திருவிடைமருதூர்

அருளியவர்: திருநாவுக்கரசர்
பண்: திருநேரிசை
தலம்: இடைமருதூர்
நாடு: சோழநாடு காவிரித் தென்கரை

1

காடுடைச் சுடலை நீற்றர் கையில்வெண் டலையர் தையல்பாடுடைப் பூதஞ் சூழப் பரமனார் மருத வைப்பிற்தோடுடைக் கைதை யோடு சூழ்கிடங் கதனைச் சூழ்ந்தஏடுடைக் கமல வேலி இடைமரு திடங்கொண் டாரே.

சொற்பிரிப்பு

காடுடைச் சுடலை நீற்றர் கையில் வெண் தலையர் தையல்பாடுடைப் பூதம் சூழப் பரமனார் மருத வைப்பில்தோடுடைக் கைதை யோடு சூழ் கிடங்கு அதனைச் சூழ்ந்தஏடுடைக் கமல வேலி இடைமருது இடம் கொண்டாரே.

உரை

மூலத்தில் தமிழ் உரை இல்லை.

2

முந்தையார் முந்தி யுள்ளார் மூவர்க்கு முதல்வ ரானார்சந்தியார் சந்தி யுள்ளார் தவநெறி தரித்து நின்றார்சிந்தையார் சிந்தை யுள்ளார் சிவநெறி யனைத்து மானார்எந்தையார் எம்பி ரானார் இடைமரு திடங் கொண்டாரே.

சொற்பிரிப்பு

முந்தையார் முந்தி உள்ளார் மூவர்க்கும் முதல்வர் ஆனார்சந்தியார் சந்தி உள்ளார் தவநெறி தரித்து நின்றார்சிந்தையார் சிந்தை உள்ளார் சிவநெறி அனைத்தும் ஆனார்எந்தையார் எம்பிரானார் இடைமருது இடம் கொண்டாரே.

உரை

மூலத்தில் தமிழ் உரை இல்லை.

3

காருடைக் கொன்றை மாலை கதிர்மணி அரவி னோடுநீருடைச் சடையுள் வைத்த நீதியார் நீதி யாயபோருடை விடையொன் றேற வல்லவர் பொன்னித் தென்பால்ஏருடைக் கமல மோங்கும் இடைமரு திடங் கொண்டாரே.

சொற்பிரிப்பு

கார் உடைக் கொன்றை மாலைக் கதிர் மணி அரவினோடுநீர் உடைச் சடையுள் வைத்த நீதியார் நீதி ஆயபோர் உடை விடை ஒன்று ஏற வல்லவர் பொன்னித் தென்பால்ஏர் உடைக் கமலம் ஓங்கும் இடைமருது இடம் கொண்டாரே.

உரை

மூலத்தில் தமிழ் உரை இல்லை.

4

விண்ணினார் விண்ணின் மிக்கார் வேதங்கள் நான்கும் அங்கம்பண்ணினார் பண்ணின் மிக்க பாடலார் பாவந் தீர்க்குங்கண்ணினார் கண்ணின் மிக்க நுதலினார் காமற் காய்ந்தஎண்ணினார் எண்ணின் மிக்கார் இடைமரு திடங் கொண்டாரே.

சொற்பிரிப்பு

விண்ணினார் விண்ணின் மிக்கார் வேதங்கள் நான்கும் அங்கம்பண்ணினார் பண்ணின் மிக்க பாடலார் பாவம் தீர்க்கும்கண்ணினார் கண்ணின் மிக்க நுதலினார் காமற் காய்ந்தஎண்ணினார் எண்ணின் மிக்கார் இடைமருது இடம் கொண்டாரே.

உரை

மூலத்தில் தமிழ் உரை இல்லை.

5

வேதங்கள் நான்குங் கொண்டு விண்ணவர் பரவி ஏத்தப்பூதங்கள் பாடி யாட லுடையவன் புனிதன் எந்தைபாதங்கள் பரவி நின்ற பத்தர்கள் தங்கள் மேலைஏதங்கள் தீர நின்றார் இடைமரு திடங் கொண்டாரே.

சொற்பிரிப்பு

வேதங்கள் நான்கும் கொண்டு விண்ணவர் பரவி ஏத்தப்பூதங்கள் பாடி ஆடல் உடையவன் புனிதன் எந்தைபாதங்கள் பரவி நின்ற பத்தர்கள் தங்கள் மேலைஏதங்கள் தீர நின்றார் இடைமருது இடம் கொண்டாரே.

