திருக்கண்டியூர்

அருளியவர்: திருநாவுக்கரசர்
பண்: திருவிருத்தம்
தலம்: கண்டியூர்வீரட்டம்
நாடு: சோழநாடு காவிரித் தென்கரை

1

வானவர் தானவர் வைகல் மலர்கொணர்ந் திட்டிறைஞ்சித்தானவர் மால்பிர மன்னறி யாத தகைமையினான்ஆனவ னாதிபு ராணனன் றோடிய பன்றியெய்தகானவ னைக்கண்டி யூரண்ட வாணர் தொழுகின்றதே.

சொற்பிரிப்பு

வானவர் தானவர் வைகல் மலர் கொணர்ந்து இட்டு இறைஞ்சித்தானவர் மால் பிரமன் அறியாத தகைமையினான்ஆனவன் ஆதிபுராணன் அன்று ஓடிய பன்றி எய்தகானவனைக் கண்டியூர் அண்டவாணர் தொழுகின்றதே.

உரை

மூலத்தில் தமிழ் உரை இல்லை.

2

வான மதியமும் வாளர வும்புன லோடுசடைத்தான மதுவென வைத்துழல் வான்றழல் போலுருவன்கான மறியொன்று கையுடை யான்கண்டி யூரிருந்தஊனமில் வேத முடையானை நாமடி யுள்குவதே.

சொற்பிரிப்பு

வான மதியமும் வாள் அரவும் புனலோடு சடைத்தானம் அது என வைத்து உழல்வான் தழல் போல் உருவன்கான மறி ஒன்று கை உடையான் கண்டியூர் இருந்தஊனம் இல் வேதம் உடையானை நாம் அடி உள்குவதே.

உரை

மூலத்தில் தமிழ் உரை இல்லை.

3

பண்டங் கறுத்ததோர் கையுடை யான்படைத் தான்றலையைஉண்டங் கறுத்ததும் ஊரொடு நாடவை தானறியுங்கண்டங் கறுத்த மிடறுடை யான்கண்டி யூரிருந்ததொண்டர் பிரானைக்கண் டீரண்ட வாணர் தொழுகின்றதே.

சொற்பிரிப்பு

பண்டு அங்கு அறுத்தது ஓர் கை உடையான் படைத்தான் தலையைஉண்டு அங்கு அறுத்ததும் ஊரொடு நாடு அவை தான் அறியும்கண்டம் கறுத்த மிடறு உடையான் கண்டியூர் இருந்ததொண்டர் பிரானைக் கண்டீர் அண்டவாணர் தொழுகின்றதே.

உரை

மூலத்தில் தமிழ் உரை இல்லை.

4

முடியின்முற் றாததொன் றில்லையெல் லாமுடன் தானுடையான்கொடியுமுற் றவ்விடை யேறியோர் கூற்றொரு பாலுடையான்கடியமுற் றவ்வினை நோய்களை வான்கண்டி யூரிருந்தான்அடியுமுற் றார்தொண்டர் இல்லைகண் டீரண்ட வானவரே.

சொற்பிரிப்பு

முடியின் முற்றாதது ஒன்று இல்லை எல்லாம் உடன் தான் உடையான்கொடியும் உற்றவ் விடை ஏறி ஓர் கூற்று ஒரு பால் உடையான்கடிய முற்று அவ்வினை நோய் களைவான் கண்டியூர் இருந்தான்அடியும் உற்றார் தொண்டர் இல்லை கண்டீர் அண்ட வானவரே.

உரை

மூலத்தில் தமிழ் உரை இல்லை.

5

பற்றியொ ரானை யுரித்த பிரான்பவ ளத்திரள்போல்முற்றும் அணிந்ததொர் நீறுடை யான்முன்ன மேகொடுத்தகற்றங் குடையவன் றானறி யான்கண்டி யூரிருந்தகுற்றமில் வேத முடையானை யாமண்டர் கூறுவதே.

சொற்பிரிப்பு

பற்றி ஓர் ஆனை உரித்த பிரான் பவளத்திரள் போல்முற்றும் அணிந்தது ஓர் நீறு உடையான் முன்னமே கொடுத்தகற்றங்கு உடையவன் தான் அறியான் கண்டியூர் இருந்தகுற்றம் இல் வேதம் உடையானையாம் அண்டர் கூறுவதே.

உரை

மூலத்தில் தமிழ் உரை இல்லை.

