திருவொற்றியூர்

அருளியவர்: திருநாவுக்கரசர்
பண்: திருவிருத்தம்
தலம்: ஒற்றியூர்
நாடு: தொண்டைநாடு

1

செற்றுக் களிற்றுரி கொள்கின்ற ஞான்று செருவெண்கொம்பொன்றிற்றுக் கிடந்தது போலும் இளம்பிறை பாம்பதனைச்சுற்றிக் கிடந்தது கிம்புரி போலச் சுடரிமைக்கும்நெற்றிக்கண் மற்றதன் முத்தொக்குமா லொற்றி யூரனுக்கே.

சொற்பிரிப்பு

செற்றுக் களிற்று உரி கொள்கின்ற ஞான்று செருவெண் கொம்பு ஒன்றுஇற்றுக் கிடந்தது போலும் இளம்பிறை பாம்பு அதனைச்சுற்றிக் கிடந்தது கிம்புரி போலச் சுடர் இமைக்கும்நெற்றிக்கண் மற்று அதன் முத்து ஒக்குமால் ஒற்றியூரனுக்கே.

உரை

மூலத்தில் தமிழ் உரை இல்லை.

2

சொல்லக் கருதிய தொன்றுண்டு கேட்கிற் றொண்டாயடைந்தார்அல்லற் படக்கண்டு பின்னென் கொடுத்தி அலைகொள்முந்நீர்மல்லற் றிரைச்சங்க நித்திலங் கொண்டுவம் பக்கரைக்கேஒல்லைத் திரைகொணர்ந் தெற்றொற்றி யூருறை யுத்தமனே.

சொற்பிரிப்பு

சொல்லக் கருதியது ஒன்று உண்டு கேட்கில் தொண்டாய் அடைந்தார்அல்லல் படக்கண்டு பின் என் கொடுத்தி அலைகொள் முந்நீர்மல்லல் திரைச்சங்கம் நித்திலம் கொண்டு வம்பக் கரைக்கேஒல்லை திரை கொணர்ந்து எற்று ஒற்றியூர் உறை உத்தமனே.

உரை

மூலத்தில் தமிழ் உரை இல்லை.

3

பரவை வருதிரை நீர்க்கங்கை பாய்ந்துக்க பல்சடைமேல்அரவ மணிதரு கொன்றை இளந்திங்கட் சூடியதோர்குரவ நறுமலர் கோங்க மணிந்து குலாய சென்னிஉரவு திரைகொணர்ந் தெற்றொற்றி யூருறை யுத்தமனே.

சொற்பிரிப்பு

பரவை வருதிரை நீர்க்கங்கை பாய்ந்து உக்க பல் சடைமேல்அரவம் அணிதரு கொன்றை இளந்திங்கள் சூடியது ஓர்குரவ நறுமலர் கோங்கம் அணிந்து குலாய சென்னிஉரவு திரை கொணர்ந்து எற்று ஒற்றியூர் உறை உத்தமனே.

உரை

மூலத்தில் தமிழ் உரை இல்லை.

4

தானகங் காடரங் காக வுடையது தன்னடைந்தார்ஊனக நாறு முடைதலை யிற்பலி கொள்வதுந்தான்தேனக நாறுந் திருவொற்றி யூருறை வாரவர்தாந்தானக மேவந்து போனகம் வேண்டி உழிதர்வரே.

சொற்பிரிப்பு

தான் அகம் காடு அரங்கு ஆக உடையது தன் அடைந்தார்ஊன் அகம் நாறும் உடை தலையில் பலி கொள்வதுதான்தேன் அகம் நாறும் திருஒற்றியூர் உறைவார் அவர் தாம்தான் அகமே வந்து போனகம் வேண்டி உழிதர்வரே.

உரை

மூலத்தில் தமிழ் உரை இல்லை.

5

வேலைக் கடல்நஞ்ச முண்டுவெள் ளேற்றொடும் வீற்றிருந்தமாலைச் சடையார்க் குறைவிட மாவது வாரிகுன்றாஆலைக் கரும்பொடு செந்நெற் கழனி அருகணைந்தசோலைத் திருவொற்றி யூரையெப் போதுந் தொழுமின்களே.

சொற்பிரிப்பு

வேலைக் கடல் நஞ்சம் உண்டு வெள் ஏற்றொடும் வீற்றிருந்தமாலைச் சடையார்க்கு உறைவிடம் ஆவது வாரி குன்றாஆலைக் கரும்பொடு செந்நெல் கழனி அருகு அணைந்தசோலைத் திருஒற்றியூரை எப்போதும் தொழுமின்களே.

உரை

மூலத்தில் தமிழ் உரை இல்லை.

6

புற்றினில் வாழும் அரவுக்குந் திங்கட்குங் கங்கையென்னுஞ்சிற்றிடை யாட்குஞ் செறிதரு கண்ணிக்குஞ் சேர்விடமாம்பெற்றுடை யான்பெரும் பேச்சுடை யான்பிரி யாதெனையாள்விற்றுடை யானொற்றி யூருடை யான்றன் விரிசடையே.

