திருப்பயற்றூர்

அருளியவர்: திருநாவுக்கரசர்
பண்: திருநேரிசை
தலம்: பயற்றூர்
நாடு: சோழநாடு காவிரித் தென்கரை

1

உரித்திட்டார் ஆனை யின்றோல் உதிரவா றொழுகி யோடவிரித்திட்டார் உமையா ளஞ்சி விரல்விதிர்த் தலக்கண் நோக்கித்தரித்திட்டார் சிறிது போது தரிக்கில ராகித் தாமுஞ்சிரித்திட்டார் எயிறு தோன்றத் திருப்பயற் றூர னாரே.

சொற்பிரிப்பு

உரித்திட்டார் ஆனையின் தோல் உதிர ஆறு ஒழுகி ஓடவிரித்திட்டார் உமையாள் அஞ்சி விரல் விதிர்த்து அலக்கண் நோக்கித்தரித்திட்டார் சிறிது போது தரிக்கிலர் ஆகித் தாமும்சிரித்திட்டார் எயிறு தோன்றத் திருப்பயற்றூரனாரே.

உரை

மூலத்தில் தமிழ் உரை இல்லை.

2

உவந்திட்டங் குமையோர் பாகம் வைத்தவர் ஊழி யூழிபவந்திட்ட பரம னார் தாம் மலைச்சிலை நாகம் ஏற்றிக்கவர்ந்திட்ட புரங்கள் மூன்றுங் கனலெரி யாகச் சீறிச்சிவந்திட்ட கண்ணர் போலுந் திருப்பயற் றூர னாரே.

சொற்பிரிப்பு

உவந்திட்டு அங்கு உமை ஓர் பாகம் வைத்தவர் ஊழி ஊழிபவந்திட்ட பரமனார் தாம் மலைச்சிலை நாகம் ஏற்றிக்கவர்ந்திட்ட புரங்கள் மூன்றும் கனல் எரி ஆகச் சீறிச்சிவந்திட்ட கண்ணர் போலும் திருப்பயற்றூரனாரே.

உரை

மூலத்தில் தமிழ் உரை இல்லை.

3

நங்களுக் கருள தென்று நான்மறை யோது வார்கள்தங்களுக் கருளும் எங்கள் தத்துவன் றழலன் றன்னைஎங்களுக் கருள்செய் யென்ன நின்றவன் நாகம் அஞ்சுந்திங்களுக் கருளிச் செய்தார் திருப்பயற் றூர னாரே.

சொற்பிரிப்பு

நங்களுக்கு அருளது என்று நால்மறை ஓதுவார்கள்தங்களுக்கு அருளும் எங்கள் தத்துவன் தழலன் தன்னைஎங்களுக்கு அருள் செய் என்ன நின்றவன் நாகம் அஞ்சும்திங்களுக்கு அருளிச் செய்தார் திருப்பயற்றூரனாரே.

உரை

மூலத்தில் தமிழ் உரை இல்லை.

4

பார்த்தனுக் கருளும் வைத்தார் பாம்பரை யாட வைத்தார்சாத்தனை மகனா வைத்தார் சாமுண்டி சாம வேதங்கூத்தொடும் பாட வைத்தார் கோளரா மதியம் நல்லதீர்த்தமுஞ் சடைமேல் வைத்தார் திருப்பயற் றூர னாரே.

சொற்பிரிப்பு

பார்த்தனுக்கு அருளும் வைத்தார் பாம்பு அரை ஆட வைத்தார்சாத்தனை மகனா வைத்தார் சாமுண்டி சாம வேதம்கூத்தொடும் பாட வைத்தார் கோள் அரா மதியம் நல்லதீர்த்தமும் சடைமேல் வைத்தார் திருப்பயற்றூரனாரே.

உரை

மூலத்தில் தமிழ் உரை இல்லை.

5

மூவகை மூவர் போலும் முற்றுமா நெற்றிக் கண்ணர்நாவகை நாவர் போலும் நான்மறை ஞான மெல்லாம்ஆவகை யாவர் போலும் ஆதிரை நாளர் போலுந்தேவர்கள் தேவர் போலுந் திருப்பயற் றூர னாரே.

சொற்பிரிப்பு

மூவகை மூவர் போலும் முற்றுமா நெற்றிக் கண்ணர்நாவகை நாவர் போலும் நால்மறை ஞானம் எல்லாம்ஆவகை ஆவர் போலும் ஆதிரை நாளர் போலும்தேவர்கள் தேவர் போலும் திருப்பயற்றூரனாரே.