உரை

மூலத்தில் தமிழ் உரை இல்லை.

6

பொறியர வரையி லார்த்துப் பூதங்கள் பலவுஞ் சூழமுறிதரு வன்னி கொன்றை முதிர்சடை மூழ்க வைத்துமறிதரு கங்கை தங்க வைத்தவர் எத்தி சையும்ஏறிதரு புனல்கொள் வேலி இடைமரு திடங் கொண்டாரே.

சொற்பிரிப்பு

பொறி அரவு அரையில் ஆர்த்துப் பூதங்கள் பலவும் சூழமுறி தரு வன்னி கொன்றை முதிர்சடை மூழ்க வைத்துமறி தரு கங்கை தங்க வைத்தவர் எத்திசையும்எறி தரு புனல் கொள் வேலி இடைமருது இடம் கொண்டாரே.

உரை

மூலத்தில் தமிழ் உரை இல்லை.

7

படரொளி சடையி னுள்ளாற் பாய்புனல் அரவி னோடுசுடரொளி மதியம் வைத்துத் தூவொளி தோன்றும் எந்தைஅடரொளி விடையொன் றேற வல்லவர் அன்பர் தங்கள்இடரவை கெடவு நின்றார் இடைமரு திடங் கொண்டாரே.

சொற்பிரிப்பு

படர் ஒளி சடையின் உள்ளால் பாய்புனல் அரவினோடுசுடர் ஒளி மதியம் வைத்துத் தூஒளி தோன்றும் எந்தைஅடர் ஒளி விடை ஒன்று ஏற வல்லவர் அன்பர் தங்கள்இடர் அவை கெடவும் நின்றார் இடைமருது இடம் கொண்டாரே.

உரை

மூலத்தில் தமிழ் உரை இல்லை.

8

கமழ்தரு சடையி னுள்ளாற் கடும்புனல் அரவி னோடுதவழ்தரு மதியம் வைத்துத் தன்னடி பலரும் ஏத்தமழுவது வலங்கை யேந்தி மாதொரு பாக மாகிஎழில்தரு பொழில்கள் சூழ்ந்த இடைமரு திடங் கொண்டாரே.

சொற்பிரிப்பு

கமழ் தரு சடையின் உள்ளால் கடும்புனல் அரவினோடும்தவழ் தரு மதியம் வைத்துத் தன் அடி பலரும் ஏத்தமழு அது வலங்கை ஏந்தி மாது ஒரு பாகம் ஆகிஎழில்தரு பொழில்கள் சூழ்ந்த இடைமருது இடம் கொண்டாரே.

உரை

மூலத்தில் தமிழ் உரை இல்லை.

9

பொன்றிகழ் கொன்றை மாலை புதுப்புனல் வன்னி மத்தம்மின்றிகழ் சடையில் வைத்து மேதகத் தோன்று கின்றஅன்றவர் அளக்க லாகா அனலெரி யாகி நீண்டார்இன்றுட னுலக மேத்த இடைமரு திடங் கொண்டாரே.

சொற்பிரிப்பு

பொன்திகழ் கொன்றை மாலை புதுப்புனல் வன்னி மத்தம்மின்திகழ் சடையில் வைத்து மேதகத் தோன்றுகின்றஅன்று அவர் அளக்கல் ஆகா அனல் எரி ஆகி நீண்டார்இன்று உடன் உலகம் ஏத்த இடைமருது இடம் கொண்டாரே.

உரை

மூலத்தில் தமிழ் உரை இல்லை.

10

மலையுடன் விரவி நின்று மதியிலா அரக்கன் நூக்கத்தலையுட னடர்த்து மீண்டே தலைவனாய் அருள்கள் நல்கிச்சிலையுடை மலையை வாங்கித் திரிபுர மூன்றும் எய்தார்இலையுடைக் கமல வேலி இடைமரு திடங் கொண்டாரே.

சொற்பிரிப்பு

மலையுடன் விரவி நின்று மதி இலா அரக்கன் நூக்கத்தலையுடன் அடர்த்து மீண்டே தலைவனாய் அருள்கள் நல்கிச்சிலையுடை மலையை வாங்கித் திரிபுரம் மூன்றும் எய்தார்இலையுடைக் கமல வேலி இடைமருது இடம் கொண்டாரே.

உரை

மூலத்தில் தமிழ் உரை இல்லை.