திருச்செம்பொன்பள்ளி

அருளியவர்: திருநாவுக்கரசர்
பண்: திருநேரிசை
தலம்: செம்பொன்பள்ளி
நாடு: சோழநாடு காவிரித் தென்கரை

1

ஊனினுள் ளுயிரை வாட்டி யுணர்வினார்க் கெளிய ராகிவானினுள் வான வர்க்கும் அறியலா காத வஞ்சர்நானெனிற் றானே யென்னு ஞானத்தார் பத்தர் நெஞ்சுள்தேனும்இன் னமுது மானார் திருச்செம்பொன் பள்ளி யாரே.

சொற்பிரிப்பு

ஊனினுள் உயிரை வாட்டி உணர்வினார்க்கு எளியர் ஆகிவானினுள் வானவர்க்கும் அறியல் ஆகாத வஞ்சர்நான் எனில் தானே என்னும் ஞானத்தார் பத்தர் நெஞ்சுள்தேனும் இன் அமுதும் ஆனார் திருச்செம்பொன் பள்ளியாரே.

உரை

மூலத்தில் தமிழ் உரை இல்லை.

2

நொய்யவர் விழுமி யாரும் நூலினுண் ணெறியைக் காட்டும்மெய்யவர் பொய்யு மில்லார் உடலெனும் இடிஞ்சில் தன்னில்நெய்யமர் திரியு மாகி நெஞ்சத்துள் விளக்கு மாகிச்செய்யவர் கரிய கண்டர் திருச்செம்பொன் பள்ளி யாரே.

சொற்பிரிப்பு

நொய்யவர் விழுமியாரும் நூலின் நுண்நெறியைக் காட்டும்மெய்யவர் பொய்யும் இல்லார் உடல் எனும் இடிஞ்சில் தன்னில்நெய் அமர் திரியும் ஆகி நெஞ்சத்துள் விளக்கும் ஆகிச்செய்யவர் கரிய கண்டர் திருச்செம்பொன் பள்ளியாரே.

உரை

மூலத்தில் தமிழ் உரை இல்லை.

3

வெள்ளியர் கரியர் செய்யர் விண்ணவ ரவர்கள் நெஞ்சுள்ஒள்ளியர் ஊழி யூழி யுலகம தேத்த நின்றபள்ளியர் நெஞ்சத் துள்ளார் பஞ்சமம் பாடி யாடுந்தெள்ளியர் கள்ளந் தீர்ப்பார் திருச்செம்பொன் பள்ளி யாரே.

சொற்பிரிப்பு

வெள்ளியர் கரியர் செய்யர் விண்ணவர் அவர்கள் நெஞ்சுள்ஒள்ளியர் ஊழி ஊழி உலகம் அது ஏத்த நின்றபள்ளியர் நெஞ்சத்து உள்ளார் பஞ்சமம் பாடி ஆடும்தெள்ளியர் கள்ளம் தீர்ப்பார் திருச்செம்பொன் பள்ளியாரே.

உரை

மூலத்தில் தமிழ் உரை இல்லை.

4

தந்தையுந் தாயு மாகித் தானவன் ஞான மூர்த்திமுந்திய தேவர் கூடி முறைமுறை இருக்குச் சொல்லிஎந்தைநீ சரண மென்றங் கிமையவர் பரவி யேத்தச்சிந்தையுட் சிவம தானார் திருச்செம்பொன் பள்ளி யாரே.

சொற்பிரிப்பு

தந்தையும் தாயும் ஆகித் தானவன் ஞான மூர்த்திமுந்திய தேவர் கூடி முறைமுறை இருக்குச் சொல்லி,எந்தை நீ சரணம் என்று அங்கு இமையவர் பரவி ஏத்தச்சிந்தையுள் சிவம் அது ஆனார் திருச்செம்பொன் பள்ளியாரே.

உரை

மூலத்தில் தமிழ் உரை இல்லை.

5

ஆறுடைச் சடையர் போலும் அன்பருக் கன்பர் போலுங்கூறுடை மெய்யர் போலுங் கோளர வரையர் போலும்நீறுடை யழகர் போலும் நெய்தலே கமழு நீர்மைச்சேறுடைக் கமல வேலித் திருச்செம்பொன் பள்ளி யாரே.

சொற்பிரிப்பு

ஆறு உடைச் சடையர் போலும் அன்பருக்கு அன்பர் போலும்கூறு உடை மெய்யர் போலும் கோள் அரவு அரையர் போலும்நீறு உடை அழகர் போலும் நெய்தலே கமழும் நீர்மைச்சேறு உடைக் கமல வேலித் திருச்செம்பொன் பள்ளியாரே.

