திருவானைக்கா

அருளியவர்: திருஞானசம்பந்தர்
பண்: கௌசிகம்
தலம்: ஆனைக்கா
நாடு: சோழநாடு காவிரி வடகரை

1

வானைக்காவில் வெண்மதி மல்குபுல்கு வார்சடைத்தேனைக்காவில் இன்மொழித் தேவிபாக மாயினான்ஆனைக்காவில் அண்ணலை அபயமாக வாழ்பவர்ஏனைக்காவல் வேண்டுவார்க் கேதும்ஏதம் இல்லையே.

சொற்பிரிப்பு

வானைக் காவல் வெண்மதி மல்கு புல்கு வார்சடை,தேனைக் காவில் இன்மொழித் தேவி பாகம் ஆயினான்,ஆனைக்காவில் அண்ணலை, அபயம் ஆக வாழ்பவர்ஏனைக் காவல் வேண்டுவார் ஏதும் ஏதம் இல்லையே.

உரை

மூலத்தில் தமிழ் உரை இல்லை.

2

சேறுபட்ட தண்வயற் சென்றுசென்று சேணுலாவாறுபட்ட நுண்டுறை யானைக்காவில் அண்ணலார்நீறுபட்ட மேனியார் நிகரில்பாதம் ஏத்துவார்வேறுபட்ட சிந்தையார் விண்ணிலெண்ண வல்லரே.

சொற்பிரிப்பு

சேறு பட்ட தண்வயல் சென்றுசென்று, சேண் உலாவுஆறு பட்ட நுண் துறை ஆனைக்காவில் அண்ணலார்நீறு பட்ட மேனியார், நிகர் இல் பாதம் ஏத்துவார்வேறுபட்ட சிந்தையார்; விண்ணில் எண்ண வல்லரே.

உரை

மூலத்தில் தமிழ் உரை இல்லை.

3

தாரமாய மாதராள் தானொர்பாக மாயினான்ஈரமாய புன்சடை யேற்றதிங்கள் சூடினான்ஆரமாய மார்புடை யானைக்காவில் அண்ணலைவாரமாய் வணங்குவார் வல்வினைகள் மாயுமே.

சொற்பிரிப்பு

தாரம் ஆய மாதராள் தான் ஒர்பாகம் ஆயினான்,ஈரம் ஆய புன்சடை ஏற்ற திங்கள் சூடினான்,ஆரம் ஆய மார்பு உடை ஆனைக்காவில் அண்ணலை,வாரம் ஆய் வணங்குவார் வல்வினைகள் மாயுமே.

உரை

மூலத்தில் தமிழ் உரை இல்லை.

4

விண்ணினண்ணு புல்கிய வீரமாய மால்விடைச்சுண்ணவெண்ணீ றாடினான் சூலமேந்து கையினான்அண்ணல்கண்ணொர் மூன்றினான் ஆனைக்காவு கைதொழஎண்ணும்வண்ணம் வல்லவர்க் கேதமொன்றும் இல்லையே.

சொற்பிரிப்பு

விண்ணில் நண்ணு புல்கிய வீரம் ஆய மால்விடை,சுண்ணவெண் நீறு ஆடினான்; சூலம் ஏந்து கையினான்;அண்ணல் கண் ஓர் மூன்றினான்; ஆனைக்காவு கைதொழஎண்ணும் வண்ணம் வல்லவர்க்கு ஏதம் ஒன்றும் இல்லையே.

உரை

மூலத்தில் தமிழ் உரை இல்லை.

5

வெய்யபாவங் கைவிட வேண்டுவீர்கள் ஆண்டசீர்மைகொள்கண்டன் வெய்யதீ மாலையாடு காதலான்கொய்யவிண்ட நாண்மலர்க் கொன்றைதுன்று சென்னியெம்ஐயன்மேய பொய்கைசூழ் ஆனைக்காவு சேர்மினே.

சொற்பிரிப்பு

வெய்ய பாவம் கைவிட வேண்டுவீர்கள்! ஆண்ட சீர்மை கொள் கண்டன், வெய்ய தீ மாலை ஆடு காதலான்,கொய்ய விண்ட நாள்மலர்க் கொன்றை துன்று சென்னி எம்ஐயன், மேய பொய்கை சூழ் ஆனைக்காவு சேர்மினே!

உரை

மூலத்தில் தமிழ் உரை இல்லை.

6

நாணுமோர்வு சார்வுமுன் நகையுமுட்கு நன்மையும்பேணுறாத செல்வமும் பேசநின்ற பெற்றியான்ஆணும்பெண்ணு மாகிய ஆனைக்காவில் அண்ணலார்காணுங்கண்ணு மூன்றுடைக் கறைகொள்மிடறன் அல்லனே.

