திருப்பூந்துருத்தி

அருளியவர்: திருநாவுக்கரசர்
பண்: திருவிருத்தம்
தலம்: பூந்துருத்தி
நாடு: சோழநாடு காவிரித் தென்கரை

1

மாலினை மாலுற நின்றான் மலைமகள் தன்னுடையபாலனைப் பான்மதி சூடியைப் பண்புண ரார்மதின்மேற்போலனைப் போர்விடை யேறியைப் பூந்துருத் திமகிழும்ஆலனை ஆதிபு ராணனை நானடி போற்றுவதே.

சொற்பிரிப்பு

மாலினை மால் உற நின்றான் மலைமகள் தன்னுடையபாலனைப் பால்மதி சூடியைப் பண்பு உணரார் மதில்மேல்போலனைப் போர்விடை ஏறியைப் பூந்துருத்தி மகிழும்ஆலனை ஆதிபுராணனை நான் அடி போற்றுவதே.

உரை

மூலத்தில் தமிழ் உரை இல்லை.

2

மறியுடை யான்மழு வாளினன் மாமலை மங்கையோர்பால்குறியுடை யான்குண மொன்றறிந் தாரில்லை கூறிலவன்பொறியுடை வாளர வத்தவன் பூந்துருத் தியுறையும்அறிவுடை ஆதி புராணனை நானடி போற்றுவதே.

சொற்பிரிப்பு

மறி உடையான் மழு வாளினன் மாமலை மங்கை ஓர்பால்குறி உடையான் குணம் ஒன்று அறிந்தார் இல்லை கூறில் அவன்பொறி உடை வாள் அரவத்தவன் பூந்துருத்தி உறையும்அறிவுடை ஆதி புராணனை நான் அடி போற்றுவதே.

உரை

மூலத்தில் தமிழ் உரை இல்லை.

3

மறுத்தவர் மும்மதில் மாயவொர் வெஞ்சிலை கோத்தோரம்பால்அறுத்தனை ஆலதன் கீழனை ஆல்விட முண்டதனைப்பொறுத்தனைப் பூதப் படையனைப் பூந்துருத் தியுறையும்நிறத்தனை நீல மிடற்றனை யானடி போற்றுவதே.

சொற்பிரிப்பு

மறுத்தவர் மும்மதில் மாய ஓர் வெஞ்சிலை கோத்து ஓர் அம்பால்அறுத்தனை ஆல் அதன் கீழனை ஆல்விடம் உண்டு அதனைப்பொறுத்தனைப் பூதப் படையனைப் பூந்துருத்தி உறையும்நிறத்தனை நீல மிடற்றனை யான் அடி போற்றுவதே.

உரை

மூலத்தில் தமிழ் உரை இல்லை.

4

உருவினை ஊழி முதல்வனை ஓதி நிறைந்துநின்றதிருவினைத் தேசம் படைத்தனைச் சென்றடைந் தேனுடையபொருவினை யெல்லாந் துரந்தனைப் பூந்துருத் தியுறையுங்கருவினைக் கண்மூன் றுடையனை யானடி போற்றுவதே.

சொற்பிரிப்பு

உருவினை ஊழி முதல்வனை ஓதி நிறைந்து நின்றதிருவினைத், தேசம் படைத்தனைச் சென்று அடைந்தேனுடையபொருவினை எல்லாம் துரந்தனைப் பூந்துருத்தி உறையும்கருவினைக், கண்மூன்று உடையனை யான் அடி போற்றுவதே.

உரை

மூலத்தில் தமிழ் உரை இல்லை.

5

தக்கன்றன் வேள்வி தகர்த்தவன் சார மதுவன்றுகோள்மிக்கன மும்மதில் வீயவோர் வெஞ்சிலை கோத்தொரம்பால்புக்கனன் பொன்றிகழ்ந் தன்னதோர் பூந்துருத் தியுறையும்நக்கனை நங்கள் பிரான்றனை நானடி போற்றுவதே.

சொற்பிரிப்பு

தக்கன் தன் வேள்வி தகர்த்தவன் சாரம் அது அன்று கோள்மிக்கன மும்மதில் வீய ஓர் வெஞ்சிலை கோத்து ஓர் அம்பால்புக்கனன் பொன் திகழ்ந் தன்னது ஓர் பூந்துருத்தி உறையும்நக்கனை நங்கள் பிரான் தனை நான் அடி போற்றுவதே.