உரை

மூலத்தில் தமிழ் உரை இல்லை.

6

ஞாயிறாய் நமனு மாகி வருணனாய்ச் சோம னாகித்தீயறா நிருதி வாயுத் திப்பிய சாந்த னாகிப்பேயறாக் காட்டி லாடும் பிஞ்ஞகன் எந்தை பெம்மான்தீயறாக் கையர் போலுந் திருப்பயற் றூர னாரே.

சொற்பிரிப்பு

ஞாயிறாய் நமனும் ஆகி வருணனாய்ச் சோமன் ஆகித்தீ அறா நிருதி வாயுத் திப்பிய சாந்தன் ஆகிப்பேய் அறாக் காட்டில் ஆடும் பிஞ்ஞகன் எந்தை பெம்மான்தீ அறாக் கையர் போலும் திருப்பயற்றூரனாரே.

உரை

மூலத்தில் தமிழ் உரை இல்லை.

7

ஆவியாய் அவியு மாகி அருக்கமாய்ப் பெருக்க மாகிப்பாவியர் பாவந் தீர்க்கும் பரமனாய்ப் பிரம னாகிக்காவியங் கண்ண ளாகிக் கடல்வண்ண மாகி நின்றதேவியைப் பாகம் வைத்தார் திருப்பயற் றூர னாரே.

சொற்பிரிப்பு

ஆவியாய் அவியுமாகி அருக்கமாய்ப் பெருக்கமாகிப்பாவியார் பாவம் தீர்க்கும் பரமனாய்ப் பிரமன் ஆகிக்காவி அம் கண்ணள் ஆகிக் கடல் வண்ணம் ஆகி நின்றதேவியைப் பாகம் வைத்தார் திருப்பயற்றூரனாரே.

உரை

மூலத்தில் தமிழ் உரை இல்லை.

8

தந்தையாய்த் தாயு மாகித் தரணியாய்த் தரணி யுள்ளார்க்கெந்தையு மென்ன நின்ற ஏழுல குடனு மாகிஎந்தையெம் பிரானே என்றென் றுள்குவா ருள்ளத் தென்றுஞ்சிந்தையுஞ் சிவமு மாவார் திருப்பயற் றூர னாரே.

சொற்பிரிப்பு

தந்தையாய்த் தாயும் ஆகித் தரணியாய்த் தரணி உள்ளார்க்குஎந்தையும் என்ன நின்ற ஏழ் உலகு உடனும் ஆகி,எந்தை எம்பிரானே என்றுஎன்று உள்குவார் உள்ளத்து என்றும்சிந்தையும் சிவமும் ஆவார் திருப்பயற்றூரனாரே.

உரை

மூலத்தில் தமிழ் உரை இல்லை.

9

புலன்களைப் போக நீக்கிப் புந்தியை யொருங்க வைத்துஇலங்களைப் போக நின்று இரண்டையும் நீக்கி யொன்றாய்மலங்களை மாற்ற வல்லார் மனத்தினுட் போக மாகிச்சினங்களைக் களைவர் போலுந் திருப்பயற் றூர னாரே.

சொற்பிரிப்பு

புலன்களைப் போக நீக்கிப் புந்தியை ஒருங்க வைத்துஇலங்களைப் போக நின்று இரண்டையும் நீக்கி ஒன்றாய்மலங்களை மாற்ற வல்லார் மனத்தினுள் போகம் ஆகிச்சினங்களைக் களைவர் போலும் திருப்பயற்றூரனாரே.

உரை

மூலத்தில் தமிழ் உரை இல்லை.

10

மூர்த்திதன் மலையின் மீது போகாதா முனிந்து நோக்கிப்பார்த்துத்தான் பூமி மேலாற் பாய்ந்துடன் மலையைப் பற்றிஆர்த்திட்டான் முடிகள் பத்தும் அடர்த்துநல் லரிவை யஞ்சத்தேத்தெத்தா என்னக் கேட்டார் திருப்பயற் றூர னாரே.

சொற்பிரிப்பு

மூர்த்தி தன் மலையின் மீது போகாதா முனிந்து நோக்கிப்பார்த்துத் தான் பூமி மேலால் பாய்ந்து உடன் மலையைப் பற்றிஆர்த்திட்டான் முடிகள் பத்தும் அடர்த்து நல் அரிவை அஞ்சத்தேத்தெத்தா என்னக் கேட்டார் திருப்பயற்றூரனாரே.

உரை

மூலத்தில் தமிழ் உரை இல்லை.