கோயில்

அருளியவர்: திருநாவுக்கரசர்
பண்: திருவிருத்தம்
தலம்: கோயில் (சிதம்பரம், தில்லை)
நாடு: சோழநாடு காவிரி வடகரை

1

கருநட்ட கண்டனை அண்டத் தலைவனைக் கற்பகத்தைச்செருநட்ட மும்மதி லெய்யவல் லானைச்செந் தீமுழங்கத்திருநட்ட மாடியைத் தில்லைக் கிறையைச்சிற் றம்பலத்துப்பெருநட்ட மாடியை வானவர் கோனென்று வாழ்த்துவனே.

சொற்பிரிப்பு

கருநட்ட கண்டனை அண்டத் தலைவனைக் கற்பகத்தைச்செருநட்ட மும்மதில் எய்ய வல்லானைச் செந்தீ முழங்கத்திருநட்டம் ஆடியைத் தில்லைக்கு இறையைச் சிற்றம்பலத்துப்பெருநட்டம் ஆடியை வானவர் கோன் என்று வாழ்த்துவனே.

உரை

மூலத்தில் தமிழ் உரை இல்லை.

2

ஒன்றி யிருந்து நினைமின்கள் உந்தமக் கூனமில்லைகன்றிய காலனைக் காலாற் கடிந்தான் அடியவற்காச்சென்று தொழுமின்கள் தில்லையுட் சிற்றம் பலத்துநட்டம்என்றுவந் தாயென்னும் எம்பெரு மான்றன் திருக்குறிப்பே.

சொற்பிரிப்பு

ஒன்றி இருந்து நினைமின்கள் உம் தமக்கு ஊனம் இல்லைக்கன்றிய காலனைக் காலால் கடிந்தான் அடியவற்காச்சென்று தொழுமின்கள் தில்லையுள் சிற்றம்பலத்து நட்டம்என்று வந்தாய் என்னும் எம்பெருமான் தன் திருக்குறிப்பே.

உரை

மூலத்தில் தமிழ் உரை இல்லை.

3

கன்மன வீர்கழி யுங்கருத் தேசொல்லிக் காண்பதென்னேநன்மன வர்நவில் தில்லையுட் சிற்றம் பலத்துநட்டம்பொன்மலை யில்வெள்ளிக் குன்றது போலப் பொலிந்திலங்கிஎன்மன மேயொன்றிப் புக்கனன் போந்த சுவடில்லையே.

சொற்பிரிப்பு

கல் மனவீர் கழியும் கருத்தே சொல்லிக் காண்பது என்னேநல் மனவர் நவில் தில்லையுள் சிற்றம்பலத்து நட்டம்பொன்மலையில் வெள்ளிக் குன்று அது போலப் பொலிந்து இலங்கிஎன் மனமே ஒன்றிப் புக்கனன் போந்த சுவடு இல்லையே.

உரை

மூலத்தில் தமிழ் உரை இல்லை.

4

குனித்த புருவமுங் கொவ்வைச்செவ் வாயிற் குமிண்சிரிப்பும்பனித்த சடையும் பவளம்போல் மேனியிற் பால்வெண்ணீறும்இனித்த முடைய எடுத்தபொற் பாதமுங் காணப்பெற்றால்மனித்தப் பிறவியும் வேண்டுவதே இந்த மாநிலத்தே.

சொற்பிரிப்பு

குனித்த புருவமும் கொவ்வைச் செவ்வாயில் குமிண் சிரிப்பும்பனித்த சடையும் பவளம் போல் மேனியில் பால்வெண் நீறும்இனித்தம் உடைய எடுத்த பொன் பாதமும் காணப்பெற்றால்மனித்தப் பிறவியும் வேண்டுவதே இந்த மாநிலத்தே.

உரை

மூலத்தில் தமிழ் உரை இல்லை.

5

வாய்த்தது நந்தமக் கீதோர் பிறவி மதித்திடுமின்பார்த்தற்குப் பாசு பதமருள் செய்தவன் பத்தருள்ளீர்கோத்தன்று முப்புரந் தீவளைத் தான்றில்லை யம்பலத்துக்கூத்தனுக் காட்பட் டிருப்பதன் றோநந்தங் கூழைமையே.

சொற்பிரிப்பு

வாய்த்தது நம் தமக்கு ஈது ஓர் பிறவி மதித்திடுமின்பார்த்தற்குப் பாசுபதம் அருள் செய்தவன் பத்தர் உள்ளீர்கோத்து அன்று முப்புரம் தீ வளைத்தான் தில்லை அம்பலத்துக்கூத்தனுக்கு ஆட்பட்டு இருப்பது அன்றோ நம் தம் கூழைமையே.

