திருவையாறு

அருளியவர்: திருநாவுக்கரசர்
பண்: திருநேரிசை
தலம்: ஐயாறு
நாடு: சோழநாடு காவிரி வடகரை

1

தானலா துலக மில்லை சகமலா தடிமை யில்லைகானலா தாட லில்லை கருதுவார் தங்க ளுக்குவானலா தருளு மில்லை வார்குழல் மங்கை யோடும்ஆனலா தூர்வ தில்லை ஐயனை யாற னார்க்கே.

சொற்பிரிப்பு

தான் அலாது உலகம் இல்லை சகம் அலாது அடிமை இல்லைகான் அலாது ஆடல் இல்லை கருதுவார் தங்களுக்குவான் அலாது அருளும் இல்லை வார்குழல் மங்கையோடும்ஆன் அலாது ஊர்வது இல்லை ஐயன் ஐயாறனார்க்கே.

உரை

மூலத்தில் தமிழ் உரை இல்லை.

2

ஆலலால் இருக்கை இல்லை அருந்தவ முனிவர்க் கன்றுநூலலால் நொடிவ தில்லை நுண்பொரு ளாய்ந்து கொண்டுமாலுநான் முகனுங் கூடி மலரடி வணங்க வேலைஆலலால் அமுத மில்லை ஐயனை யாற னார்க்கே.

சொற்பிரிப்பு

ஆல் அலால் இருக்கை இல்லை அருந்தவ முனிவர்க்கு அன்றுநூல் அலால் நொடிவது இல்லை நுண்பொருள் ஆய்ந்து கொண்டுமாலும் நான்முகனும் கூடி மலர் அடி வணங்க வேலைஆல் அலால் அமுதம் இல்லை ஐயன் ஐயாறனார்க்கே.

உரை

மூலத்தில் தமிழ் உரை இல்லை.

3

நரிபுரி சுடலை தன்னில் நடமலால் நவிற்ற லில்லைசுரிபுரி குழலி யோடுந் துணையலால் இருக்கை யில்லைதெரிபுரி சிந்தை யார்க்குத் தெளிவலால் அருளு மில்லைஅரிபுரி மலர்கொண் டேத்தும் ஐயனை யாற னார்க்கே.

சொற்பிரிப்பு

நரிபுரி சுடலை தன்னில் நடம் அலால் நவிற்றல் இல்லைசுரிபுரி குழலியோடும் துணை அலால் இருக்கை இல்லைதெரிபுரி சிந்தையார்க்குத் தெளிவு அலால் அருளும் இல்லைஅரி புரி மலர் கொண்டு ஏத்தும் ஐயன் ஐயாறனார்க்கே.

உரை

மூலத்தில் தமிழ் உரை இல்லை.

4

தொண்டலாற் றுணையு மில்லை தோலலா துடையு மில்லைகண்டலா தருளு மில்லை கலந்தபின் பிரிவ தில்லைபண்டைநான் மறைகள் காணாப் பரிசின னென்றென் றெண்ணிஅண்டவா னவர்கள் ஏத்தும் ஐயனை யாற னார்க்கே.

சொற்பிரிப்பு

தொண்டு அலால் துணையும் இல்லை தோல் அலாது உடையும் இல்லைகண்டு அலாது அருளும் இல்லை கலந்த பின் பிரிவது இல்லைபண்டை நால் மறைகள் காணாப் பரிசினன் என்றுஎன்று எண்ணிஅண்ட வானவர்கள் ஏத்தும் ஐயன் ஐயாறனார்க்கே.

உரை

மூலத்தில் தமிழ் உரை இல்லை.

5

எரியலா லுருவ மில்லை ஏறலால் ஏற லில்லைகரியலாற் போர்வை யில்லை காண்டகு சோதி யார்க்குப்பிரிவிலா அமரர் கூடிப் பெருந்தகைப் பிரானென் றேத்தும்அரியலாற் றேவி யில்லை ஐயனை யாற னார்க்கே.

சொற்பிரிப்பு

எரி அலால் உருவம் இல்லை ஏறு அலால் ஏறல் இல்லைகரி அலால் போர்வை இல்லை காண் தகு சோதியார்க்குப்பிரிவு இலா அமரர் கூடிப் பெருந்தகைப் பிரான் என்று ஏத்தும்அரி அலால் தேவி இல்லை ஐயன் ஐயாறனார்க்கே.

