ஆருயிர்த்

அருளியவர்: திருநாவுக்கரசர்
பண்: திருவிருத்தம்
தலம்: பொது
நாடு: பொது

1

எட்டாந் திசைக்கும் இருதிசைக் கும்மிறை வாமுறையென்றிட்டார் அமரர்வெம் பூசல் எனக்கேட் டெரிவிழியாஒட்டாக் கயவர் திரிபுரம் மூன்றையும் ஓரம்பினால்அட்டான் அடிநிழற் கீழதன் றோவென்றன் ஆருயிரே.

சொற்பிரிப்பு

எட்டு ஆம் திசைக்கும் இருதிசைக்கும் இறைவா முறை என்றுஇட்டார் அமரர் வெம்பூசல் எனக்கேட்டு எரி விழியாஒட்டாக் கயவர் திரிபுரம் மூன்றையும் ஓர் அம்பினால்அட்டான் அடிநிழல் கீழது அன்றோ என் தன் ஆருயிரே.

உரை

மூலத்தில் தமிழ் உரை இல்லை.

2

பேழ்வாய் அரவின் அரைக்கமர்ந் தேறிப் பிறங்கிலங்குதேய்வாய் இளம்பிறை செஞ்சடை மேல்வைத்த தேவர்பிரான்மூவான் இளகான் முழுவுல கோடுமண் விண்ணுமற்றும்ஆவான் அடிநிழற் கீழதன் றோவென்றன் ஆருயிரே.

சொற்பிரிப்பு

பேழ்வாய் அரவின் அரைக்கு அமர்ந்து ஏறிப் பிறங்கு இலங்குதேய்வாய் இளம்பிறை செஞ்சடை மேல் வைத்த தேவர்பிரான்மூவான் இளகான் முழு உலகோடு மண் விண்ணும் மற்றும்ஆவான் அடிநிழல் கீழது அன்றோ என் தன் ஆருயிரே.

உரை

மூலத்தில் தமிழ் உரை இல்லை.

3

தரியா வெகுளிய னாய்த்தக்கன் வேள்வி தகர்த்துகந்தஎரியார் இலங்கிய சூலத்தி னான்இமை யாதமுக்கட்பெரியான் பெரியார் பிறப்பறுப் பானென்றுந் தன்பிறப்பைஅரியான் அடிநிழற் கீழதன் றோவென்றன் ஆருயிரே.

சொற்பிரிப்பு

தரியா வெகுளியனாய்த் தக்கன் வேள்வி தகர்த்து உகந்தஎரி ஆர் இலங்கிய சூலத்தினான் இமையாத முக்கண்பெரியான் பெரியார் பிறப்பு அறுப்பான் என்றும் தன் பிறப்பைஅரியான் அடிநிழல் கீழது அன்றோ என் தன் ஆருயிரே.

உரை

மூலத்தில் தமிழ் உரை இல்லை.

4

வடிவுடை வாணெடுங் கண்ணுமை யாளையோர் பால்மகிழ்ந்துவெடிகொள் அரவொடு வேங்கை அதள்கொண்டு மேல்மருவிப்பொடிகொ ளகலத்துப் பொன்பிதிர்ந் தன்னபைங் கொன்றையந்தார்அடிகள் அடிநிழற் கீழதன் றோவென்றன் ஆருயிரே.

சொற்பிரிப்பு

வடிவுடை வாள் நெடுங்கண் உமையாளை ஓர்பால் மகிழ்ந்துவெடிகொள் அரவொடு வேங்கை அதள்கொண்டு மேல் மருவிப்பொடிகொள் அகலத்துப் பொன் பிதிர்ந்தன்ன பைங்கொன்றை அம்தார்அடிகள் அடிநிழல் கீழது அன்றோ என் தன் ஆருயிரே.

உரை

மூலத்தில் தமிழ் உரை இல்லை.

5

பொறுத்தான் அமரர்க் கமுதரு ளிநஞ்ச முண்டுகண்டங்கறுத்தான் கறுப்பழ காவுடை யான்கங்கை செஞ்சடைமேற்செறுத்தான் தனஞ்சயன் சேணா ரகலங் கணையொன்றினால்அறுத்தான் அடிநிழற் கீழதன் றோவென்றன் ஆருயிரே.

சொற்பிரிப்பு

பொறுத்தான் அமரர்க்கு அமுது அருளி நஞ்சம் உண்டு கண்டம்கறுத்தான் கறுப்பு அழகா உடையான் கங்கை செஞ்சடைமேல்செறுத்தான் தனஞ்சயன் சேண் ஆர் அகலம் கணை ஒன்றினால்அறுத்தான் அடிநிழல் கீழது அன்றோ என் தன் ஆருயிரே.

உரை

மூலத்தில் தமிழ் உரை இல்லை.

6

காய்ந்தான் செறற்கரி யானென்று காலனைக் காலொன்றினாற்பாய்ந்தான் பணைமதில் மூன்றுங் கணையென்னும் ஒள்ளழலால்மேய்ந்தான் வியனுல கேழும் விளங்க விழுமியநூல்ஆய்ந்தான் அடிநிழற் கீழதன் றோவென்றன் ஆருயிரே.