உரை

மூலத்தில் தமிழ் உரை இல்லை.

6

பூத்தன பொற்சடை பொன்போல் மிளிரப் புரிகணங்கள்ஆர்த்தன கொட்டி யரித்தன பல்குறட் பூதகணந்தேத்தென வென்றிசை வண்டுகள் பாடுசிற் றம்பலத்துக்கூத்தனிற் கூத்துவல் லாருள ரோவென்றன் கோல்வளைக்கே.

சொற்பிரிப்பு

பூத்தன பொன்சடை பொன்போல் மிளிரப் புரிகணங்கள்ஆர்த்தன கொட்டி அரித்தன பல்குறள் பூதகணம்தேத்தென என்று இசை வண்டுகள் பாடு சிற்றம்பலத்துக்கூத்தனில் கூத்து வல்லார் உளரோ என் தன் கோல்வளைக்கே.

உரை

மூலத்தில் தமிழ் உரை இல்லை.

7

முடிகொண்ட மத்தமும் முக்கண்ணின் நோக்கும் முறுவலிப்புந்துடிகொண்ட கையுந் துதைந்தவெண் ணீறுஞ் சுரிகுழலாள்படிகொண்ட பாகமும் பாய்புலித் தோலுமென் பாவிநெஞ்சிற்குடிகொண்ட வாதில்லை யம்பலக் கூத்தன் குரைகழலே.

சொற்பிரிப்பு

முடிகொண்ட மத்தமும் முக்கண்ணின் நோக்கும் முறுவலிப்பும்துடிகொண்ட கையும் துதைந்த வெண் நீறும் சுரிகுழலாள்படிகொண்ட பாகமும் பாய்புலித் தோலும் என் பாவிநெஞ்சில்குடிகொண்டவா தில்லை அம்பலக் கூத்தன் குரைகழலே.

உரை

மூலத்தில் தமிழ் உரை இல்லை.

8

படைக்கல மாகவுன் னாமத் தெழுத்தஞ்சென் நாவிற்கொண்டேன்இடைக்கல மல்லேன் எழுபிறப் பும்முனக் காட்செய்கின்றேன்துடைக்கினும் போகேன் தொழுது வணங்கித்தூ நீறணிந்துன்அடைக்கலங் கண்டாய் அணிதில்லைச் சிற்றம் பலத்தரனே.

சொற்பிரிப்பு

படைக்கலம் ஆக உன் நாமத்து எழுத்து அஞ்சு என் நாவில் கொண்டேன்இடைக்கலம் அல்லேன் எழுபிறப்பும் உனக்கு ஆட்செய்கின்றேன்துடைக்கினும் போகேன் தொழுது வணங்கித் தூ நீறு அணிந்து உன்அடைக்கலம் கண்டாய் அணி தில்லைச் சிற்றம்பலத்து அரனே.

உரை

மூலத்தில் தமிழ் உரை இல்லை.

9

பொன்னொத்த மேனிமேல் வெண்ணீ றணிந்து புரிசடைகள்மின்னொத் திலங்கப் பலிதேர்ந் துழலும் விடங்கவேடச்சின்னத்தி னான்மலி தில்லையுட் சிற்றம் பலத்துநட்டம்என்னத்தன் ஆடல்கண் டின்புற்ற தாலிவ் விருநிலமே.

சொற்பிரிப்பு

பொன் ஒத்த மேனிமேல் வெண்நீறு அணிந்து புரிசடைகள்மின் ஒத்து இலங்கப் பலி தேர்ந்து உழலும் விடங்க வேடச்சின்னத்தினான் மலி தில்லையுள் சிற்றம்பலத்து நட்டம்என் அத்தன் ஆடல் கண்டு இன்புற்றதால் இவ் இருநிலமே.

உரை

மூலத்தில் தமிழ் உரை இல்லை.

10

சாட எடுத்தது தக்கன்றன் வேள்வியிற் சந்திரனைவீட எடுத்தது காலனை நாரணன் நான்முகனுந்தேட எடுத்தது தில்லையுட் சிற்றம் பலத்துநட்டம்ஆட எடுத்திட்ட பாதமன் றோநம்மை யாட்கொண்டதே.

சொற்பிரிப்பு

சாட எடுத்தது தக்கன் தன் வேள்வியில் சந்திரனைவீட எடுத்தது காலனை நாரணன் நான்முகனும்தேட எடுத்தது தில்லையுள் சிற்றம்பலத்து நட்டம்ஆட எடுத்திட்ட பாதம் அன்றோ நம்மை ஆட்கொண்டதே.

உரை

மூலத்தில் தமிழ் உரை இல்லை.