திருப்பழனம்

அருளியவர்: திருநாவுக்கரசர்
பண்: திருவிருத்தம்
தலம்: பழனம்
நாடு: சோழநாடு காவிரி வடகரை

1

மேவித்து நின்று விளைந்தன வெந்துயர் துக்கமெல்லாம்ஆவித்து நின்று கழிந்தன அல்லல் அவையறுப்பான்பாவித்த பாவனை நீயறி வாய்பழ னத்தரசேகூவித்துக் கொள்ளுந் தனையடி யேனைக் குறிக்கொள்வதே.

சொற்பிரிப்பு

மேவித்து நின்று விளைந்தன வெந்துயர் துக்கம் எல்லாம்ஆவித்து நின்று கழிந்தன அல்லல் அவை அறுப்பான்பாவித்த பாவனை நீ அறிவாய் பழனத்து அரசேகூவித்துக் கொள்ளும் தனை அடியேனைக் குறிக்கொள்வதே.

உரை

மூலத்தில் தமிழ் உரை இல்லை.

2

சுற்றிநின் றார்புறங் காவ லமரர் கடைத்தலையில்மற்றுநின் றார்திரு மாலொடு நான்முகன் வந்தடிக்கீழ்ப்பற்றிநின் றார்பழ னத்தர சேயுன் பணியறிவான்உற்றுநின் றாரடி யேனைக் குறிக்கொண் டருளுவதே.

சொற்பிரிப்பு

சுற்றி நின்றார் புறம் காவல் அமரர் கடைத்தலையில்மற்று நின்றார் திருமாலொடு நான்முகன் வந்து அடிக்கீழ்ப்பற்றி நின்றார் பழனத்து அரசே உன் பணி அறிவான்உற்று நின்றார் அடியேனைக் குறிக்கொண்டு அருளுவதே.

உரை

மூலத்தில் தமிழ் உரை இல்லை.

3

ஆடிநின் றாயண்டம் ஏழுங் கடந்துபோய் மேலவையுங்கூடிநின் றாய்குவி மென்முலை யாளையுங் கொண்டுடனேபாடிநின் றாய்பழ னத்தர சேயங்கொர் பால்மதியஞ்சூடிநின் றாயடி யேனையஞ் சாமைக் குறிக்கொள்வதே.

சொற்பிரிப்பு

ஆடிநின்றாய் அண்டம் ஏழும் கடந்துபோய் மேல் அவையும்கூடிநின்றாய் குவி மென் முலையாளையும் கொண்டுடனேபாடிநின்றாய் பழனத்து அரசே அங்கு ஓர் பால்மதியம்சூடிநின்றாய் அடியேனை அஞ்சாமைக் குறிக்கொள்வதே.

உரை

மூலத்தில் தமிழ் உரை இல்லை.

4

எரித்துவிட் டாய்அம்பி னாற்புர மூன்றுமுன் னேபடவும்உரித்துவிட் டாய்உமை யாள்நடுக் கெய்தவொர் குஞ்சரத்தைப்பரித்துவிட் டாய்பழ னத்தர சேகங்கை வார்சடைமேற்தரித்துவிட் டாயடி யேனைக் குறிக்கொண் டருளுவதே.

சொற்பிரிப்பு

எரித்துவிட்டாய் அம்பினால் புரம் மூன்றும் முன்னே படவும்உரித்துவிட்டாய் உமையாள் நடுக்கு எய்த ஓர் குஞ்சரத்தைப்பரித்துவிட்டாய் பழனத்து அரசே கங்கை வார்சடைமேல்தரித்துவிட்டாய் அடியேனைக் குறிக்கொண்டு அருளுவதே.

உரை

மூலத்தில் தமிழ் உரை இல்லை.

5

முன்னியும் முன்னி முளைத்தன மூவெயி லும்முடனேமன்னியு மங்கும் இருந்தனை மாய மனத்தவர்கள்பன்னிய நூலின் பரிசறி வாய்பழ னத்தரசேஉன்னியும் உன்னடி யேனைக் குறிக்கொண் டருளுவதே.

சொற்பிரிப்பு

முன்னியும் முன்னை முளைத்தன மூ எயிலும் உடனேமன்னியும் அங்கும் இருந்தனை மாய மனத்தவர்கள்பன்னிய நூலின் பரிசு அறிவாய் பழனத்து அரசேஉன்னியும் உன் அடியேனைக் குறிக்கொண்டு அருளுவதே.

உரை

மூலத்தில் தமிழ் உரை இல்லை.