சொற்பிரிப்பு

காய்ந்தான் செறற்கு அரியான் என்று காலனைக் கால் ஒன்றினால்பாய்ந்தான் பணைமதில் மூன்றும் கணை என்னும் ஒள் அழலால்மேய்ந்தான் வியன் உலகு ஏழும் விளங்க விழுமிய நூல்ஆய்ந்தான் அடிநிழல் கீழது அன்றோ என் தன் ஆருயிரே.

உரை

மூலத்தில் தமிழ் உரை இல்லை.

7

உளைந்தான் செறுத்தற் கரியான் றலையை உகிரொன்றினாற்களைந்தான் அதனை நிறைய நெடுமால் கணார் குருதிவளைந்தான் ஒருவிர லின்னொடு வீழ்வித்துச் சாம்பர்வெண்ணீறளைந்தான் அடிநிழற் கீழதன் றோவென்றன் ஆருயிரே.

சொற்பிரிப்பு

உளைந்தான் செறுதற்கு அரியான் தலையை உகிர் ஒன்றினால்களைந்தான் அதனை நிறைய நெடுமால் கண் ஆர் குருதிவளைந்தான் ஒரு விரலி(ன்)னொடு வீழ்வித்துச் சாம்பர் வெண்நீறுஅளைந்தான் அடிநிழல் கீழது அன்றோ என் தன் ஆருயிரே.

உரை

மூலத்தில் தமிழ் உரை இல்லை.

8

முந்திவட் டத்திடைப் பட்டதெல் லாம்முடி வேந்தர்தங்கள்பந்திவட் டத்திடைப் பட்டலைப் புண்பதற் கஞ்சிக்கொல்லோநந்திவட் டந்நறு மாமலர்க் கொன்றையு நக்கசென்னிஅந்திவட் டத்தொளி யானடிச் சேர்ந்ததென் ஆருயிரே.

சொற்பிரிப்பு

முந்து இவ்வட்டத்து இடைப் பட்டது எல்லாம் முடி வேந்தர் தங்கள்பந்தி வட்டத்து இடைப்பட்டு அலைப்புண்பதற்கு அஞ்சிக் கொல்லோநந்திவட்டம் நறு மாமலர்க் கொன்றையும் நக்க சென்னிஅந்திவட்டத்து ஒளியான் அடிச் சேர்ந்தது என் ஆருயிரே.

உரை

மூலத்தில் தமிழ் உரை இல்லை.

9

மிகத்தான் பெரியதொர் வேங்கை யதள்கொண்டு மெய்ம்மருவிஅகத்தான் வெருவநல் லாளை நடுக்குறுப் பான்வரும்பொன்முகத்தாற் குளிர்ந்திருந் துள்ளத்தி னாலுகப் பானிசைந்தஅகத்தான் அடிநிழற் கீழதன் றோவென்றன் ஆருயிரே.

சொற்பிரிப்பு

மிகத்தான் பெரியது ஓர் வேங்கை அதள்கொண்டு மெய்ம்மருவிஅகத்தான் வெருவ நல்லாளை நடுக்கு உறுப்பான் வரும்பொன்முகத்தால் குளிர்ந்திருந்து உள்ளத்தினால் உகப்பான் இசைந்தஅகத்தான் அடிநிழல் கீழது அன்றோ என் தன் ஆருயிரே.

உரை

மூலத்தில் தமிழ் உரை இல்லை.

10

பைம்மா ணரவல்குற் பங்கயச் சீறடி யாள்வெருவக்கைம்மா வரிசிலைக் காமனை யட்ட கடவுள்முக்கண்எம்மான் இவனென் றிருவரு மேத்த எரிநிமிர்ந்தஅம்மான் அடிநிழற் கீழதன் றோவென்றன் ஆருயிரே.

சொற்பிரிப்பு

பைம்மாண் அரவு அல்குல் பங்கயச் சீறடியாள் வெருவக்கைம்மா வரிசிலைக் காமனை அட்ட கடவுள் முக்கண்எம்மான் இவன் என்று இருவரும் ஏத்த எரி நிமிர்ந்தஅம்மான் அடிநிழல் கீழது அன்றோ என் தன் ஆருயிரே.

உரை

மூலத்தில் தமிழ் உரை இல்லை.

11

பழகவோ ரூர்தி யரன்பைங்கட் பாரிடம் பாணிசெய்யக்குழலும் முழவொடு மாநட மாடி உயரிலங்கைக்கிழவன் இருபது தோளும் ஒருவிர லாலிறுத்தஅழகன் அடிநிழற் கீழதன் றோவென்றன் ஆருயிரே.

சொற்பிரிப்பு

பழக ஓர் ஊர்தி அரன் பைங்கண் பாரிடம் பாணிசெய்யக்குழலும் முழவொடு மாநடம் ஆடி உயர் இலங்கைக்கிழவன் இருபது தோளும் ஒருவிரலால் இறுத்தஅழகன் அடி நிழல் கீழது அன்றோ என் தன் ஆருயிரே.

உரை

மூலத்தில் தமிழ் உரை இல்லை.