திருநெய்த்தானம்

அருளியவர்: திருநாவுக்கரசர்
பண்: திருவிருத்தம்
தலம்: நெய்த்தானம்
நாடு: சோழநாடு காவிரி வடகரை

1

பாரிடஞ் சாடிய பல்லுயிர் வானம ரர்க்கருளிக்காரடைந் தகடல் வாயுமிழ் நஞ்சமு தாகவுண்டான்ஊரடைந் திவ்வுல கிற்பலி கொள்வது நாமறியோம்நீரடைந் தகரை நின்றநெய்த் தானத் திருந்தவனே.

சொற்பிரிப்பு

பார்இடம் சாடிய பல் உயிர் வான் அமரர்க்கு அருளிக்கார் அடைந்த கடல் வாய்உமிழ் நஞ்சு அமுது ஆக உண்டான்ஊர் அடைந்து இவ்உலகில் பலி கொள்வது நாம் அறியோம்நீர் அடைந்த கரை நின்ற நெய்த்தானத்து இருந்தவனே.

உரை

மூலத்தில் தமிழ் உரை இல்லை.

2

தேய்ந்திலங் குஞ்சிறு வெண்மதி யாய்நின் திருச்சடைமேற்பாய்ந்தகங் கைப்புனற் பன்முக மாகிப் பரந்தொலிப்பஆய்ந்திலங் கும்மழு வேலுடை யாயடி யேற்குரைநீஏந்திள மங்கையும் நீயும்நெய்த் தானத் திருந்ததுவே.

சொற்பிரிப்பு

தேய்ந்து இலங்கும் சிறு வெண்மதியாய் நின் திருச்சடைமேல்பாய்ந்த கங்கைப் புனல் பல்முகம் ஆகிப் பரந்து ஒலிப்பஆய்ந்து இலங்கும் மழு வேல் உடையாய் அடியேற்கு உரை நீஏந்து இள மங்கையும் நீயும் நெய்த்தானத்து இருந்ததுவே.

உரை

மூலத்தில் தமிழ் உரை இல்லை.

3

கொன்றடைந் தாடிக் குமைத்திடுங் கூற்றமொன் னார்மதின்மேற்சென்றடைந் தாடிப் பொருததுந் தேசமெல் லாமறியுங்குன்றடைந் தாடுங் குளிர்பொழிற் காவிரி யின்கரைமேற்சென்றடைந் தார்வினை தீர்க்குநெய்த் தானத் திருந்தவனே.

சொற்பிரிப்பு

கொன்றடைந்து ஆடிக் குமைத்திடும் கூற்றம் ஒன்னார் மதில்மேல்சென்றடைந்து ஆடிப் பொருததும் தேசம் எல்லாம் அறியும்குன்றடைந்து ஆடும் குளிர்பொழில் காவிரியின் கரைமேல்சென்றடைந்தார் வினை தீர்க்கும் நெய்த்தானத்து இருந்தவனே.

உரை

மூலத்தில் தமிழ் உரை இல்லை.

4

கொட்டு முழவர வத்தொடு கோலம் பலஅணிந்துநட்டம் பலபயின் றாடுவர் நாகம் அரைக் கசைத்துச்சிட்டர் திரிபுரந் தீயெழச் செற்ற சிலையுடையான்இட்ட முமையொடு நின்றநெய்த் தானத் திருந்தவனே.

சொற்பிரிப்பு

கொட்டு முழவு அரவத்தொடு கோலம் பல அணிந்துநட்டம் பல பயின்று ஆடுவர் நாகம் அரைக்கு அசைத்துச்சிட்டர் திரிபுரம் தீ எழச் செற்ற சிலை உடையான்இட்டம் உமையொடு நின்ற நெய்த்தானத்து இருந்தவனே.

உரை

மூலத்தில் தமிழ் உரை இல்லை.

5

கொய்ம்மலர்க் கொன்றை துழாய்வன்னி மத்தமுங் கூவிளமும்மெய்ம்மலர் வேய்ந்த விரிசடைக் கற்றைவிண் ணோர்பெருமான்மைம்மலர் நீல நிறங்கருங் கண்ணியோர் பால்மகிழ்ந்தான்நின்மல னாடல் நிலயநெய்த் தானத் திருந்தவனே.

சொற்பிரிப்பு

கொய்மலர்க் கொன்றை துழாய் வன்னி மத்தமும் கூவிளமும்மெய்ம்மலர் வேய்ந்த விரிசடைக் கற்றை விண்ணோர் பெருமான்மைம்மலர் நீல நிறம் கருங்கண்ணி ஓர் பால் மகிழ்ந்தான்நின்மலன் ஆடல் நிலயம் நெய்த்தானத்து இருந்தவனே.