உரை

மூலத்தில் தமிழ் உரை இல்லை.

6

ஞாலமும் அறிய வேண்டின் நன்றென வாழ லுற்றீர்காலமுங் கழிய லான கள்ளத்தை ஒழிய கில்லீர்கோலமும் வேண்டா ஆர்வச் செற்றங்கள் குரோத நீக்கில்சீலமும் நோன்பு மாவார் திருச்செம்பொன் பள்ளி யாரே.

சொற்பிரிப்பு

ஞாலமும் அறிய வேண்டின் நன்று என வாழல் உற்றீர்காலமும் கழியல் ஆன கள்ளத்தை ஒழிய கில்லீர்கோலமும் வேண்டா ஆர்வச் செற்றங்கள் குரோதம் நீக்கில்சீலமும் நோன்பும் ஆவார் திருச்செம்பொன் பள்ளியாரே.

உரை

மூலத்தில் தமிழ் உரை இல்லை.

7

புரிகாலே நேசஞ் செய்ய இருந்தபுண் டரீகத் தாரும்எரிகாலே மூன்று மாகி இமையவர் தொழநின் றாரும்தெரிகாலே மூன்று சந்தி தியானித்து வணங்க நின்றுதிரிகாலங் கண்ட எந்தை திருச்செம்பொன் பள்ளி யாரே.

சொற்பிரிப்பு

புரிகாலே நேசம் செய்ய இருந்த புண்டரீகத்தாரும்எரிகாலே மூன்றும் ஆகி இமையவர் தொழ நின்றாரும்தெரிகாலே மூன்று சந்தி தியானித்து வணங்க நின்றுதிரிகாலம் கண்ட எந்தை திருச்செம்பொன் பள்ளியாரே.

உரை

மூலத்தில் தமிழ் உரை இல்லை.

8

காருடைக் கொன்றை மாலை கதிர்மதி அரவி னோடும்நீருடைச் சடையுள் வைத்த நீதியார் நீதி யுள்ளார்பாரொடு விண்ணும் மண்ணும் பதினெட்டுக் கணங்க ளேத்தச்சீரொடு பாட லானார் திருச்செம்பொன் பள்ளி யாரே.

சொற்பிரிப்பு

கார் உடைக் கொன்றை மாலை கதிர்மதி அரவினோடும்நீர் உடைச் சடையுள் வைத்த நீதியார் நீதி உள்ளார்பாரொடு விண்ணும் மண்ணும் பதினெட்டுக் கணங்கள் ஏத்தச்சீரொடு பாடல் ஆனார் திருச்செம்பொன் பள்ளியாரே.

உரை

மூலத்தில் தமிழ் உரை இல்லை.

9

ஓவாத மறைவல் லானும் ஓதநீர் வண்ணன் காணாமூவாத பிறப்பி லாரும் முனிகளா னார்கள் ஏத்தும்பூவான மூன்றும் முந்நூற் றறுபது மாகும் எந்தைதேவாதி தேவ ரென்றுந் திருச்செம்பொன் பள்ளி யாரே.

சொற்பிரிப்பு

ஓவாத மறை வல்லானும் ஓதநீர் வண்ணன் காணாமூவாத பிறப்பு இலாரும் முனிகள் ஆனார்கள் ஏத்தும்பூ ஆன மூன்றும் முந்நூற்று அறுபதும் ஆகும் எந்தைதேவாதி தேவர் என்றும் திருச்செம்பொன் பள்ளியாரே.

உரை

மூலத்தில் தமிழ் உரை இல்லை.

10

அங்கங்க ளாறு நான்கும் அந்தணர்க் கருளிச் செய்துசங்கங்கள் பாட ஆடுஞ் சங்கரன் மலைஎ டுத்தான்அங்கங்கள் உதிர்ந்து சோர அலறிட அடர்த்து நின்றுஞ்செங்கண்வெள் ளேற தேறுந் திருச்செம்பொன் பள்ளி யாரே.

சொற்பிரிப்பு

அங்கங்கள் ஆறும் நான்கும் அந்தணர்க்கு அருளிச் செய்துசங்கங்கள் பாட ஆடும் சங்கரன் மலை எடுத்தான்அங்கங்கள் உதிர்ந்து சோர அலறிட அடர்த்து நின்றும்செங்கண் வெள் ஏறு அது ஏறும் திருச்செம்பொன் பள்ளியாரே.

உரை

மூலத்தில் தமிழ் உரை இல்லை.