திருவையாறு

அருளியவர்: திருநாவுக்கரசர்
பண்: பழந்தக்கராகம்
தலம்: ஐயாறு
நாடு: சோழநாடு காவிரி வடகரை

1

விடகிலேன் அடிநாயேன் வேண்டியக்கால் யாதொன்றும்இடகிலேன் அமணர்கள்தம் அறவுறைகேட் டலமலந்தேன்தொடர்கின்றேன் உன்னுடைய தூமலர்ச்சே வடிகாண்பான்அடைகின்றேன் ஐயாறர்க் காளாய்நான் உய்ந்தேனே.

சொற்பிரிப்பு

விடகிலேன் அடி நாயேன் வேண்டியக்கால் யாதொன்றும்இடகிலேன் அமணர்கள் தம் அறவுறை கேட்டு அலமந்தேன்தொடர்கின்றேன் உன்னுடைய தூமலர்ச் சேவடி காண்பான்அடைகின்றேன் ஐயாறர்க்கு ஆள் ஆய் நான் உய்ந்தேனே.

உரை

மூலத்தில் தமிழ் உரை இல்லை.

2

செம்பவளத் திருவுருவர் திகழ்சோதி குழைக்காதர்கொம்பமருங் கொடிமருங்குற் கோல்வளையா ளொருபாகர்வம்பவிழும் மலர்க்கொன்றை வளர்சடைமேல் வைத்துகந்தஅம்பவள ஐயாறர்க் காளாய்நான் உய்ந்தேனே.

சொற்பிரிப்பு

செம்பவளத் திரு உருவர் திகழ் சோதி குழைக் காதர்கொம்பு அமரும் கொடி மருங்குல் கோல் வளையாள் ஒரு பாகர்வம்பு அவிழும் மலர்க் கொன்றை வளர் சடைமேல் வைத்து உகந்தஅம் பவள ஐயாறர்க்கு ஆள் ஆய் நான் உய்ந்தேனே.

உரை

மூலத்தில் தமிழ் உரை இல்லை.

3

நணியானே சேயானே நம்பானே செம்பொன்னின்துணியானே தோலானே சுண்ணவெண் ணீற்றானேமணியானே வானவர்க்கு மருந்தாகிப் பிணிதீர்க்கும்அணியானே ஐயாறர்க் காளாய்நான் உய்ந்தேனே.

சொற்பிரிப்பு

நணியானே சேயானே நம்பானே செம்பொன்னின்துணியானே தோலானே சுண்ண வெண் நீற்றானேமணியானே வானவர்க்கு மருந்து ஆகிப் பிணி தீர்க்கும்அணியானே ஐயாறர்க்கு ஆள் ஆய் நான் உய்ந்தேனே.

உரை

மூலத்தில் தமிழ் உரை இல்லை.

4

ஊழித்தீ யாய்நின்றாய் உள்குவார் உள்ளத்தாய்வாழித்தீ யாய்நின்றாய் வாழ்த்துவார் வாயானேபாழித்தீ யாய்நின்றாய் படர்சடைமேற் பனிமதியம்ஆழித்தீ ஐயாறார்க் காளாய்நான் உய்ந்தேனே.

சொற்பிரிப்பு

ஊழித் தீயாய் நின்றாய் உள்குவார் உள்ளத்தாய்வாழித் தீயாய் நின்றாய் வாழ்த்துவார் வாயானேபாழித் தீயாய் நின்றாய் படர்சடைமேல் பனி மதியம்ஆழித் தீ ஐயாறர்க்கு ஆள் ஆய் நான் உய்ந்தேனே.

உரை

மூலத்தில் தமிழ் உரை இல்லை.

5

சடையானே சடையிடையே தவழுந்தண் மதியானேவிடையானே விடையேறிப் புரமெரித்த வித்தகனேஉடையானே உடைதலைகொண் டூரூருண் பலிக்குழலும்அடையானே ஐயாறர்க் காளாய்நான் உய்ந்தேனே.

சொற்பிரிப்பு

சடையானே சடை இடையே தவழும் தண் மதியானேவிடையானே விடை ஏறிப் புரம் எரித்த வித்தகனேஉடையானே உடைதலை கொண்டு ஊர்ஊர் உண் பலிக்கு உழலும்அடையானே ஐயாறர்க்கு ஆள் ஆய் நான் உய்ந்தேனே.

உரை

மூலத்தில் தமிழ் உரை இல்லை.

