நெஞ்சம் ஈசனை நினைந்த

அருளியவர்: திருநாவுக்கரசர்
பண்: திருநேரிசை
தலம்: பொது
நாடு: பொது

1

முத்தினை மணியைப் பொன்னை முழுமுதற் பவள மேய்க்குங்கொத்தினை வயிர மாலைக் கொழுந்தினை அமரர் சூடும்வித்தினை வேத வேள்விக் கேள்வியை விளங்க நின்றஅத்தனை நினைந்த நெஞ்சம் அழகிதா நினைந்த வாறே.

சொற்பிரிப்பு

முத்தினை மணியைப் பொன்னை முழுமுதல் பவளம் ஏய்க்கும்கொத்தினை வயிர மாலைக் கொழுந்தினை அமரர் சூடும்வித்தினை வேத வேள்விக் கேள்வியை விளங்க நின்றஅத்தனை நினைந்த நெஞ்சம் அழகிதா நினைந்தவாறே.

உரை

மூலத்தில் தமிழ் உரை இல்லை.

2

முன்பனை யுலகுக் கெல்லாம் மூர்த்தியை முனிக ளேத்தும்இன்பனை இலங்கு சோதி இறைவனை அரிவை யஞ்சவன்பனைத் தடக்கை வேள்விக் களிற்றினை யுரித்த எங்கள்அன்பனை நினைந்த நெஞ்சம் அழகிதா நினைந்த வாறே.

சொற்பிரிப்பு

முன்பனை உலகுக்கு எல்லாம் மூர்த்தியை முனிகள் ஏத்தும்இன்பனை இலங்கு சோதி இறைவனை அரிவை அஞ்சவன் பனைத் தடக்கை வேள்விக் களிற்றினை உரித்த எங்கள்அன்பனை நினைந்த நெஞ்சம் அழகிதா நினைந்தவாறே.

உரை

மூலத்தில் தமிழ் உரை இல்லை.

3

கரும்பினு மினியான் றன்னைக் காய்கதிர்ச் சோதி யானைஇருங்கட லமுதந் தன்னை இறப்பொடு பிறப் பிலானைப்பெரும்பொருட் கிளவி யானைப் பெருந்தவ முனிவ ரேத்தும்அரும்பொனை நினைந்த நெஞ்சம் அழகிதா நினைந்த வாறே.

சொற்பிரிப்பு

கரும்பினும் இனியான் தன்னைக் காய் கதிர்ச் சோதியானைஇருங்கடல் அமுதம் தன்னை இறப்பொடு பிறப்பு இலானைப்பெரும்பொருள் கிளவியானைப் பெருந்தவ முனிவர் ஏத்தும்அரும்பொனை நினைந்த நெஞ்சம் அழகிதா நினைந்தவாறே.

உரை

மூலத்தில் தமிழ் உரை இல்லை.

4

செருத்தனை யருத்தி செய்து செஞ்சரஞ் செலுத்தி யூர்மேல்கருத்தனைக் கனக மேனிக் கடவுளைக் கருதும் வானோர்க்கொருத்தனை யொருத்தி பாகம் பொருத்தியும் அருத்தி தீராநிருத்தனை நினைந்த நெஞ்சம் நேர்பட நினைந்த வாறே.

சொற்பிரிப்பு

செருத்தனை அருத்தி செய்து செஞ்சரம் செலுத்தி ஊர் மேல்கருத்தனைக் கனக மேனிக் கடவுளைக் கருதும் வானோர்க்குஒருத்தனை ஒருத்தி பாகம் பொருத்தியும் அருத்தி தீராநிருத்தனை நினைந்த நெஞ்சம் நேர்பட நினைந்தவாறே.

உரை

மூலத்தில் தமிழ் உரை இல்லை.

5

கூற்றினை யுதைத்த பாதக் குழகனை மழலை வெள்ளேறேற்றனை இமையோ ரேத்த இருஞ்சடைக் கற்றை தன்மேல்ஆற்றனை அடிய ரேத்தும் அமுதனை அமுத யோகநீற்றனை நினைந்த நெஞ்சம் நேர்பட நினைந்த வாறே.

சொற்பிரிப்பு

கூற்றினை உதைத்த பாதக் குழகனை மழலை வெள் ஏறுஏற்றனை இமையோர் ஏத்த இருஞ்சடைக் கற்றை தன்மேல்ஆற்றனை அடியர் ஏத்தும் அமுதனை அமுத யோகநீற்றனை நினைந்த நெஞ்சம் நேர்பட நினைந்தவாறே.

