திருவாரூர்

அருளியவர்: திருநாவுக்கரசர்
பண்: சீகாமரம்
தலம்: ஆரூர்
நாடு: சோழநாடு காவிரித் தென்கரை

1

காண்டலேகருத் தாய்நினைந்திருந் தேன்மனம்புகுந் தாய்கழலடிபூண்டுகொண் டொழிந்தேன் புறம்போயி னாலறையோஈண்டுமாடங்கள் நீண்டமாளிகை மேலெழுகொடி வானிளம்மதிதீண்டிவந் துலவுந் திருவாரூ ரம்மானே.

சொற்பிரிப்பு

காண்டலே கருத்தாய் நினைந்திருந்தேன் மனம் புகுந்தாய் கழல் அடிபூண்டு கொண்டு ஒழிந்தேன் புறம் போயினால் அறையோஈண்டு மாடங்கள் நீண்ட மாளிகை மேல் எழு கொடி வான் இளம்மதிதீண்டி வந்து உலவும் திருஆரூர் அம்மானே.

உரை

மூலத்தில் தமிழ் உரை இல்லை.

2

கடம்படந்நட மாடினாய்களை கண்ணெனக்கொரு காதல்செய்தடிஒடுங்கி வந்தடைந் தேனொழிப்பாய் பிழைப்பவெல்லாம்முடங்கிறால்முது நீர்மலங்கிள வாளைசெங்கயல் சேல்வரால்களிறடைந்த தண்கழனி அணியாரூ ரம்மானே.

சொற்பிரிப்பு

கடம் படந் நடம் ஆடினாய் களைகண் நினக்கு ஒரு காதல் செய்து அடிஒடுங்கி வந்து அடைந்தேன் ஒழிப்பாய் பிழைப்ப எல்லாம்முடங்கு இறால் முது நீர் மலங்கு இள வாளை செங்கயல் சேல் வரால் களிறுஅடைந்த தண் கழனி அணி ஆரூர் அம்மானே.

உரை

மூலத்தில் தமிழ் உரை இல்லை.

3

அருமணித்தடம் பூண்முலை அரம்பையரொ டருளிப்பாடியர்உரிமையிற் றொழுவார் உருத்திர பல்கணத்தார்விரிசடைவிர திகளந்தணர் சைவர்பாசுப தர்கபாலிகள்தெருவினிற் பொலியுந் திருவாரூ ரம்மானே.

சொற்பிரிப்பு

அருமணித் தடம் பூண்முலை அரம்பையரொடு அருளிப்பாடியர்,உரிமையில் தொழுவார் உருத்திர பல்கணத்தார்விரிசடை விரதிகள், அந்தணர், சைவர், பாசுபதர், கபாலிகள்தெருவினில் பொலியும் திருஆரூர் அம்மானே.

உரை

மூலத்தில் தமிழ் உரை இல்லை.

4

பூங்கழல்தொழு தும்பரவியும் புண்ணியாபுனி தாவுன்பொற்கழல்ஈங்கிருக்கப் பெற்றேன் என்னகுறை யுடையேன்ஓங்குதெங்கிலை யார்கமுகிள வாழைமாவொடு மாதுளம்பலதீங்கனி சிதறுந் திருவாரூ ரம்மானே.

சொற்பிரிப்பு

பூங்கழல் தொழுதும் பரவியும் புண்ணியா புனிதா உன் பொன்கழல்ஈங்கு இருக்கப் பெற்றேன் என்ன குறை உடையேன்ஓங்கு தெங்கு, இலை ஆர் கமுகு, இள வாழை, மாவொடு, மாதுளம், பலதீங்கனி சிதறும் திருஆரூர் அம்மானே.

உரை

மூலத்தில் தமிழ் உரை இல்லை.

5

நீறுசேர்செழு மார்பினாய்நிரம் பாமதியொடு நீள்சடையிடைஆறுபாய வைத்தாய் அடியே அடைந்தொழிந்தேன்ஏறிவண்டொடு தும்பியஞ்சிற கூன்றவிண்ட மலரிதழ்வழிதேறல்பாய்ந் தொழுகுந் திருவாரூ ரம்மானே.

சொற்பிரிப்பு

நீறு சேர் செழு மார்பினாய் நிரம்பா மதியொடு நீள் சடை இடைஆறு பாய வைத்தாய் அடியே அடைந்தொழிந்தேன்ஏறிவண்டொடு தும்பி அம்சிறகு ஊன்ற விண்ட மலர் இதழ் வழிதேறல் பாய்ந்து ஒழுகும் திருஆரூர் அம்மானே.

உரை

மூலத்தில் தமிழ் உரை இல்லை.