6

போர்ப்பனை யானை யுரித்த பிரான்பொறி வாயரவஞ்சேர்ப்பது வானத் திரைகடல் சூழுல கம்மிதனைக்காப்பது காரண மாகக்கொண் டான்கண்டி யூரிருந்தகூர்ப்புடை ஒள்வாள் மழுவனை யாமண்டர் கூறுவதே.

சொற்பிரிப்பு

போர்ப் பனை யானை உரித்த பிரான் பொறி வாய் அரவம்சேர்ப்பது வானத் திரைகடல் சூழ் உலகம் இதனைக்காப்பது காரணம் ஆகக் கொண்டான் கண்டியூர் இருந்தகூர்ப்புடை ஒள்வாள் மழுவனையாம் அண்டர் கூறுவதே.

உரை

மூலத்தில் தமிழ் உரை இல்லை.

7

அட்டது காலனை ஆய்ந்தது வேதமா றங்கமன்றுசுட்டது காமனைக் கண்ணத னாலே தொடர்ந்தெரியக்கட்டவை மூன்று மெரித்த பிரான்கண்டி யூரிருந்தகுட்டமுன் வேதப் படையனை யாமண்டர் கூறுவதே.

சொற்பிரிப்பு

அட்டது காலனை ஆய்ந்தது வேதம் ஆறு அங்கம் அன்றுசுட்டது காமனைக் கண் அதனாலே தொடர்ந்து எரியக்கட்டு அவை மூன்றும் எரித்த பிரான் கண்டியூர் இருந்தகுட்டம் முன் வேதப் படையனையாம் அண்டர் கூறுவதே.

உரை

மூலத்தில் தமிழ் உரை இல்லை.

8

அட்டும் ஒலிநீர் அணிமதி யும்மல ரானவெல்லாம்இட்டுப் பொதியுஞ் சடைமுடி யான்இண்டை மாலையங்கைக்கட்டும் அரவது தானுடை யான்கண்டி யூரிருந்தகொட்டும் பறையுடைக் கூத்தனை யாமண்டர் கூறுவதே.

சொற்பிரிப்பு

அட்டும் ஒலி நீர் அணிமதியும் மலர் ஆன எல்லாம்இட்டுப் பொதியும் சடைமுடியான் இண்டை மாலை அம்கைக்கட்டும் அரவு அது தான் உடையான் கண்டியூர் இருந்தகொட்டும் பறைஉடைக் கூத்தனையாம் அண்டர் கூறுவதே.

உரை

மூலத்தில் தமிழ் உரை இல்லை.

9

மாய்ந்தன தீவினை மங்கின நோய்கள் மறுகிவிழத்தேய்ந்தன பாவஞ் செறுக்ககில் லாநம்மைச் செற்றநங்கைக்காய்ந்த பிரான்கண்டி யூரெம் பிரான்அங்க மாறினையும்ஆய்ந்த பிரானல்ல னோவடி யேனையாட் கொண்டவனே.

சொற்பிரிப்பு

மாய்ந்தன தீவினை மங்கின நோய்கள் மறுகி விழத்தேய்ந்தன பாவம் செறுக்க கில்லா நம்மைச் செற்று அநங்கைக்காய்ந்த பிரான் கண்டியூர் எம் பிரான் அங்கம் ஆறினையும்ஆய்ந்த பிரான் அல்லனோ அடியேனை ஆட் கொண்டவனே.

உரை

மூலத்தில் தமிழ் உரை இல்லை.

10

மண்டி மலையை யெடுத்துமத் தாக்கியவ் வாசுகியைத்தண்டி அமரர் கடைந்த கடல்விடங் கண்டருளிஉண்ட பிரான்நஞ் சொளித்தபி ரான்அஞ்சி யோடிநண்ணக்கண்ட பிரானல்ல னோகண்டி யூரண்ட வானவனே.

சொற்பிரிப்பு

மண்டி மலையை எடுத்து மத்து ஆக்கி அவ் வாசுகியைத்தண்டி அமரர் கடைந்த கடல்விடம் கண்டு அருளிஉண்ட பிரான் நஞ்சு ஒளித்த பிரான் அஞ்சி ஓடி நண்ணக்கண்ட பிரான் அல்லனோ கண்டியூர் அண்ட வானவனே.

உரை

மூலத்தில் தமிழ் உரை இல்லை.