உரை

மூலத்தில் தமிழ் உரை இல்லை.

6

கருப்பனைத் தடக்கை வேழக் களிற்றினை யுரித்த கண்டன்விருப்பனை விளங்கு சோதி வியன்கயி லாய மென்னும்பொருப்பனைப் பொருப்பன் மங்கை பங்கனை அங்கை யேற்றநெருப்பனை நினைந்த நெஞ்சம் நேர்பட நினைந்த வாறே.

சொற்பிரிப்பு

கருப்பனைத் தடக்கை வேழக் களிற்றினை உரித்த கண்டன்விருப்பனை விளங்கு சோதி வியன் கயிலாயம் என்னும்பொருப்பனைப் பொருப்பன் மங்கை பங்கனை அங்கை ஏற்றநெருப்பனை நினைந்த நெஞ்சம் நேர்பட நினைந்தவாறே.

உரை

மூலத்தில் தமிழ் உரை இல்லை.

7

நீதியால் நினைப்பு ளானை நினைப்பவர் மனத்து ளானைச்சாதியைச் சங்க வெண்ணீற் றண்ணலை விண்ணில் வானோர்சோதியைத் துளக்க மில்லா விளக்கினை அளக்க லாகாஆதியை நினைந்த நெஞ்சம் அழகிதா நினைந்த வாறே.

சொற்பிரிப்பு

நீதியால் நினைப்பு உளானை நினைப்பவர் மனத்து உளானைச்சாதியைச் சங்க வெண்நீற்று அண்ணலை விண்ணில் வானோர்சோதியைத் துளக்கம் இல்லா விளக்கினை அளக்கல் ஆகாஆதியை நினைந்த நெஞ்சம் அழகிதா நினைந்தவாறே.

உரை

மூலத்தில் தமிழ் உரை இல்லை.

8

பழகனை யுலகுக் கெல்லாம் பருப்பனைப் பொருப்போ டொக்கும்மழகளி யானை யின்றோல் மலைமகள் நடுங்கப் போர்த்தகுழகனைக் குழவித் திங்கள் குளிர்சடை மருவ வைத்தஅழகனை நினைந்த நெஞ்சம் அழகிதா நினைந்த வாறே.

சொற்பிரிப்பு

பழகனை உலகுக்கு எல்லாம் பருப்பனைப் பொருப்போடு ஒக்கும்மழகளி யானையின் தோல் மலைமகள் நடுங்கப் போர்த்தகுழகனைக் குழவித் திங்கள் குளிர்சடை மருவ வைத்தஅழகனை நினைந்த நெஞ்சம் அழகிதா நினைந்தவாறே.

உரை

மூலத்தில் தமிழ் உரை இல்லை.

9

விண்ணிடை மின்னொப் பானை மெய்ப்பெரும் பொருளொப் பானைக்கண்ணிடை மணியொப் பானைக் கடுவிருட் சுடரொப் பானைஎண்ணிடை யெண்ண லாகா இருவரை வெருவ நீண்டஅண்ணலை நினைந்த நெஞ்சம் அழகிதா நினைந்த வாறே.

சொற்பிரிப்பு

விண்ணிடை மின் ஒப்பானை மெய்ப்பெரும் பொருள் ஒப்பானைக்கண்ணிடை மணி ஒப்பானைக் கடு இருள் சுடர் ஒப்பானைஎண்ணிடை எண்ணல் ஆகா இருவரை வெருவ நீண்டஅண்ணலை நினைந்த நெஞ்சம் அழகிதா நினைந்தவாறே.

உரை

மூலத்தில் தமிழ் உரை இல்லை.

10

உரவனைத் திரண்ட திண்டோ ள் அரக்கனை யூன்றி மூன்றூர்நிரவனை நிமிர்ந்த சோதி நீண்முடி யமரர் தங்கள்குரவனைக் குளிர்வெண் டிங்கள் சடையிடைப் பொதியும் ஐவாய்அரவனை நினைந்த நெஞ்சம் அழகிதா நினைந்த வாறே.

சொற்பிரிப்பு

உரவனைத் திரண்ட திண்தோள் அரக்கனை ஊன்றி மூன்று ஊர்நிரவனை நிமிர்ந்த சோதி நீள்முடி அமரர் தங்கள்குரவனைக் குளிர்வெண் திங்கள் சடை இடைப் பொதியும் ஐவாய்அரவனை நினைந்த நெஞ்சம் அழகிதா நினைந்தவாறே.

உரை

மூலத்தில் தமிழ் உரை இல்லை.