திருப்பெருவேளூர்

அருளியவர்: திருநாவுக்கரசர்
பண்: திருநேரிசை
தலம்: பெருவேளூர்
நாடு: சோழநாடு காவிரித் தென்கரை

1

மறையணி நாவி னானை மறப்பிலார் மனத்து ளானைக்கறையணி கண்டன் றன்னைக் கனலெரி யாடி னானைப்பிறையணி சடையி னானைப் பெருவேளூர் பேணி னானைநறையணி மலர்கள் தூவி நாடொறும் வணங்கு வேனே.

சொற்பிரிப்பு

மறை அணி நாவினானை மறப்பிலார் மனத்து உளானைக்கறை அணி கண்டன் தன்னைக் கனல் எரி ஆடினானைப்பிறை அணி சடையினானைப் பெருவேளூர் பேணினானைநறை அணி மலர்கள் தூவி நாள்தொறும் வணங்குவேனே.

உரை

மூலத்தில் தமிழ் உரை இல்லை.

2

நாதனாய் உலக மெல்லாம் நம்பிரான் எனவும் நின்றபாதனாம் பரம யோகி பலபல திறத்தி னாலும்பேதனாய்த் தோன்றி னானைப் பெருவேளூர் பேணி னானைஓதநா வுடைய னாகி உரைக்குமா றுரைக்கின் றேனே.

சொற்பிரிப்பு

நாதனாய் உலகம் எல்லாம் நம்பிரான் எனவும் நின்றபாதனாம் பரம யோகி பலபல திறத்தினாலும்பேதனாய்த் தோன்றினானைப் பெருவேளூர் பேணினானைஓத நா உடையன் ஆகி உரைக்கும் ஆறு உரைக்கின்றேனே.

உரை

மூலத்தில் தமிழ் உரை இல்லை.

3

குறவிதோள் மணந்த செல்வக் குமரவேள் தாதை யென்றுநறவிள நறுமென் கூந்தல் நங்கையோர் பாகத் தானைப்பிறவியை மாற்று வானைப் பெருவேளூர் பேணி னானைஉறவினால் வல்ல னாகி உணருமா றுணர்த்து வேனே.

சொற்பிரிப்பு

குறவி தோள் மணந்த செல்வக் குமரவேள் தாதை என்றுநறவு இள நறுமென் கூந்தல் நங்கை ஓர் பாகத்தானைப்பிறவியை மாற்றுவானைப் பெருவேளூர் பேணினானைஉறவினால் வல்லன் ஆகி உணருமாறு உணர்த்துவேனே.

உரை

மூலத்தில் தமிழ் உரை இல்லை.

4

மைஞ்ஞவில் கண்டன் றன்னை வலங்கையின் மழுவொன் றேந்திக்கைஞ்ஞவில் மானி னோடுங் கனலெரி யாடி னானைப்பிஞ்ஞகன் றன்னை அந்தண் பெருவேளூர் பேணி னானைப்பொய்ஞ்ஞெக நினைய மாட்டாப் பொறியிலா அறிவி லேனே.

சொற்பிரிப்பு

மைஞ் ஞவில் கண்டன் தன்னை வலங்கையில் மழு ஒன்று ஏந்திக்கைஞ் ஞவில் மானினோடும் கனல்எரி ஆடினானைப்பிஞ்ஞகன் தன்னை அம் தண் பெருவேளூர் பேணினானைப்பொய்ஞ் ஞெக நினைய மாட்டாப் பொறி இலா அறிவிலேனே.

உரை

மூலத்தில் தமிழ் உரை இல்லை.

5

ஓடைசேர் நெற்றி யானை உரிவையை மூடி னானைவீடதே காட்டு வானை வேதநான் காயி னானைப்பேடைசேர் புறவ நீங்காப் பெருவேளூர் பேணி னானைக்கூடநான் வல்ல மாற்றங் குறுகுமா றறிகி லேனே.

சொற்பிரிப்பு

ஓடை சேர் நெற்றியானை உரிவையை மூடினானைவீடு அதே காட்டுவானை வேதம் நான்கு ஆயினானைப்பேடை சேர் புறவு நீங்காப் பெருவேளூர் பேணினானைக்கூட நான் வல்ல மாற்றம் குறுகுமாறு அறிகிலேனே.