6

ஏய்ந்தறுத் தாய்இன்ப னாய்இருந் தேபடைத் தான்றலையைக்காய்ந்தறுத் தாய்கண்ணி னாலன்று காமனைக் காலனையும்பாய்ந்தறுத் தாய்பழ னத்தர சேயென் பழவினைநோய்ஆய்ந்தறுத் தாயடி யேனைக் குறிக்கொண் டருளுவதே.

சொற்பிரிப்பு

ஏய்ந்து அறுத்தாய் இன்பனாய் இருந்தே படைத்தான் தலையைக்காய்ந்து அறுத்தாய் கண்ணினால் அன்று காமனைக் காலனையும்பாய்ந்து அறுத்தாய் பழனத்து அரசே என் பழவினை நோய்ஆய்ந்து அறுத்தாய் அடியேனைக் குறிக்கொண்டு அருளுவதே.

உரை

மூலத்தில் தமிழ் உரை இல்லை.

7

மற்றுவைத் தாயங்கோர் மாலொரு பாகம் மகிழ்ந்துடனேஉற்றுவைத் தாய்உமை யாளொடுங் கூடும் பரிசெனவேபற்றிவைத் தாய்பழ னத்தர சேயங்கொர் பாம்பொருகைசுற்றிவைத் தாய்அடி யேனைக் குறிக்கொண் டருளுவதே.

சொற்பிரிப்பு

மற்றுவைத்தாய் அங்கு ஓர் மால் ஒரு பாகம் மகிழ்ந்துடனேஉற்றுவைத்தாய் உமையாளொடும் கூடும் பரிசு எனவேபற்றிவைத்தாய் பழனத்து அரசே அங்கு ஓர் பாம்பு ஒரு கைசுற்றிவைத்தாய் அடியேனைக் குறிக்கொண்டு அருளுவதே.

உரை

மூலத்தில் தமிழ் உரை இல்லை.

8

ஊரினின் றாய்ஒன்றி நின்றுவிண் டாரையும் ஒள்ளழலாற்போரினின் றாய்பொறை யாயுயி ராவி சுமந்துகொண்டுபாரிநின் றாய்பழ னத்தர சேபணி செய்பவர்கட்காரநின் றாய்அடி யேனைக் குறிக்கொண் டருளுவதே.

சொற்பிரிப்பு

ஊரின்நின்றாய் ஒன்றி நின்று விண்டாரையும் ஒள்அழலால்போரில்நின்றாய் பொறையால் உயிர் ஆவி சுமந்துகொண்டுபாரில்நின்றாய் பழனத்து அரசே பணி செய்பவர்கட்குஆரநின்றாய் அடியேனைக் குறிக்கொண்டு அருளுவதே.

உரை

மூலத்தில் தமிழ் உரை இல்லை.

9

போகம்வைத் தாய்புரி புன்சடை மேலொர் புனலதனைஆகம்வைத் தாய்மலை யான்மட மங்கை மகிழ்ந்துடனேபாகம்வைத் தாய்பழ னத்தர சேயுன் பணியருளால்ஆகம்வைத் தாய்அடி யேனைக் குறிக்கொண் டருளுவதே.

சொற்பிரிப்பு

போகம்வைத்தாய் புரி புன்சடை மேல் ஓர் புனல் அதனைஆகம்வைத்தாய் மலையான் மட மங்கை மகிழ்ந்துடனேபாகம்வைத்தாய் பழனத்து அரசே உன் பணி அருளால்ஆகம்வைத்தாய் அடியேனைக் குறிக்கொண்டு அருளுவதே.

உரை

மூலத்தில் தமிழ் உரை இல்லை.

10

அடுத்திருந் தாய்அரக் கன்முடி வாயொடு தோள்நெரியக்கெடுத்திருந் தாய்கிளர்ந் தார்வலி யைக்கிளை யோடுடனேபடுத்திருந் தாய்பழ னத்தர சேபுலி யின்னுரிதோல்உடுத்திருந் தாய்அடி யேனைக் குறிக்கொண் டருளுவதே.

சொற்பிரிப்பு

அடுத்து இருந்தாய் அரக்கன் முடி வாயொடு தோள் நெரியக்கெடுத்துஇருந்தாய் கிளர்ந்தார் வலியைக் கிளையோடு உடனேபடுத்திருந்தாய் பழனத்து அரசே புலியின் உரிதோல்உடுத்திருந்தாய் அடியேனைக் குறிக்கொண்டு அருளுவதே.

உரை

மூலத்தில் தமிழ் உரை இல்லை.