திருச்சோற்றுத்துறை

அருளியவர்: திருநாவுக்கரசர்
பண்: திருவிருத்தம்
தலம்: சோற்றுத்துறை
நாடு: சோழநாடு காவிரித் தென்கரை

1

காலை யெழுந்து கடிமலர் தூயன தாங்கொணர்ந்துமேலை யமரர் விரும்பு மிடம்விரை யான்மலிந்தசோலை மணங்கமழ் சோற்றுத் துறையுறை வார்சடைமேல்மாலை மதியமன் றோவெம் பிரானுக் கழகியதே.

சொற்பிரிப்பு

காலை எழுந்து கடிமலர் தூயன தாம் கொணர்ந்துமேலை அமரர் விரும்பும் இடம் விரையால் மலிந்தசோலை மணம் கமழ் சோற்றுத் துறை உறைவார் சடைமேல்மாலை மதியம் அன்றோ எம்பிரானுக்கு அழகியதே.

உரை

மூலத்தில் தமிழ் உரை இல்லை.

2

வண்டணை கொன்றையும் வன்னியும் மத்தமும் வாளரவுங்கொண்டணைந் தேறு முடியுடை யான்குரை சேர்கழற்கேதொண்டணைந் தாடிய சோற்றுத் துறையுறை வார்சடைமேல்வெண்டலை மாலையன் றோவெம் பிரானுக் கழகியதே.

சொற்பிரிப்பு

வண்டு அணை கொன்றையும் வன்னியும் மத்தமும் வாள்அரவும்கொண்டு அணைந்து ஏறு முடி உடையான் குரை சேர் கழற்கேதொண்டு அணைந்து ஆடிய சோற்றுத் துறை உறைவார் சடைமேல்வெண்தலை மாலை அன்றோ எம் பிரானுக்கு அழகியதே.

உரை

மூலத்தில் தமிழ் உரை இல்லை.

3

அளக்கு நெறியினன் அன்பர்கள் தம்மனத் தாய்ந்துகொள்வான்விளக்கு மடியவர் மேல்வினை தீர்த்திடும் விண்ணவர்கோன்துளக்குங் குழையணி சோற்றுத் துறையுறை வார்சடைமேற்றிளைக்கும் மதியமன் றோவெம் பிரானுக் கழகியதே.

சொற்பிரிப்பு

அளக்கும் நெறியினன் அன்பர்கள் தம் மனத்து ஆய்ந்து கொள்வான்விளக்கும் அடியவர் மேல் வினை தீர்த்திடும் விண்ணவர்கோன்துளக்கும் குழை அணி சோற்றுத் துறை உறைவார் சடைமேல்திளைக்கும் மதியம் அன்றோ எம் பிரானுக்கு அழகியதே.

உரை

மூலத்தில் தமிழ் உரை இல்லை.

4

ஆய்ந்தகை வாளர வத்தொடு மால்விடை யேறியெங்கும்பேர்ந்தகை மானட மாடுவர் பின்னு சடையிடையேசேர்ந்தகைம் மாமலர் துன்னிய சோற்றுத் துறையுறைவார்ஏந்துகைச் சூல மழுவெம் பிரானுக் கழகியதே.

சொற்பிரிப்பு

ஆய்ந்த கைவாள் அரவத்தொடு மால்விடை ஏறி எங்கும்பேர்ந்தகை மான்நடம் ஆடுவர் பின்னு சடைஇடையேசேர்ந்தகைம் மாமலர் துன்னிய சோற்றுத் துறை உறைவார்ஏந்துகைச் சூலம் மழு எம் பிரானுக்கு அழகியதே.

உரை

மூலத்தில் தமிழ் உரை இல்லை.

5

கூற்றைக் கடந்ததுங் கோளர வார்த்ததுங் கோளுழுவைநீற்றில் துதைந்து திரியும் பரிசது நாமறியோம்ஆற்றிற் கிடந்தங் கலைப்ப அலைப்புண் டசைந்ததொக்குஞ்சோற்றுத் துறையுறை வார்சடை மேலதொர் தூமதியே.

சொற்பிரிப்பு

கூற்றைக் கடந்ததும் கோள் அரவு ஆர்த்ததும் கோள் உழுவைநீற்றில் துதைந்து திரியும் பரிசதும் நாம் அறியோம்ஆற்றில் கிடந்து அங்கு அலைப்ப அலைப்புண்டு அசைந்தது ஒக்கும்சோற்றுத்துறை உறைவார் சடை மேலது ஓர் தூமதியே.