சொற்பிரிப்பு

நாணும் ஓர்வு, சார்வும், முன் நகையும், உட்கும், நன்மையும்,பேண் உறாத செல்வமும், பேச நின்ற பெற்றியான்-ஆணும் பெண்ணும் ஆகிய ஆனைக்காவில் அண்ணலார்காணும் கண்ணு மூன்று உடைக் கறை கொள் மிடறன்அல்லனே!

உரை

மூலத்தில் தமிழ் உரை இல்லை.

7

கூருமாலை நண்பகற் கூடிவல்ல தொண்டர்கள்பேருமூருஞ் செல்வமும் பேசநின்ற பெற்றியான்பாரும்விண்ணுங் கைதொழப் பாயுங்கங்கை செஞ்சடைஆரநீரோ டேந்தினான் ஆனைக்காவு சேர்மினே.

சொற்பிரிப்பு

கூரும் மாலை, நண்பகல், கூடி வல்ல தொண்டர்கள்பேரும் ஊரும் செல்வமும் பேச நின்ற பெற்றியான்;பாரும் விண்ணும் கைதொழ, பாயும் கங்கை செஞ்சடைஆரம் நீரொடு ஏந்தினான்; ஆனைக்காவு சேர்மினே!

உரை

மூலத்தில் தமிழ் உரை இல்லை.

8

பொன்னமல்கு தாமரைப் போதுதாது வண்டினம்அன்னமல்கு தண்டுறை ஆனைக்காவில் அண்ணலைப்பன்னவல்ல நான்மறை பாடவல்ல தன்மையோர்முன்னவல்லர் மொய்கழல் துன்னவல்லர் விண்ணையே.

சொற்பிரிப்பு

பொன் அம் மல்கு தாமரைப் போது தாது வண்டு இனம்அன்னம் மல்கு தண்துறை ஆனைக்காவில் அண்ணலைப்பன்ன வல்ல, நால்மறை பாட வல்ல, தன்மையோர்முன்ன வல்லர், மொய்கழல்; துன்ன வல்லர், விண்ணையே.

உரை

மூலத்தில் தமிழ் உரை இல்லை.

9

ஊனொடுண்டல் நன்றென வூனொடுண்டல் தீதெனஆனதொண்டர் அன்பினாற் பேசநின்ற தன்மையான்வானொடொன்று சூடினான் வாய்மையாக மன்னிநின்றானொடஞ்சும் ஆடினான் ஆனைக்காவு சேர்மினே.

சொற்பிரிப்பு

ஊனொடு உண்டல் நன்று என, ஊனொடு உண்டல் தீது என,ஆன தொண்டர் அன்பினால் பேச நின்ற தன்மையான்;வானொடு ஒன்று சூடினான்; வாய்மை ஆக மன்னி நின்றுஆனொடு அஞ்சும் ஆடினான்; ஆனைக்காவு சேர்மினே!

உரை

மூலத்தில் தமிழ் உரை இல்லை.

10

கையிலுண்ணுங் கையருங் கடுக்கடின் கழுக்களும்மெய்யைப்போர்க்கும் பொய்யரும் வேதநெறியை யறிகிலார்தையல்பாக மாயினான் தழலதுருவத் தானெங்கள்ஐயன்மேய பொய்கைசூழ் ஆனைக்காவு சேர்மினே.

சொற்பிரிப்பு

கையில் உண்ணும் கையரும் கடுக்கள் தின் கழுக்களும்,மெய்யைப் போர்க்கும் பொய்யரும், வேதநெறியை அறிகிலார்தையல் பாகம் ஆயினான், தழல் அது உருவத்தான், எங்கள்ஐயன், மேய பொய்கை சூழ் ஆனைக்காவு சேர்மினே!

உரை

மூலத்தில் தமிழ் உரை இல்லை.

11

ஊழியூழி வையகத் துயிர்கள்தோற்று வானொடும்ஆழியானுங் காண்கிலா ஆனைக்காவில் அண்ணலைக்காழிஞான சம்பந்தன் கருதிச்சொன்ன பத்திவைவாழியாகக் கற்பவர் வல்வினைகள் மாயுமே.

சொற்பிரிப்பு

ஊழி ஊழி வையகத்து உயிர்கள் தோற்றுவானொடும்,ஆழியானும், காண்கிலா ஆனைக்காவில் அண்ணலை,காழி ஞானசம்பந்தன் கருதிச் சொன்ன பத்து இவைவாழி ஆகக் கற்பவர் வல்வினைகள் மாயுமே.

உரை

மூலத்தில் தமிழ் உரை இல்லை.