6

அளித்துவந்தடி கைதொழுமவர் மேல்வினைகெடு மென்றிவையகங்களித்துவந் துடனே கலந்தாடக் காதலராய்க்குளித்துமூழ்கியுந் தூவியுங்குடைந் தாடுகோதையர் குஞ்சியுள்புகத்தெளிக்குந் தீர்த்தமறாத் திருவாரூ ரம்மானே.

சொற்பிரிப்பு

அளித்து வந்து அடி கை தொழும் அவர் மேல் வினைகெடும் என்று இவ்வையகம்களித்து வந்து உடனே கலந்து ஆடக் காதலராய்க்குளித்தும், மூழ்கியும், தூவியும், குடைந்து ஆடு கோதையர் குஞ்சியுள் புகத்தெளிக்கும் தீர்த்தம் அறாத் திருஆரூர் அம்மானே.

உரை

மூலத்தில் தமிழ் உரை இல்லை.

7

திரியுமூவெயில் தீயெழச்சிலை வாங்கிநின்றவ னேயென்சிந்தையுட்பிரியுமா றெங்ஙனே பிழைத்தேயும் போகலொட்டேன்பெரியசெந்நெற் பிரம்புரிகெந்த சாலிதிப்பிய மென்றிவையகத்தரியுந் தண்கழனி யணியாரூ ரம்மானே.

சொற்பிரிப்பு

திரியும் மூ எயில் தீ எழச் சிலை வாங்கி நின்றவனே என் சிந்தையுள்பிரியும் ஆறு எங்ஙனே பிழைத்தேயும் போகல் ஒட்டேன்பெரிய செந்நெல், பிரம்புரி, கெந்த சாலி, திப்பியம் என்று இவ்வையகத்துஅரியும் தண்கழனி அணி ஆரூர் அம்மானே.

உரை

மூலத்தில் தமிழ் உரை இல்லை.

8

பிறத்தலும்பிறந் தாற்பிணிப்பட வாய்ந்தசைந்துட லம்புகுந்துநின்றிறக்குமா றுளதே இழித்தேன் பிறப்பினைநான்அறத்தையேபுரிந் தமனத்தனாய் ஆர்வச்செற்றக்கு ரோதநீக்கியுன்திறத்தனாய் ஒழிந்தேன் திருவாரூ ரம்மானே.

சொற்பிரிப்பு

பிறத்தலும் பிறந்தால் பிணிப்பட வாய்ந்து அசைந்து உ லம் புகுந்து நின்றுஇறக்கும் ஆறு உளதே இழித்தேன் பிறப்பினை நான்அறத்தையே புரிந்த மனத்தனாய் ஆர்வச் செற்றக் குரோதம் நீக்கி உன்திறத்தனாய் ஒழிந்தேன் திருஆரூர் அம்மானே.

உரை

மூலத்தில் தமிழ் உரை இல்லை.

9

முளைத்தவெண்பிறை மொய்சடையுடை யாயெப்போதுமென் னெஞ்சிடங்கொள்ளவளைத்துக் கொண்டிருந்தேன் வலிசெய்து போகலொட்டேன்அளைப்பிரிந்த அலவன்போய்ப்புகு தந்தகாலமுங் கண்டுதன்பெடைதிளைக்குந் தண்கழனித் திருவாரூ ரம்மானே.

சொற்பிரிப்பு

முளைத்த வெண்பிறை மொய்சடை உடையாய் எப்போதும் என் நெஞ்சு இடம் கொள்ளவளைத்துக் கொண்டிருந்தேன் வலி செய்து போகல் ஒட்டேன்அளைப்பிரிந்த அலவன் போய்ப் புகுது அந்தக் காலமும் கண்டு தன் பெடைதிளைக்கும் தண்கழனித் திருஆரூர் அம்மானே.

உரை

மூலத்தில் தமிழ் உரை இல்லை.

10

நாடினார்கம லம்மலரய னோடிரணியன் ஆகங்கீண்டவன்நாடிக் காணமாட்டாத் தழலாய நம்பானைப்பாடுவார்பணி வார்பல்லாண்டிசை கூறுபத்தர்கள் சித்தத்துள்புக்குத்தேடிக் கண்டுகொண்டேன் திருவாரூ ரம்மானே.

சொற்பிரிப்பு

நாடினார் கமலம் மலர் அயனோடு இரணியன் ஆகம் கீண்டவன்நாடிக் காணமாட்டாத் தழல் ஆய நம்பானைப்பாடுவார் பணிவார்பல்லாண்டு இசை கூறு பத்தர்கள் சித்தத்துள் புக்குத்தேடிக் கண்டுகொண்டேன் திருஆரூர் அம்மானே.

உரை

மூலத்தில் தமிழ் உரை இல்லை.