சொற்பிரிப்பு

புற்றினில் வாழும் அரவுக்கும் திங்கட்கும் கங்கை என்னும்சிற்றிடையாட்கும் செறிதரு கண்ணிக்கும் சேர்வு இடமாம்பெற்றுடையான் பெரும் பேச்சு உடையான் பிரியாது எனை ஆள்விற்று உடையான் ஒற்றியூர் உடையான் தன் விரிசடையே.

உரை

மூலத்தில் தமிழ் உரை இல்லை.

7

இன்றரைக் கண்ணுடை யாரெங்கு மில்லை இமய மென்னுங்குன்றரைக் கண்ணன் குலமகட் பாவைக்குக் கூறிட்டநாள்அன்றரைக் கண்ணுங் கொடுத்துமை யாளையும் பாகம்வைத்தஒன்றரைக் கண்ணன்கண் டீரொற்றி யூருறை உத்தமனே.

சொற்பிரிப்பு

இன்று அரைக் கண் உடையார் எங்கும் இல்லை இமயம் என்னும்குன்றர் ஐக்கு அண் நல் குலமகள் பாவைக்குக் கூறு இட்ட நாள்அன்று அரைக் கண்ணும் கொடுத்து உமையாளையும் பாகம் வைத்தஒன்றரைக் கண்ணன் கண்டீர் ஒற்றியூர் உறை உத்தமனே.

உரை

மூலத்தில் தமிழ் உரை இல்லை.

8

சுற்றிவண் டியாழ்செயுஞ் சோலையுங் காவுந் துதைந்திலங்குபெற்றிகண் டால்மற்று யாவருங் கொள்வர் பிறரிடைநீஒற்றிகொண் டாயொற்றி யூரையுங் கைவிட் டுறுமென்றெண்ணிவிற்றிகண் டாய்மற் றிதுவொப்ப தில்லிடம் வேதியனே.

சொற்பிரிப்பு

சுற்றி வண்டு யாழ் செயும் சோலையும் காவும் துதைந்து இலங்குபெற்றி கண்டால் மற்று யாவரும் கொள்வர் பிறரிடை நீஒற்றி கொண்டாய் ஒற்றியூரையும் கைவிட்டு உறும் என்று எண்ணிவிற்றி கண்டாய் மற்று இது ஒப்பது இல் இடம் வேதியனே.

உரை

மூலத்தில் தமிழ் உரை இல்லை.

9

சுற்றிக் கிடந்தொற்றி யூரனென் சிந்தை பிரிவறியான்ஒற்றித் திரிதந்து நீயென்ன செய்தி உலகமெல்லாம்பற்றித் திரிதந்து பல்லொடு நாமென்று கண்குழித்துத்தெற்றித் திருப்பதல் லாலென்ன செய்யுமித் தீவினையே.

சொற்பிரிப்பு

சுற்றிக் கிடந்து ஒற்றியூரன் என் சிந்தை பிரிவு அறியான்ஒற்றித் திரிதந்து நீ என்ன செய்தி உலகம் எல்லாம்பற்றித் திரிதந்து பல்லொடு நாமென்று கண் குழித்துத்தெற்றித்து இருப்பது அல்லால் என்ன செய்யும் இத்தீவினையே.

உரை

மூலத்தில் தமிழ் உரை இல்லை.

10

அங்கட் கடுக்கைக்கு முல்லைப் புறவம் முறுவல்செய்யும்பைங்கட் டலைக்குச் சுடலைக் களரி பருமணிசேர்கங்கைக்கு வேலை அரவுக்குப் புற்று கலைநிரம்பாத்திங்கட்கு வானந் திருவொற்றி யூரர் திருமுடியே.

சொற்பிரிப்பு

அங்கள் கடுக்கைக்கு முல்லைப் புறவம் முறுவல் செய்யும்பைங்கண் தலைக்குச் சுடலைக் களரி பருமணிசேர்கங்கைக்கு வேலை அரவுக்குப் புற்றுக் கலை நிரம்பாத்திங்கட்கு வானம் திருஒற்றியூரர் திருமுடியே.

உரை

மூலத்தில் தமிழ் உரை இல்லை.

11

தருக்கின வாளரக் கன்முடி பத்திறப் பாதந்தன்னால்ஒருக்கின வாறடி யேனைப் பிறப்பறுத் தாளவல்லான்நெருக்கின வானவர் தானவர் கூடிக் கடைந்தநஞ்சைப்பருக்கின வாறென்செய் கேனொற்றி யூருறை பண்டங்கனே.

சொற்பிரிப்பு

தருக்கின வாள் அரக்கன் முடி பத்து இறப் பாதம் தன்னால்ஒருக்கினவாறு அடியேனைப் பிறப்பு அறுத்து ஆளவல்லான்நெருக்கின வானவர் தானவர் கூடிக் கடைந்த நஞ்சைப்பருக்கினவாறு என் செய்கேன் ஒற்றியூர் உறை பண்டங்கனே.

உரை

மூலத்தில் தமிழ் உரை இல்லை.