறுடையீர்நாட்பட்டு வந்து பிறந்தேன் இறக்க நமன்தமர்தம்கோட்பட்டு நும்மை மறக்கினும் என்னைக் குறிக்கொண்மினே.

சொற்பிரிப்பு

தோள்பட்ட நாகமும் சூலமும் சுற்றியும் பத்திமையால்மேற்பட்ட அந்தணர் வீழியும் என்னையும் வேறு உடையீர்நாள்பட்டு வந்து பிறந்தேன் இறக்க நமன் தமர் தம்கோள்பட்டு நும்மை மறக்கினும் என்னைக் குறிக்கொண்மினே.

உரை

மூலத்தில் தமிழ் உரை இல்லை.

6

கண்டியிற் பட்ட கழுத்துடை யீர்கரி காட்டிலிட்டபண்டியிற் பட்ட பரிகலத் தீர்பதி வீழிகொண்டீர்உண்டியிற் பட்டினி நோயில் உறக்கத்தில் உம்மையைவர்கொண்டியிற் பட்டு மறக்கினும் என்னைக் குறிக்கொண்மினே.

சொற்பிரிப்பு

கண்டியில் பட்ட கழுத்து உடையீர் கரி காட்டில் இட்டபண்டியில் பட்ட பரிகலத்தீர் பதி வீழிகொண்டீர்உண்டியில் பட்டினி நோயில் உறக்கத்தில் உம்மை ஐவர்கொண்டியில் பட்டு மறக்கினும் என்னைக் குறிக்கொண்மினே.

உரை

மூலத்தில் தமிழ் உரை இல்லை.

7

தோற்றங்கண் டான்சிர மொன்றுகொண் டீர்தூய வெள்ளெருதொன்றேற்றங்கொண் டீரெழில் வீழி மிழலை இருக்கைகொண்டீர்சீற்றங்கொண் டென்மேல் சிவந்ததொர் பாசத்தால் வீசியவெங்கூற்றங்கண் டும்மை மறக்கினும் என்னைக் குறிக்கொண்மினே.

சொற்பிரிப்பு

தோற்றம் கண்டான் சிரம் ஒன்றுகொண்டீர் தூய வெள்எருது ஒன்றுஏற்றம் கொண்டீர் எழில் வீழி மிழலை இருக்கை கொண்டீர்சீற்றம் கொண்டு என்மேல் சிவந்தது ஓர் பாசத்தால் வீசிய வெங்கூற்றம் கண்டு உம்மை மறக்கினும் என்னைக் குறிக்கொண்மினே.

உரை

மூலத்தில் தமிழ் உரை இல்லை.

8

சுழிப்பட்ட கங்கையுந் திங்களுஞ் சூடிச்சொக் கம்பயின்றீர்பழிப்பட்ட பாம்பரைப் பற்றுடை யீர்படர் தீப்பருகவிழிப்பட்ட காமனை வீட்டீர் மிழலையுள் ளீர்பிறவிச்சுழிப்பட்டு நும்மை மறக்கினும் என்னைக் குறிக்கொண்மினே.

சொற்பிரிப்பு

சுழிப்பட்ட கங்கையும் திங்களும் சூடிச் சொக்கம் பயின்றீர்பழிப்பட்ட பாம்பு அரைப் பற்று உடையீர் படர் தீப்பருகவிழிப்பட்ட காமனை வீட்டீர் மிழலை உள்ளீர் பிறவிச்சுழிப்பட்டு நும்மை மறக்கினும் என்னைக் குறிக்கொண்மினே.

உரை

மூலத்தில் தமிழ் உரை இல்லை.

9

பிள்ளையிற் பட்ட பிறைமுடி யீர்மறை யோதவல்லீர்வெள்ளையிற் பட்டதோர் நீற்றீர் விரிநீர் மிழலையுள்ளீர்நள்ளையிற் பட்டைவர் நக்கரைப் பிக்க நமன்தமர்தங்கொள்ளையிற் பட்டு மறக்கினும் என்னைக் குறிக்கொண்மினே.

சொற்பிரிப்பு

பிள்ளையின் பட்ட பிறைமுடியீர் மறை ஓதவல்லீர்வெள்ளையில் பட்டது ஓர் நீற்றீர் விரிநீர் மிழலை உள்ளீர்நள்ளையில் பட்டு ஐவர் நக்கு அரைப் பிக்க நமன் தமர்தம்கொள்ளையில் பட்டு மறக்கினும் என்னைக் குறிக்கொண்மினே.

உரை

மூலத்தில் தமிழ் உரை இல்லை.

10

கறுக்கொண் டரக்கன் கயிலையைப் பற்றிய கையுமெய்யும்நெறுக்கென் றிறச்செற்ற சேவடி யாற்கூற்றை நீறுசெய்தீர்வெறிக்கொன்றை மாலை முடியீர் விரிநீர் மிழலையுள்ளீர்இறக்கின்று நும்மை மறக்கினும் என்னைக் குறிக்கொண்மினே.

சொற்பிரிப்பு

கறுக்கொண்டு அரக்கன் கயிலையைப் பற்றிய கையும் மெய்யும்நெறுக்கென்று இறச்செற்ற சேவடியால் கூற்றை நீறு செய்தீர்வெறிக்கொன்றை மாலை முடியீர் விரிநீர் மிழலை உள்ளீர்இறக்கின்று நும்மை மறக்கினும் என்னைக் குறிக்கொண்மினே.

உரை

மூலத்தில் தமிழ் உரை இல்லை.