உரை

மூலத்தில் தமிழ் உரை இல்லை.

6

என்பலாற் கலனு மில்லை எருதலா லூர்வ தில்லைபுன்புலால் நாறு காட்டிற் பொடியலாற் சாந்து மில்லைதுன்பிலாத் தொண்டர் கூடித் தொழுதழு தாடிப் பாடும்அன்பலாற் பொருளு மில்லை ஐயனை யாற னார்க்கே.

சொற்பிரிப்பு

என்பு அலால் கலனும் இல்லை எருது அலால் ஊர்வது இல்லைபுன்புலால் நாறு காட்டின் பொடி அலால் சாந்தும் இல்லைதுன்பு இலாத் தொண்டர் கூடித் தொழுது அழுது ஆடிப் பாடும்அன்பு அலால் பொருளும் இல்லை ஐயன் ஐயாறனார்க்கே.

உரை

மூலத்தில் தமிழ் உரை இல்லை.

7

கீளலால் உடையு மில்லை கிளர்பொறி யரவம் பைம்பூண்தோளலாற் றுணையு மில்லை தொத்தலர் கின்ற வேனில்வேளலாற் காயப் பட்ட வீரரு மில்லை மீளாஆளலாற் கைம்மா றில்லை ஐயனை யாற னார்க்கே.

சொற்பிரிப்பு

கீள் அலால் உடையும் இல்லை கிளர்பொறி அரவம் பைம்பூண்தோள் அலால் துணையும் இல்லை தொத்து அலர்கின்ற வேனில்வேள் அலால் காயப்பட்ட வீரரும் இல்லை மீளாஆள் அலால் கைம்மாறு இல்லை ஐயன் ஐயாறனார்க்கே.

உரை

மூலத்தில் தமிழ் உரை இல்லை.

8

சகமலா தடிமை யில்லை தானலாற் றுணையு மில்லைநகமெலாந் தேயக் கையான் நாண்மலர் தொழுது தூவிமுகமெலாங் கண்ணீர் மல்க முன்பணிந் தேத்துந் தொண்டர்அகமலாற் கோயி லில்லை ஐயனை யாற னார்க்கே.

சொற்பிரிப்பு

சகம் அலாது அடிமை இல்லை தான் அலால் துணையும் இல்லை;நகம் எலாம் தேயக் கையால் நாள்மலர் தொழுது தூவிமுகம் எலாம் கண்ணீர் மல்க முன் பணிந்து, ஏத்தும் தொண்டர்அகம் அலால் கோயில் இல்லை ஐயன் ஐயாறனார்க்கே.

உரை

மூலத்தில் தமிழ் உரை இல்லை.

9

உமையலா துருவ மில்லை உலகலா துடைய தில்லைநமையெலா முடைய ராவர் நன்மையே தீமை யில்லைகமையெலா முடைய ராகிக் கழலடி பரவுந் தொண்டர்க்கமைவிலா அருள் கொடுப்பார் ஐயனை யாற னார்க்கே.

சொற்பிரிப்பு

உமை அலாது உருவம் இல்லை உலகு அலாது உடையது இல்லைநமை எலாம் உடையர் ஆவர் நன்மையே தீமை இல்லைகமை எலாம் உடையர் ஆகிக் கழல் அடி பரவும் தொண்டர்க்குஅமைவு இலா அருள் கொடுப்பார் ஐயன் ஐயாறனார்க்கே.

உரை

மூலத்தில் தமிழ் உரை இல்லை.

10

மலையலா லிருக்கை யில்லை மதித்திடா அரக்கன் றன்னைத்தலையலால் நெரித்த தில்லை தடவரைக் கீழ டர்த்துநிலையிலார் புரங்கள் வேவ நெருப்பலால் விரித்த தில்லைஅலையினார் பொன்னி மன்னும் ஐயனை யாற னார்க்கே.

சொற்பிரிப்பு

மலை அலால் இருக்கை இல்லை மதித்திடா அரக்கன் தன்னைத்தலை அலால் நெரித்தது இல்லை தடவரைக் கீழ் அடர்த்துநிலை இலார் புரங்கள் வேவ நெருப்பு அலால் விரித்தது இல்லைஅலையின் ஆர் பொன்னி மன்னும்ஐயன் ஐயாறனார்க்கே.

உரை

மூலத்தில் தமிழ் உரை இல்லை.