உரை

மூலத்தில் தமிழ் உரை இல்லை.

6

பூந்தார் நறுங்கொன்றை மாலையை வாங்கிச் சடைக்கணிந்துகூர்ந்தார் விடையினை யேறிப்பல் பூதப் படைநடுவேபோந்தார் புறவிசை பாடவும் ஆடவுங் கேட்டருளிச்சேர்ந்தார் உமையவ ளோடுநெய்த் தானத் திருந்தவனே.

சொற்பிரிப்பு

பூந்தார் நறுங்கொன்றை மாலையை வாங்கிச் சடைக்கு அணிந்துகூர்ந்து ஆர் விடையினை ஏறிப் பல் பூதப் படை நடுவேபோந்தார் புறஇசை பாடவும் ஆடவும் கேட்டருளிச்சேர்ந்தார் உமையவளோடும் நெய்த்தானத்து இருந்தவனே.

உரை

மூலத்தில் தமிழ் உரை இல்லை.

7

பற்றின பாம்பன் படுத்த புலியுரித் தோலுடையன்முற்றின மூன்று மதில்களை மூட்டி யெரித்தறுத்தான்சுற்றிய பூதப் படையினன் சூல மழுவொருமான்செற்றுநந் தீவினை தீர்க்குநெய்த் தானத் திருந்தவனே.

சொற்பிரிப்பு

பற்றின பாம்பன் படுத்த புலி உரித்தோல் உடையன்முற்றின மூன்று மதில்களை மூட்டி எரித்து அறுத்தான்சுற்றிய பூதப் படையினன் சூலம் மழு ஒரு மான்செற்று நம் தீவினை தீர்க்கும் நெய்த்தானத்து இருந்தவனே.

உரை

மூலத்தில் தமிழ் உரை இல்லை.

8

விரித்த சடையினன் விண்ணவர் கோன்விட முண்டகண்டன்உரித்த கரியுரி மூடியொன் னார்மதில் மூன்றுடனேஎரித்த சிலையினன் ஈடழியா தென்னை ஆண்டுகொண்டதரித்த உமையவ ளோடுநெய்த் தானத் திருந்தவனே.

சொற்பிரிப்பு

விரித்த சடையினன் விண்ணவர் கோன் விடம் உண்ட கண்டன்உரித்த கரி உரி மூடி ஒன்னார் மதில் மூன்றுடனேஎரித்த சிலையினன் ஈடு அழியாது என்னை ஆண்டுகொண்டதரித்த உமையவளோடு நெய்த்தானத்து இருந்தவனே.

உரை

மூலத்தில் தமிழ் உரை இல்லை.

9

தூங்கான் துளங்கான் துழாய்கொன்றை துன்னிய செஞ்சடைமேல்வாங்கா மதியமும் வாளர வுங்கங்கை தான்புனைந்தான்தேங்கார் திரிபுரந் தீயெழ வெய்து தியக்கறுத்துநீங்கான் உமையவ ளோடுநெய்த் தானத் திருந்தவனே.

சொற்பிரிப்பு

தூங்கான் துளங்கான் துழாய்கொன்றை துன்னிய செஞ்சடைமேல்வாங்கா மதியமும் வாள்அரவும் கங்கை தான்புனைந்தான்தேங்கார் திரிபுரம் தீஎழ எய்து தியக்கு அறுத்துநீங்கான் உமையவளோடு நெய்த்தானத்து இருந்தவனே.

உரை

மூலத்தில் தமிழ் உரை இல்லை.

10

ஊட்டிநின் றான்பொரு வானில மும்மதில் தீயம்பினால்மாட்டிநின் றான்அன்றி னார்வெந்து வீழவும் வானவர்க்குக்காட்டிநின் றான்கத மாக்கங்கை பாயவொர் வார்சடையைநீட்டிநின் றான்றிரு நின்றநெய்த் தானத் திருந்தவனே.

சொற்பிரிப்பு

ஊட்டி நின்றான் பொரு வானில் அம் மும்மதில் தீ அம்பினால்மாட்டி நின்றான் அன்றினார் வெந்து வீழவும் வானவர்க்குக்காட்டி நின்றான் கத மாக்கங்கை பாய ஓர் வார்சடையைநீட்டி நின்றான் திருநின்ற நெய்த்தானத்து இருந்தவனே.

உரை

மூலத்தில் தமிழ் உரை இல்லை.