திருக்கயிலாயம்

அருளியவர்: திருஞானசம்பந்தர்
பண்: சாதாரி
தலம்: கயிலாயம் (நொடித்தான்மலை)
நாடு: வடநாடு

1

வாளவரி கோளபுலி கீளதுரி தாளின்மிசை நாளுமகிழ்வர்ஆளுமவர் வேளநகர் போளயில கோளகளி றாளிவரவில்தோளமரர் தாளமதர் கூளியெழ மீளிமிளிர் தூளிவளர்பொன்காளமுகில் மூளுமிருள் கீளவிரி தாளகயி லாயமலையே.

சொற்பிரிப்பு

வாள வரி கோள புலி கீள் அது உரி தாளின் மிசை நாளும் மகிழ்வர்ஆளுமவர் வேள் அநகர், போள் அயில கோள களிறு ஆளி, வர இல்தோள் அமரர் தாளம், மதர் கூளி, எழ மீளி, மிளிர் தூளி, வளர் பொன்காளமுகில் மூளும் இருள் கீள, விரி தாள கயிலாயமலையே.

உரை

மூலத்தில் தமிழ் உரை இல்லை.

2

புற்றரவு பற்றியகை நெற்றியது மற்றொருகண் ஒற்றைவிடையன்செற்றதெயில் உற்றதுமை யற்றவர்கள் நற்றுணைவன் உற்றநகர்தான்சுற்றுமணி பெற்றதொளி செற்றமொடு குற்றமில தெற்றெனவினாய்கற்றவர்கள் சொற்றொகையின் முற்றுமொளி பெற்றகயி லாயமலையே.

சொற்பிரிப்பு

புற்று அரவு பற்றிய கை, நெற்றியது மற்று ஒரு கண், ஒற்றை விடையன்,செற்றது எயில், உற்றது உமை, அற்றவர்கள் நல்—துணைவன், உற்ற நகர்தான்-“சுற்றும் மணி பெற்றது ஒளி; செற்றமொடு குற்றம் இலது;எற்று?” என வினாய்,கற்றவர்கள் சொல்தொகையின் முற்றும் ஒளி பெற்ற கயிலாயமலையே.

உரை

மூலத்தில் தமிழ் உரை இல்லை.

3

சிங்கவரை மங்கையர்கள் தங்களன செங்கைநிறை கொங்குமலர்தூய்எங்கள்வினை சங்கையவை இங்ககல வங்கமொழி யெங்குமுளவாய்த்திங்களிருள் நொங்கவொளி விங்கிமிளிர் தொங்கலொடு தங்கவயலேகங்கையொடு பொங்குசடை யெங்களிறை தங்குகயி லாயமலையே.

சொற்பிரிப்பு

சிங்க அரை மங்கையர்கள் தங்களன செங்கை நிறை கொங்குமலர் தூய்,“எங்கள் வினை, சங்கை அவை, இங்கு அகல!” அங்கம் மொழி எங்கும் உள ஆய்,திங்கள் இருள் நொங்க, ஒளி விங்கி, மிளிர் தொங்கலொடு தங்க, அயலேகங்கையொடு பொங்கு சடை எங்கள் இறை தங்கு கயிலாயமலையே.

உரை

மூலத்தில் தமிழ் உரை இல்லை.

4

முடியசடை பிடியதொரு வடியமழு வுடையர்செடி யுடையதலையில்வெடியவினை கொடியர்கெட விடுசில்பலி நொடியமகிழ் அடிகளிடமாங்கொடியகுர லுடையவிடை கடியதுடி யடியினொடு மிடியினதிரக்கடியகுரல் நெடியமுகில் மடியவத ரடிகொள்கயி லாயமலையே.

சொற்பிரிப்பு

முடிய சடை, பிடியது ஒரு வடிய மழு உடையர், செடி உடைய தலையில்வெடிய வினை கொடியர் கெட, இடு சில்பலி நொடிய மகிழ் அடிகள் இடம் ஆம்கொடிய குரல் உடைய விடை கடிய துடியடி யினொடும் இடியின் அதிர,கடிய குரல் நெடிய முகில் மடிய, அதர் அடி கொள்கயிலாயமலையே.

உரை

மூலத்தில் தமிழ் உரை இல்லை.

5

குடங்கையி னுடங்கெரி தொடர்ந்தெழ விடங்கிளர் படங்கொளரவம்மடங்கொளி படர்ந்திட நடந்தரு விடங்கன திடந்தண்முகில்போய்த்தடங்கடல் தொடர்ந்துட னுடங்குவ விடங்கொள மிடைந்தகுரலாற்கடுங்கலின் முடங்களை நுடங்கர வொடுங்குகயி லாயமலையே.

சொற்பிரிப்பு

குடங்கையின் நுடங்கு எரி தொடர்ந்து எழ, விடம் கிளர் படம் கொள் அரவம்மடங்கு ஒளி படர்ந்திட, நடம் தரு விடங்கனது இடம் தண்முகில் போய்த்தடங்கடல் தொடர்ந்து, உடன் நுடங்குவ இடம் கொள மிடைந்த குரலால்,கடுங் கலின் முடங்கு அளை நுடங்கு அரவு ஒடுங்கு கயிலாயமலையே.

உரை

மூலத்தில் தமிழ் உரை இல்லை.

6

ஏதமில பூதமொடு கோதைதுணை யாதிமுதல் வேதவிகிர்தன்கீதமொடு நீதிபல வோதிமற வாதுபயில் நாதன்நகர்தான்தாதுபொதி போதுவிட வூதுசிறை மீதுதுளி கூதல்நலியக்காதன்மிகு சோதிகிளர் மாதுபயில் கோதுகயி லாயமலையே.

