திருவாரூர் திருவாதிரைத்

அருளியவர்: திருநாவுக்கரசர்
பண்: குறிஞ்சி
தலம்: ஆரூர்
நாடு: சோழநாடு காவிரித் தென்கரை

1

முத்து விதான மணிப்பொற் கவரி முறையாலேபத்தர்க ளோடு பாவையர் சூழப் பலிப்பின்னேவித்தகக் கோல வெண்டலை மாலை விரதிகள்அத்தன் ஆரூர் ஆதிரை நாளால் அதுவண்ணம்.

சொற்பிரிப்பு

முத்து விதானம் மணிப்பொன் கவரி முறையாலேபத்தர்களோடு பாவையர் சூழப் பலிப் பின்னேவித்தகக் கோல வெண்தலை மாலை விரதிகள்அத்தன் ஆரூர் ஆதிரை நாளால் அது வண்ணம்.

உரை

மூலத்தில் தமிழ் உரை இல்லை.

2

நணியார் சேயார் நல்லார் தீயார் நாடோ றும்பிணிதான் தீரும் என்று பிறங்கிக் கிடப்பாரும்மணியே பொன்னே மைந்தா மணாளா என்பார்கட்கணியான் ஆரூர் ஆதிரை நாளால் அதுவண்ணம்.

சொற்பிரிப்பு

நணியார் சேயார் நல்லார் தீயார் நாள்தோறும்பிணிதான் தீரும் என்று பிறங்கிக் கிடப்பாரும்மணியே பொன்னே மைந்தா மணாளா என்பார்கட்குஅணியான் ஆரூர் ஆதிரை நாளால் அது வண்ணம்.

உரை

மூலத்தில் தமிழ் உரை இல்லை.

3

வீதிகள் தோறும் வெண்கொடி யோடுவி தானங்கள்சோதிகள் விட்டுச் சுடர்மா மணிகள் ஒளிதோன்றச்சாதிக ளாய பவளமு முத்துத் தாமங்கள்ஆதி ஆரூர் ஆதிரை நாளால் அதுவண்ணம்.

சொற்பிரிப்பு

வீதிகள் தோறும் வெண் கொடியோடு விதானங்கள்சோதிகள் விட்டுச் சுடர் மா மணிகள் ஒளி தோன்றச்சாதிகள் ஆய பவளமும் முத்துத் தாமங்கள்ஆதி ஆரூர் ஆதிரை நாளால் அது வண்ணம்.

உரை

மூலத்தில் தமிழ் உரை இல்லை.

4

குணங்கள் பேசிக் கூடிப் பாடித் தொண்டர்கள்பிணங்கித் தம்மிற் பித்தரைப் போலப் பிதற்றுவார்வணங்கி நின்று வானவர் வந்து வைகலும்அணங்கன் ஆரூர் ஆதிரை நாளால் அதுவண்ணம்.

சொற்பிரிப்பு

குணங்கள் பேசிக் கூடிப் பாடித் தொண்டர்கள்பிணங்கித் தம்மில் பித்தரைப் போலப் பிதற்றுவார்வணங்கி நின்று வானவர் வந்து வைகலும்அணங்கன் ஆரூர் ஆதிரை நாளால் அது வண்ணம்.

உரை

மூலத்தில் தமிழ் உரை இல்லை.

5

நிலவெண் சங்கும் பறையும் ஆர்ப்ப நிற்கில்லாப்பலரு மிட்ட கல்ல வடங்கள் பரந்தெங்குங்கலவ மஞ்ஞை காரென் றெண்ணிக் களித்துவந்தலம ராரூர் ஆதிரை நாளால் அதுவண்ணம்.

சொற்பிரிப்பு

நிலவெண் சங்கும் பறையும் ஆர்ப்ப நிற்கில்லாப்பலரும் இட்ட கல்லவடங்கள் பரந்து எங்கும்கலவ மஞ்ஞை கார் என்று எண்ணிக் களித்து வந்துஅலமர் ஆரூர் ஆதிரை நாளால் அது வண்ணம்.