6

நீரானே தீயானே நெதியானே கதியானேஊரானே உலகானே உடலானே உயிரானேபேரானே பிறைசூடீ பிணிதீர்க்கும் பெருமானென்றாராத ஐயாறர்க் காளாய்நான் உய்ந்தேனே.

சொற்பிரிப்பு

நீரானே தீயானே நெதியானே கதியானேஊரானே உலகானே உடலானே உயிரானேபேரானே பிறைசூடீ பிணி தீர்க்கும் பெருமான் என்றுஆராத ஐயாறர்க்கு ஆள் ஆய் நான் உய்ந்தேனே.

உரை

மூலத்தில் தமிழ் உரை இல்லை.

7

கண்ணானாய் மணியானாய் கருத்தானாய் *அருத்தானாய்எண்ணானாய் எழுத்தானாய் எழுத்தினுக்கோர் இயல்பானாய்விண்ணானாய் விண்ணிடையே புரமெரித்த வேதியனேஅண்ணான ஐயாறர்க் காளாய்நான் உய்ந்தேனே.* அருத்தனாயென்பதற்கு - உண்ணப்படும் பொருள்களாயினஎனப் பொருள்படுகின்றது.

சொற்பிரிப்பு

கண் ஆனாய் மணி ஆனாய் கருத்து ஆனாய் அருத்து ஆனாய்எண் ஆனாய் எழுத்து ஆனாய் எழுத்தினுக்கு ஓர் இயல்பு ஆனாய்விண் ஆனாய் விண் இடையே புரம் எரித்த வேதியனேஅண் ஆன ஐயாறர்க்கு ஆள் ஆய் நான் உய்ந்தேனே.

உரை

மூலத்தில் தமிழ் உரை இல்லை.

8

மின்னானாய் உருமானாய் வேதத்தின் பொருளானாய்பொன்னானாய் மணியானாய் பொருகடல்வாய் முத்தானாய்நின்னானார் இருவர்க்குங் காண்பரிய நிமிர்சோதிஅன்னானே ஐயாறர்க் காளாய்நான் உய்ந்தேனே.

சொற்பிரிப்பு

மின் ஆனாய் உரும் ஆனாய் வேதத்தின் பொருள் ஆனாய்பொன் ஆனாய் மணி ஆனாய் பொருகடல்வாய் முத்து ஆனாய்நின் ஆனார் இருவர்க்கும் காண்பு அரிய நிமிர்சோதிஅன்னானே ஐயாறர்க்கு ஆள் ஆய் நான் உய்ந்தேனே.

உரை

மூலத்தில் தமிழ் உரை இல்லை.

9

முத்திசையும் புனற்பொன்னி மொய்பவளங் கொழித்துந்தப்பத்தர்பலர் நீர்மூழ்கிப் பலகாலும் பணிந்தேத்தஎத்திசையும் வானவர்கள் எம்பெருமா னெனஇறைஞ்சும்அத்திசையாம் ஐயாறர்க் காளாய்நான் உய்ந்தேனே.

சொற்பிரிப்பு

முத்து இசையும் புனல் பொன்னி மொய்பவளம் கொழித்து உந்தப்பத்தர் பலர் நீர் மூழ்கிப் பலகாலும் பணிந்து ஏத்த,எத்திசையும் வானவர்கள் எம் பெருமான் என இறைஞ்சும்அத்திசை ஆம் ஐயாறர்க்கு ஆள் ஆய் நான் உய்ந்தேனே.

உரை

மூலத்தில் தமிழ் உரை இல்லை.

10

கருவரைசூழ் கடலிலங்கைக் கோமானைக் கருத்தழியத்திருவிரலால் உதகரணஞ் செய்துகந்த சிவமூர்த்திபெருவரைசூழ் வையகத்தார் பேர்நந்தி என்றேத்தும்அருவரைசூழ் ஐயாறர்க் காளாய்நான் உய்ந்தேனே.

சொற்பிரிப்பு

கருவரை சூழ் கடல் இலங்கைக் கோமானைக் கருத்து அழியத்திருவிரலால் உதகரணம் செய்து உகந்த சிவமூர்த்தி,பெருவரை சூழ் வையகத்தார் பேர் நந்தி என்று ஏத்தும்அருவரை சூழ் ஐயாறர்க்கு ஆள் ஆய் நான் உய்ந்தேனே.

உரை

மூலத்தில் தமிழ் உரை இல்லை.