சொற்பிரிப்பு

ஏதம் இல பூதமொடு, கோதை துணை ஆதி முதல், வேத விகிர்தன்,கீதமொடு நீதிபல ஓதி மற வாது பயில் நாதன், நகர்தான்-தாது பொதி போது விட, ஊது சிறை மீது துளி கூதல் நலிய,காதல் மிகு சோதி கிளர் மாது மயில் கோது கயிலாயமலையே.

உரை

மூலத்தில் தமிழ் உரை இல்லை.

7

சென்றுபல வென்றுலவு புன்றலையர் துன்றலொடும் ஒன்றியுடனேநின்றமரர் என்றுமிறை வன்றனடி சென்றுபணி கின்றநகர்தான்துன்றுமலர் பொன்றிகழ்செய் கொன்றைவிரை தென்றலொடு சென்றுகமழக்கன்றுபிடி துன்றுகளி றென்றிவைமுன் நின்றகயி லாயமலையே.

சொற்பிரிப்பு

சென்று பல வென்று உலவு புன்தலையர் துன்றலொடும் ஒன்றி, உடனே-நின்று, அமரர் என்றும் இறைவன் தன் அடி சென்று பணிகின்ற நகர்தான்-துன்று மலர் பொன்திகழ் செய் கொன்றை விரை தென்றலொடு சென்று கமழ,கன்று, பிடி, துன்று களிறு, என்று இவை முன் நின்ற கயிலாயமலையே.

உரை

மூலத்தில் தமிழ் உரை இல்லை.

8

மருப்பிடை நெருப்பெழு தருக்கொடு செருச்செய்த பருத்தகளிறின்பொருப்பிடை விருப்புற விருக்கையை யொருக்குடன் அரக்கனுணராதொருத்தியை வெருக்குற வெருட்டலும் நெருக்கென நிருத்தவிரலாற்கருத்தில வொருத்தனை யெருத்திற நெரித்தகயி லாயமலையே.

சொற்பிரிப்பு

மருப்பு இடை நெருப்பு எழு தருக்கொடு செருச் செய்த பருத்த களிறின்பொருப்பு இடை விருப்பு உற இருக்கையை ஒருக்கு உடன் அரக்கன் உணராது,ஒருத்தியை வெருக்கு உற வெருட்டலும், நெருக்கு என நிருத்த விரலால்,கருத்து இல ஒருத்தனை எருத்து இற நெரித்த கயிலாய மலையே.

உரை

மூலத்தில் தமிழ் உரை இல்லை.

9

பரியதிரை பெரியபுனல் வரியபுலி யுரியதுடை பரிசையுடையான்வரியவளை யரியகணி யுருவினொடு புரிவினவர் பிரிவில்நகர்தான்பெரியஎரி யுருவமது தெரியவுரு பரிவுதரும் அருமையதனாற்கரியவனும் அரியமறை புரியவனும் மருவுகயி லாயமலையே.

சொற்பிரிப்பு

பரிய திரை பெரிய புனல், வரிய புலி உரி அது உடை, பரிசை உடையன்,வரிய வளை அரிய கணி உருவினொடு புரிவினவர், பிரிவு இல் நகர்தான்-பெரிய எரி உருவம் அது தெரிய, உரு பரிவு தரும் அருமை அதனால்,கரியவனும், அரிய மறை புரியவனும், மருவு கயிலாயமலையே.

உரை

மூலத்தில் தமிழ் உரை இல்லை.

10

அண்டர்தொழு சண்டிபணி கண்டடிமை கொண்டவிறை துண்டமதியோடிண்டைபுனை வுண்டசடை முண்டதர சண்டவிருள் கண்டரிடமாங்குண்டமண வண்டரவர் மண்டைகையில் உண்டுளறி மிண்டுசமயங்கண்டவர்கள் கொண்டவர்கள் பண்டுமறி யாதகயி லாயமலையே.

சொற்பிரிப்பு

அண்டர் தொழு சண்டி பணி கண்டு அடிமை கொண்ட இறை,துண்ட மதியோடுஇண்டை புனைவுண்ட சடை முண்டதர சண்ட இருள்கண்டர் இடம் ஆம்குண்டு அமண வண்டர் அவர், மண்டை கையில் உண்டுஉளறி மிண்டு சமயம்கண்டவர்கள் கொண்டவர்கள், பண்டும் அறி யாத கயிலாயமலையே.

உரை

மூலத்தில் தமிழ் உரை இல்லை.

11

அந்தண்வரை வந்தபுனல் தந்ததிரை சந்தனமொ டுந்தியகிலுங்கந்தமலர் கொந்தினொடு மந்திபல சிந்துகயி லாயமலைமேல்எந்தையடி வந்தணுகு சந்தமொடு செந்தமிழ் இசைந்தபுகலிப்பந்தனுரை சிந்தைசெய வந்தவினை நைந்துபர லோகமெளிதே.

சொற்பிரிப்பு

அம் தண் வரை வந்த புனல் தந்த திரை சந்தனமொடு உந்தி, அகிலும்கந்தமலர் கொந்தினொடு மந்திபல சிந்து கயிலாயமலைமேல்,எந்தை அடி வந்து அணுகு சந்தமொடு செந்தமிழ் இசைந்த புகலிப்பந்தன் உரை சிந்தை செய, வந்த வினை நைந்து, பரலோகம் எளிதே.

உரை

மூலத்தில் தமிழ் உரை இல்லை.