உரை

மூலத்தில் தமிழ் உரை இல்லை.

6

விம்மா வெருவா விழியாத் தெழியா வெருட்டுவார்தம்மாண் பிலராய்த் தரியார் தலையான் முட்டுவார்எம்மான் ஈசன் எந்தை எனப்பன் என்பார்கட்கம்மான் ஆரூர் ஆதிரை நாளால் அதுவண்ணம்.

சொற்பிரிப்பு

விம்மா வெருவா விழியாத் தெழியா வெருட்டுவார்தம் மாண்பு இலராய்த் தரியார் தலையால் முட்டுவார்எம்மான் ஈசன் எந்தை என் அப்பன் என்பார்கட்குஅம்மான் ஆரூர் ஆதிரை நாளால் அது வண்ணம்.

உரை

மூலத்தில் தமிழ் உரை இல்லை.

7

செந்துவர் வாயார் செல்வன சேவடி சிந்திப்பார்மைந்தர்க ளோடு மங்கையர் கூடிம யங்குவார்இந்திர னாதி வானவர் சித்தர் எடுத்தேத்தும்அந்திரன் ஆரூர் ஆதிரை நாளால் அதுவண்ணம்.

சொற்பிரிப்பு

செந்துவர் வாயார் செல்வன சேவடி சிந்திப்பார்மைந்தர்களோடு மங்கையர் கூடி மயங்குவார்இந்திரன் ஆதி வானவர் சித்தர் எடுத்து ஏத்தும்அந்திரன் ஆரூர் ஆதிரை நாளால் அது வண்ணம்.

உரை

மூலத்தில் தமிழ் உரை இல்லை.

8

முடிகள் வணங்கி மூவா தார்கண் முன்செல்லவடிகொள் வேய்த்தோள் வான்அர மங்கையர் பின்செல்லப்பொடிகள் பூசிப் பாடுந் தொண்டர் புடைசூழஅடிகள் ஆரூர் ஆதிரை நாளால் அதுவண்ணம்.

சொற்பிரிப்பு

முடிகள் வணங்கி மூவாதார்கள் முன் செல்லவடிகொள் வேய்த்தோள் வான் அர மங்கையர் பின் செல்லப்பொடிகள் பூசிப் பாடும் தொண்டர் புடை சூழஅடிகள் ஆரூர் ஆதிரை நாளால் அது வண்ணம்.

உரை

மூலத்தில் தமிழ் உரை இல்லை.

9

துன்பம் நும்மைத் தொழாத நாள்கள் என்பாரும்இன்பம் நும்மை யேத்து நாள்கள் என்பாரும்நும்பின் எம்மை நுழையப் பணியே என்பாரும்அன்பன் ஆரூர் ஆதிரை நாளால் அதுவண்ணம்.

சொற்பிரிப்பு

துன்பம் நும்மைத் தொழாத நாள்கள் என்பாரும்இன்பம் நும்மை ஏத்தும் நாள்கள் என்பாரும்நும் பின் எம்மை நுழையப் பணியே என்பாரும்அன்பன் ஆரூர் ஆதிரை நாளால் அது வண்ணம்.

உரை

மூலத்தில் தமிழ் உரை இல்லை.

10

பாரூர் பௌவத் தானைப் பத்தர் பணிந்தேத்தச்சீரூர் பாடல் ஆடல் அறாத செம்மாப்பார்ந்தோரூர் ஒழியா துலகம் எங்கும் எடுத்தேத்தும்ஆரூ ரன்றன் ஆதிரை நாளால் அதுவண்ணம்.

சொற்பிரிப்பு

பார் ஊர் பௌவத்தானைப் பத்தர் பணிந்து ஏத்தச்சீர் ஊர் பாடல் ஆடல் அறாத செம்மாப்பு ஆர்ந்துஓர் ஊர் ஒழியாது உலகம் எங்கும் எடுத்து ஏத்தும்ஆரூரன் தன் ஆதிரை நாளால் அது வண்ணம்.

உரை

மூலத்தில் தமிழ் உரை இல்லை.