திருப்பெருவேளூர்

அருளியவர்: திருஞானசம்பந்தர்
பண்: பஞ்சமம்
தலம்: பெருவேளூர்
நாடு: சோழநாடு காவிரித் தென்கரை

1

அண்ணாவுங் கழுக்குன்றும் ஆயமலையவை வாழ்வார்விண்ணோரும் மண்ணோரும் வியந்தேத்த அருள்செய்வார்கண்ணாவார் உலகுக்குக் கருத்தானார் புரமெரித்தபெண்ஆணாம் பெருமானார் பெருவேளூர் பிரியாரே.

சொற்பிரிப்பு

அண்ணாவும் கழுக்குன்றும் ஆய மலை அவை வாழ்வார்விண்ணோரும் மண்ணோரும் வியந்து ஏத்த அருள் செய்வார்கண் ஆவார், உலகுக்குக் கருத்து ஆனார், புரம் எரித்தபெண் ஆண் ஆம் பெருமானார் பெருவேளூர் பிரியாரே.

உரை

மூலத்தில் தமிழ் உரை இல்லை.

2

கருமானின் உரியுடையர் கரிகாடர் இமவானார்மருமானார் இவரென்றும் மடவாளோ டுடனாவர்பொருமான விடையூர்வ துடையார்வெண் பொடிப்பூசும்பெருமானார் பிஞ்ஞகனார் பெருவேளூர் பிரியாரே.

சொற்பிரிப்பு

கருமானின் உரி உடையர், கரிகாடர், இமவானார்மருமானார், இவர் என்றும் மடவாளோடு உடன் ஆவர்,பொரு மான விடை ஊர்வது உடையார், வெண்பொடிப் பூசும்பெருமானார், பிஞ்ஞகனார் பெருவேளூர் பிரியாரே.

உரை

மூலத்தில் தமிழ் உரை இல்லை.

3

குணக்குந்தென் திசைக்கண்ணுங் குடபாலும் வடபாலுங்கணக்கென்ன அருள்செய்வார் கழிந்தோர்க்கு மொழிந்தோர்க்கும்வணக்கஞ்செய் மனத்தராய் வணங்காதார் தமக்கென்றும்பிணக்கஞ்செய் பெருமானார் பெருவேளூர் பிரியாரே.

சொற்பிரிப்பு

குணக்கும் தென் திசைக்கண்ணும் குடபாலும் வடபாலும்கணக்கு என்ன அருள் செய்வார், கழிந்தோர்க்கும் ஒழிந்தோர்க்கும்;வணக்கம் செய் மனத்தாராய் வணங்காதார் தமக்கு என்றும்பிணக்கம் செய் பெருமானார் பெருவேளூர் பிரியாரே.

உரை

மூலத்தில் தமிழ் உரை இல்லை.

4

இறைக்கொண்ட வளையாளோ டிருகூறா யொருகூறுமறைக்கண்டத் திறைநாவர் மதிலெய்த சிலைவலவர்கறைக்கொண்ட மிடறுடையார் கனல்கிளருஞ் சடைமுடிமேல்பிறைக்கொண்ட பெருமானார் பெருவேளூர் பிரியாரே.

சொற்பிரிப்பு

இறைக் கண்ட வளையாளோடு இரு கூறு ஆய் ஒருகூறுமறைக் கண்டத்து இறை நாவர், மதில் எய்த சிலை வலவர்,கறைக் கொண்ட மிடறு உடையர், கனல் கிளரும் சடைமுடிமேல்பிறைக் கொண்ட பெருமானார் பெருவேளூர் பிரியாரே.

உரை

மூலத்தில் தமிழ் உரை இல்லை.

5

விழையாதார் விழைவார்போல் விகிர்தங்கள் பலபேசிக்குழையாதார் குழைவார்போற் குணநல்ல பலகூறிஅழையாவும் அரற்றாவும் அடிவீழ்வார் தமக்கென்றும்பிழையாத பெருமானார் பெருவேளூர் பிரியாரே.

சொற்பிரிப்பு

விழையாதார், விழைவார் போல் விகிர்தங்கள் பல பேசி;குழையாதார், குழைவார் போல் குணம் நல்ல பல கூறி;அழையாவும் அரற்றாவும் அடி வீழ்வார் தமக்கு என்றும்பிழையாத பெருமானார் பெருவேளூர் பிரியாரே.

உரை

மூலத்தில் தமிழ் உரை இல்லை.

6

விரித்தார்நான் மறைப்பொருளை உமையஞ்ச விறல்வேழம்உரித்தாராம் உரிபோர்த்து மதில்மூன்றும் ஒருகணையால்எரித்தாராம் இமைப்பளவில் இமையோர்கள் தொழுதிறைஞ்சப்பெருத்தாரெம் பெருமானார் பெருவேளூர் பிரியாரே.