உரை

மூலத்தில் தமிழ் உரை இல்லை.

6

அருகடை மாலையுந் தானுடை யான்அழ காலமைந்தஉருவுடை மங்கையுந் தன்னொரு பாலுல காயுநின்றான்பொருபடை வேலினன் வில்லினன் பூந்துருத் தியுறையுந்திருவுடைத் தேச மதியனை யானடி போற்றுவதே.

சொற்பிரிப்பு

அருகு அடை மாலையும் தான் உடையான் அழகால் அமைந்தஉருஉடை மங்கையும் தன் ஒரு பால் உலகு ஆயும் நின்றான்பொருபடை வேலினன் வில்லினன் பூந்துருத்தி உறையும்திருஉடைத் தேச மதியனை யான் அடி போற்றுவதே.

உரை

மூலத்தில் தமிழ் உரை இல்லை.

7

மன்றியுந் நின்ற மதிலரை மாய வகைகெடுக்கக்கன்றியுந் நின்று கடுஞ்சிலை வாங்கிக் கனலம்பினாற்பொன்றியும் போகப் புரட்டினன் பூந்துருத் தியுறையும்அன்றியுஞ் செய்த பிரான்றனை யானடி போற்றுவதே.

சொற்பிரிப்பு

மன்றியும் நின்ற மதிலரை மாய வகை கெடுக்கக்கன்றியும் நின்று கடுஞ்சிலை வாங்கிக் கனல் அம்பினால்பொன்றியும் போகப் புரட்டினன் பூந்துருத்தி உறையும்அன்றியும் செய்த பிரான் தனை யான் அடி போற்றுவதே.

உரை

மூலத்தில் தமிழ் உரை இல்லை.

8

மின்னிறம் மிக்க இடையுமை நங்கையொர் பான்மகிழ்ந்தான்என்னிற மென்றம ரர்பெரி யாரின்னந் தாமறியார்பொன்னிற மிக்க சடையவன் பூந்துருத் தியுறையும்என்னிற வெந்தை பிரான்றனை யானடி போற்றுவதே.

சொற்பிரிப்பு

மின் நிறம் மிக்க இடை உமை நங்கை ஓர் பால் மகிழ்ந்தான்என் நிறம் என்று அமரர் பெரியார் இன்னம் தாம் அறியார்பொன்நிறம் மிக்க சடையவன் பூந்துருத்தி உறையும்எல் நிற எந்தை பிரான்தனை யான் அடி போற்றுவதே.

உரை

மூலத்தில் தமிழ் உரை இல்லை.

9

அந்தியை நல்ல மதியினை யார்க்கும் அறிவரியசெந்தியை வாட்டுஞ்செம் பொன்னினை சென்றடைந் தேனுடையபுந்தியைப் புக்க அறிவினை பூந்துருத் தியுறையும்நந்தியை நங்கள் பிரான்றனை நானடி போற்றுவதே.

சொற்பிரிப்பு

அந்தியை நல்ல மதியினை யார்க்கும் அறிவு அரியசெந்தியை வாட்டும் செம் பொன்னினைச் சென்று அடைந்தேனுடையபுந்தியைப் புக்க அறிவினைப் பூந்துருத்தி உறையும்நந்தியை நங்கள் பிரான் தனை நான் அடி போற்றுவதே.

உரை

மூலத்தில் தமிழ் உரை இல்லை.

10

பைக்கையும் பாந்தி விழிக்கையும் பாம்பு சடையிடையேவைக்கையும் வானிழி கங்கையும் மங்கை நடுக்குறவேமொய்க்கை அரக்கனை யூன்றினன் பூந்துருத் தியுறையும்மிக்கநல் வேத விகிர்தனை நானடி போற்றுவதே.

சொற்பிரிப்பு

பைக்கையும் பாந்தி விழிக்கையும் பாம்பு சடைஇடையேவைக்கையும் வான் இழி கங்கையும் மங்கை நடுக்குறவேமொய்க்கை அரக்கனை ஊன்றினன் பூந்துருத்தி உறையும்மிக்க நல் வேத விகிர்தனை நான் அடி போற்றுவதே.

உரை

மூலத்தில் தமிழ் உரை இல்லை.