திருப்பிரமபுரம்

அருளியவர்: திருஞானசம்பந்தர்
பண்: பஞ்சமம்
தலம்: சீர்காழி - 01-பிரமபுரம்
நாடு: சோழநாடு காவிரி வடகரை

1

இறையவன் ஈசன்எந்தை இமையோர்தொழு தேத்தநின்றகறையணி கண்டன்வெண்தோ டணிகாதினன் காலத்தன்றுமறைமொழி வாய்மையினான் மலையாளொடு மன்னுசென்னிப்பிறையணி செஞ்சடையான் பிரமாபுரம் பேணுமினே.

சொற்பிரிப்பு

இறையவன், ஈசன், எந்தை, இமையோர் தொழுது ஏத்த நின்றகறை அணி கண்டன், வெண்தோடு அணி காதினன், காலத்து அன்றுமறை மொழி வாய்மையினான், மலையாளொடு மன்னு சென்னிப்பிறை அணி செஞ்சடையான், பிரமாபுரம் பேணுமினே!

உரை

மூலத்தில் தமிழ் உரை இல்லை.

2

சடையினன் சாமவேதன் சரிகோவண வன்மழுவாட்படையினன் பாய்புலித்தோ லுடையான்மறை பல்கலைநூல்உடையவன் ஊனமில்லி யுடனாயுமை நங்கையென்னும்பெடையொடும் பேணுமிடம் பிரமாபுரம் பேணுமினே.

சொற்பிரிப்பு

சடையினன், சாமவேதன், சரி கோவணவன், மழுவாளபடையினன், பாய் புலித்தோல் உடையான், மறை பல்கலை நூல்உடையவன், ஊனம் இ(ல்)லி, உடன் ஆய் உமை நங்கை என்னும்பெடையொடும் பேணும் இடம் பிரமாபுரம்; பேணுமினே!

உரை

மூலத்தில் தமிழ் உரை இல்லை.

3

மாணியை நாடுகாலன் உயிர்மாய்தரச் செற்றுக்காளிகாணிய ஆடல்கொண்டான் கலந்தூர்வழி சென்றுபிச்சைஊணியல் பாகக்கொண்டங் குடனேயுமை நங்கையொடும்பேணிய கோயில்மன்னும் பிரமாபுரம் பேணுமினே.

சொற்பிரிப்பு

மாணியை நாடு காலன் உயிர் மாய்தரச் செற்று, காளகாணிய ஆடல் கொண்டான், கலந்து ஊர்வழிச் சென்று,பிச்சைஊண் இயல்பு ஆகக் கொண்டு, அங்கு உடனே உமை நங்கையொடும்பேணிய கோயில் மன்னும் பிரமாபுரம்; பேணுமினே!

உரை

மூலத்தில் தமிழ் உரை இல்லை.

4

பாரிடம் விண்ணுமெங்கும் பயில்நஞ்சு பரந்துமிண்டப்பேரிடர்த் தேவர்கணம் பெருமானிது காவெனலும்ஓரிடத்தே கரந்தங் குமைநங்கையொ டும்முடனேபேரிட மாகக்கொண்ட பிரமாபுரம் பேணுமினே.

சொற்பிரிப்பு

பார் இடம் விண்ணும் எங்கும் பயில் நஞ்சு பரந்து மிண்ட,பேர் இடர்த் தேவர்கணம், “பெருமான், இது கா!” எனலும்,ஓர் இடத்தே கரந்து, அங்கு உமை நங்கையொடும்(ம்) உடனேபேர் இடம் ஆகக் கொண்ட பிரமாபுரம் பேணுமினே!

உரை

மூலத்தில் தமிழ் உரை இல்லை.

5

நச்சர வச்சடைமேல் நளிர்திங்களு மொன்றவைத்தங்கச்சமெ ழவிடைமேல் அழகார்மழு வேந்திநல்லஇச்சை பகர்ந்துமிக இடுமின்பலி யென்றுநாளும்பிச்சைகொள் அண்ணல்நண்ணும் பிரமாபுரம் பேணுமினே.

சொற்பிரிப்பு

நச்சு அரவச் சடைமேல் நளிர் திங்களும் ஒன்ற வைத்து, அங்குஅச்சம் எழ விடைமேல் அழகு ஆர் மழு ஏந்தி, நல்லஇச்சை பகர்ந்து, “மிக இடுமின், பலி!” என்று, நாளும்பிச்சை கொள் அண்ணல் நண்ணும் பிரமாபுரம் பேணுமினே!

உரை

மூலத்தில் தமிழ் உரை இல்லை.

6

பெற்றவன் முப்புரங்கள் பிழையாவண்ணம் வாளியினாற்செற்றவன் செஞ்சடையில் திகழ்கங்கைத னைத்தரித்திட்டொற்றை விடையினனாய் உமைநங்கையொ டும்முடனேபெற்றிமை யாலிருந்தான் பிரமாபுரம் பேணுமினே.