உரை

மூலத்தில் தமிழ் உரை இல்லை.

6

வல்லாடி நின்று வலிபேசு வார்கோளர் வல்லசுரர்கொல்லாடி நின்று குமைக்கிலும் வானவர் வந்திறைஞ்சச்சொல்லாடி நின்று பயில்கின்ற சோற்றுத் துறையுறைவார்வில்லாடி நின்ற நிலையெம் பிரானுக் கழகியதே.

சொற்பிரிப்பு

வல்லாடி நின்று வலி பேசுவார் கோளர் வல்அசுரர்கொல்லாடி நின்று குமைக்கிலும் வானவர் வந்து இறைஞ்சச்சொல்லாடி நின்று பயில்கின்ற சோற்றுத்துறை உறைவார்வில்லாடி நின்ற நிலை எம் பிரானுக்கு அழகியதே.

உரை

மூலத்தில் தமிழ் உரை இல்லை.

7

ஆய முடையது நாமறி யோம்அர ணத்தவரைக்காயக் கணைசிலை வாங்கியு மெய்துந் துயக்கறுத்தான்தூயவெண் ணீற்றினன் சோற்றுத் துறையுறை வார்சடைமேற்பாயும்வெண் ணீர்த்திரைக் கங்கையெம் மானுக் கழகியதே.

சொற்பிரிப்பு

ஆயம் உடையது நாம் அறியோம்; அரணத்தவரைக்காயக் கணை சிலை வாங்கியும் எய்தும் துயக்கு அறுத்தான்தூய வெண் நீற்றினன் சோற்றுத் துறை உறைவார் சடைமேல்பாயும் வெண் நீர்த்திரைக் கங்கை எம்மானுக்கு அழகியதே.

உரை

மூலத்தில் தமிழ் உரை இல்லை.

8

அண்டர் அமரர் கடைந் தெழுந் தோடிய நஞ்சதனைஉண்டும் அதனை ஒடுக்க வல்லான் மிக்க உம்பர்கள்கோன்தொண்டு பயில்கின்ற சோற்றுத் துறையுறை வார்சடைமேல்இண்டை மதியமன் றோவெம் பிரானுக் கழகியதே.

சொற்பிரிப்பு

அண்டர் அமரர் கடைந்து எழுந்து ஓடிய நஞ்சு அதனைஉண்டும் அதனை ஒடுக்க வல்லான் மிக்க உம்பர்கள் கோன்தொண்டு பயில்கின்ற சோற்றுத் துறை உறைவார் சடைமேல்இண்டை மதியம் அன்றோ எம்பிரானுக்கு அழகியதே.

உரை

மூலத்தில் தமிழ் உரை இல்லை.

9

கடல்மணி வண்ணன் கருதிய நான்முகன் றானறியான்விடமணி கண்ட முடையவன் றானெனை ஆளுடையான்சுடரணிந் தாடிய சோற்றுத் துறையுறை வார்சடைமேற்படமணி நாகமன் றோவெம் பிரானுக் கழகியதே.

சொற்பிரிப்பு

கடல்மணி வண்ணன், கருதிய நான்முகன் தான் அறியான்விடம் அணி கண்டம் உடையவன் தான் எனை ஆள் உடையான்சுடர் அணிந்து ஆடிய சோற்றுத் துறை உறைவார் சடைமேல்படம் அணி நாகம் அன்றோ எம் பிரானுக்கு அழகியதே.

உரை

மூலத்தில் தமிழ் உரை இல்லை.

10

இலங்கைக் கிறைவன் இருபது தோளு முடிநெரியக்கலங்க விரலினா லூன்றி அவனைக் கருத்தழித்ததுலங்கல் மழுவினன் சோற்றுத் துறையுறை வார்சடைமேல்இலங்கு மதியமன் றோவெம் பிரானுக் கழகியதே.

சொற்பிரிப்பு

இலங்கைக்கு இறைவன் இருபது தோளும் முடி நெரியக்கலங்க விரலினால் ஊன்றி அவனைக் கருத்து அழித்ததுலங்கல் மழுவினான் சோற்றுத் துறை உறைவார் சடைமேல்இலங்கும் மதியம் அன்றோ எம் பிரானுக்கு அழகியதே.

உரை

மூலத்தில் தமிழ் உரை இல்லை.