உரை

மூலத்தில் தமிழ் உரை இல்லை.

6

கச்சைசேர் நாகத் தானைக் கடல்விடங் கண்டத் தானைக்கச்சியே கம்பன் றன்னைக் கனலெரி யாடு வானைப்பிச்சைசேர்ந் துழல்வி னானைப் பெருவேளூர் பேணி னானைஇச்சைசேர்ந் தமர நானும் இறைஞ்சுமா றிறைஞ்சு வேனே.

சொற்பிரிப்பு

கச்சை சேர் நாகத்தானைக் கடல் விடங் கண்டத்தானைக்கச்சி ஏகம்பன் தன்னைக் கனல் எரி ஆடுவானைப்பிச்சை சேர்ந்து உழல்வினானைப் பெருவேளூர் பேணினானைஇச்சை சேர்ந்து அமர நானும் இறைஞ்சுமாறு இறைஞ்சுவேனே.

உரை

மூலத்தில் தமிழ் உரை இல்லை.

7

சித்தராய் வந்து தன்னைத் திருவடி வணங்கு வார்கள்முத்தனை மூர்த்தி யாய முதல்வனை முழுது மாயபித்தனைப் பிறரு மேத்தப் பெருவேளூர் பேணி னானைமெத்தனே யவனை நாளும் விரும்புமா றறிகி லேனே.

சொற்பிரிப்பு

சித்தராய் வந்து தன்னைத் திருவடி வணங்குவார்கள்முத்தனை மூர்த்தி ஆய முதல்வனை முழுதுமாயபித்தனைப் பிறரும் ஏத்தப் பெருவேளூர் பேணினானைமெத்த நேயவனை நாளும் விரும்புமாறு அறிகிலேனே.

உரை

மூலத்தில் தமிழ் உரை இல்லை.

8

முண்டமே தாங்கி னானை முற்றிய ஞானத் தானைவண்டுலாங் கொன்றை மாலை வளர்மதிக் கண்ணி யானைப்பிண்டமே ஆயி னானைப் பெருவேளூர் பேணி னானைஅண்டமாம் ஆதி யானை அறியுமா றறிகி லேனே.

சொற்பிரிப்பு

முண்டமே தாங்கினானை முற்றிய ஞானத்தானைவண்டு உலாம் கொன்றை மாலை வளர்மதிக் கண்ணியானைப்பிண்டமே ஆயினானைப் பெருவேளூர் பேணினானைஅண்டமாம் ஆதியானை அறியுமாறு அறிகிலேனே.

உரை

மூலத்தில் தமிழ் உரை இல்லை.

9

விரிவிலா அறிவி னார்கள் வேறொரு சமயஞ் செய்துஎரிவினாற் சொன்னா ரேனும் எம்பிராற் கேற்ற தாகும்பரிவினாற் பெரியோ ரேத்தும் பெருவேளூர் பற்றி னானைமருவிநான் வாழ்த்தி உய்யும் வகையது நினைக்கின் றேனே.

சொற்பிரிப்பு

விரிவு இலா அறிவினார்கள் வேறு ஒரு சமயம் செய்துஎரிவினால் சொன்னாரேனும் எம்பிராற்கு ஏற்றது ஆகும்பரிவினால் பெரியோர் ஏத்தும் பெருவேளூர் பற்றினானைமருவி நான் வாழ்த்தி உய்யும் வகை அது நினைக்கின்றேனே.

உரை

மூலத்தில் தமிழ் உரை இல்லை.

10

பொருகடல் இலங்கை மன்னன் உடல்கெடப் பொருத்தி நல்லகருகிய கண்டத் தானைக் கதிரிளங் கொழுந்து சூடும்பெருகிய சடையி னானைப் பெருவேளூர் பேணி னானைஉருகிய அடிய ரேத்தும் உள்ளத்தால் உள்கு வேனே.

சொற்பிரிப்பு

பொருகடல் இலங்கை மன்னன் உடல்கெடப் பொருத்தி நல்லகருகிய கண்டத்தானைக் கதிர் இளங் கொழுந்து சூடும்பெருகிய சடையினானைப் பெருவேளூர் பேணினானைஉருகிய அடியர் ஏத்தும் உள்ளத்தால் உள்குவேனே.

உரை

மூலத்தில் தமிழ் உரை இல்லை.