சொற்பிரிப்பு

பெற்றவன்; முப்புரங்கள் பிழையா வண்ணம் வாளியினால்செற்றவன்; செஞ்சடையில்— திகழ் கங்கைதனைத் தரித்திட்டு,ஒற்றை விடையினன் ஆய், உமை நங்கையொடும் உடனேபெற்றிமையால் இருந்தான்; பிரமாபுரம் பேணுமினே!

உரை

மூலத்தில் தமிழ் உரை இல்லை.

7

வேத மலிந்தஒலி விழவின்னொலி வீணையொலிகீத மலிந்துடனே கிளரத்திகழ் பௌவமறைஓத மலிந்துயர்வான் முகடேறவொண் மால்வரையான்பேதை யொடும்மிருந்தான் பிரமாபுரம் பேணுமினே.

சொற்பிரிப்பு

வேதம் மலிந்த ஒலி, விழவின்(ன்) ஒலி, வீணை ஒலி,கீதம் மலிந்து உடனே கிளர, திகழ் பௌவம் அறைஓதம் மலிந்து உயர் வான் முகடு ஏற, ஒண் மால்வரையான்பேதையொடும் இருந்தான் பிரமாபுரம் பேணுமினே!

உரை

மூலத்தில் தமிழ் உரை இல்லை.

8

இமையவர் அஞ்சியோட எதிர்வாரவர் தம்மையின்றிஅமைதரு வல்லரக்கன் அடர்த்தும்மலை அன்றெடுப்பக்குமையது செய்துபாடக் கொற்றவாளொடு நாள்கொடுத்திட்டுமையொ டிருந்தபிரான் பிரமாபுரம் உன்னுமினே.

சொற்பிரிப்பு

இமையவர் அஞ்சி ஓட, எதிர்வார் அவர்தம்மை இன்றிஅமைதரு வல் அரக்கன் அடர்த்து(ம்), மலை அன்று எடுப்ப,குமை அது செய்து, பாட, கொற்றவாளொடு நாள் கொடுத்திட்டுஉமையொடு இருந்த பிரான் பிரமாபுரம் உன்னுமினே!

உரை

மூலத்தில் தமிழ் உரை இல்லை.

9

ஞாலம் அளித்தவனும் அரியும்மடி யோடுமுடிகாலம் பலசெலவுங் கண்டிலாமையி னாற்கதறிஓல மிடஅருளி உமைநங்கையொ டும்முடனாய்ஏல இருந்தபிரான் பிரமாபுரம் ஏத்துமினே.

சொற்பிரிப்பு

ஞாலம் அளித்தவனும்(ம்) அரியும்(ம்), அடியோடு முடிகாலம்பல செலவும், கண்டிலாமையினால் கதறிஓலம் இட, அருளி, உமை நங்கையொடும்(ம்) உடன் ஆய்ஏல இருந்த பிரான் பிரமாபுரம் ஏத்துமினே!

உரை

மூலத்தில் தமிழ் உரை இல்லை.

10

துவருறும் ஆடையினார் தொக்கபீலியர் நக்கரையர்அவரவர் தன்மைகள்கண் டணுகேன்மின் னருள்பெறுவீர்கவருறு சிந்தையொன்றிக் கழிகாலமெல் லாம்படைத்தஇவரவர் என்றிறைஞ்சிப் பிரமாபுரம் ஏத்துமினே.

சொற்பிரிப்பு

துவர் உறும் ஆடையினார், தொக்க பீலியர் நக்க(அ)ரையர்அவர் அவர் தன்மைகள் கண்டு அணுகேன்மி(ன்), அருள் பெறுவீர்கவர் உறு சிந்தை ஒன்றி, கழி காலம் எல்லாம் படைத்தஇவர் அவர் என்று இறைஞ்சி, பிரமாபுரம் ஏத்துமினே!

உரை

மூலத்தில் தமிழ் உரை இல்லை.

11

உரைதரு நான்மறையோர் புகழ்ந்தேத்தவொண் மாதினொடும்வரையென வீற்றிருந்தான் மலிகின்ற பிரமபுரத்தரசினை யேத்தவல்ல அணிசம்பந்தன் பத்தும்வல்லார்விரைதரு விண்ணுலகம் எதிர்கொள்ள விரும்புவரே.

சொற்பிரிப்பு

உரை தரு நால்மறையோர் புகழ்ந்து ஏத்த, ஒண் மாதினொடும்வரை என வீற்றிருந்தான், மலிகின்ற பிரமபுரத்துஅரசினை ஏத்த வல்ல அணி சம்பந்தன் பத்தும் வல்லார்விரைதரு விண்ணுலகம் எதிர் கொள்ள விரும்புவரே.

உரை

மூலத்தில் தமிழ் உரை இல்லை.