சொற்பிரிப்பு

விரித்தார், நால்மறைப் பொருளை; உமை அஞ்ச, விறல் வேழம்உரித்தார், ஆம் உரி போர்த்து; மதில் மூன்றும் ஒரு கணையால்எரித்தார் ஆம், இமைப்பு அளவில்; இமையோர்கள் தொழுது இறைஞ்சப்பெருத்தார்; எம்பெருமானார் பெருவேளூர் பிரியாரே.

உரை

மூலத்தில் தமிழ் உரை இல்லை.

7

மறப்பிலா அடிமைக்கண் மனம்வைப்பார் தமக்கெல்லாஞ்சிறப்பிலார் மதிலெய்த சிலைவல்லார் ஒருகணையால்இறப்பிலார் பிணியில்லார் தமக்கென்றுங் கேடிலார்பிறப்பிலாப் பெருமானார் பெருவேளூர் பிரியாரே.

சொற்பிரிப்பு

மறப்பு இலா அடிமைக்கண் மனம் வைப்பார்; தமக்கு எல்லாம்சிறப்பு இலார் மதில் எய்த சிலை வல்லார், ஒரு கணையால்;இறப்பு இலார்; பிணி இல்லார்; தமக்கு என்றும் கேடு இலார்பிறப்பு இலாப் பெருமானார் பெருவேளூர் பிரியாரே.

உரை

மூலத்தில் தமிழ் உரை இல்லை.

8

எரியார்வேற் கடற்றானை யிலங்கைக்கோன் தனைவீழமுரியார்ந்த தடந்தோள்கள் அடர்த்துகந்த முதலாளர்வரியார்வெஞ் சிலைபிடித்து மடவாளை யொருபாகம்பிரியாத பெருமானார் பெருவேளூர் பிரியாரே.

சொற்பிரிப்பு

எரி ஆர் வேல் கடல்—தானை இலங்கைக் கோன்தனை வீழ,முரி ஆர்ந்த தடந்தோள்கள் அடர்த்து, உகந்த முதலாளாவரி ஆர் வெஞ்சிலை பிடித்து, மடவாளை ஒரு பாகம்பிரியாத பெருமானார் பெருவேளூர் பிரியாரே.

உரை

மூலத்தில் தமிழ் உரை இல்லை.

9

சேணியலும் நெடுமாலுந் திசைமுகனுஞ் செருவெய்திக்காணியல்பை யறிவிலராய்க் கனல்வண்ணர் அடியிணைக்கீழ்நாணியவர் தொழுதேத்த நாணாமே யருள்செய்துபேணியஎம் பெருமானார் பெருவேளூர் பிரியாரே.

சொற்பிரிப்பு

சேண் இயலும் நெடுமாலும் திசைமுகனும் செரு எய்தி,காண் இயல்பை அறிவு இலராய், கனல் வண்ணர் அடி இணைக்கீழ்நாணி அவர் தொழுது ஏத்த, நாணாமே அருள் செய்துபேணிய எம்பெருமானார் பெருவேளூர் பிரியாரே.

உரை

மூலத்தில் தமிழ் உரை இல்லை.

10

புற்றேறி யுணங்குவார் புகையார்ந்த துகில்போர்ப்பார்சொற்றேற வேண்டாநீர் தொழுமின்கள் சுடர்வண்ணம்மற்றேரும் பரிமாவும் மதகளிரும் இவையொழியப்பெற்றேறும் பெருமானார் பெருவேளூர் பிரியாரே.

சொற்பிரிப்பு

புற்று ஏறி உணங்குவார், புகை ஆர்ந்த துகில் போர்ப்பார்சொல்—தேற வேண்டா, நீர்! தொழுமின்கள், சுடர் வண்ணம்!மல்—தேரும் பரிமாவும் மதகளிரும் இவை ஒழிய,பெற்றேறும் பெருமானார் பெருவேளூர் பிரியாரே.

உரை

மூலத்தில் தமிழ் உரை இல்லை.

11

பைம்பொன்சீர் மணிவாரிப் பலவுஞ்சேர் கனியுந்திஅம்பொன்செய் மடவரலார் அணிமல்கு பெருவேளூர்நம்பன்றன் கழல்பரவி நவில்கின்ற மறைஞானசம்பந்தன் தமிழ்வல்லார்க் கருவினைநோய் சாராவே.

சொற்பிரிப்பு

பைம் பொன் சீர் மணி வாரி பலவும் சேர் கனி உந்தி,அம் பொன் செய் மடவரலார் அணி மல்கு பெருவேளூர்நம்பன் தன் கழல் பரவி, நவில்கின்ற மறை ஞான-சம்பந்தன் தமிழ் வல்லார்க்கு, அருவினை நோய் சாராவே.

உரை

மூலத்தில் தமிழ் உரை இல்லை.