திருச்சிற்றேமம்

அருளியவர்: திருஞானசம்பந்தர்
பண்: கொல்லிக்கௌவாணம்
தலம்: சிற்றேமம்
நாடு: சோழநாடு காவிரித் தென்கரை

1

நிறைவெண்டிங்கள் வாண்முக மாதர்பாட நீள்சடைக்குறைவெண்டிங்கள் சூடியோர் ஆடல்மேய கொள்கையான்சிறைவண்டியாழ்செய் பைம்பொழிற் பழனஞ்சூழ்சிற் றேமத்தான்இறைவனென்றே யுலகெலாம் ஏத்தநின்ற பெருமானே.

சொற்பிரிப்பு

நிறை வெண் திங்கள் வாள்முக மாதர் பாட, நீள்சடைக்குறை வெண் திங்கள் சூடி, ஓர் ஆடல் மேய கொள்கையான்-சிறைவண்டு யாழ்செய் பைம்பொழில் பழனம் சூழ் சிற்றேமத்தான்;“இறைவன்!” என்றே உலகு எலாம் ஏத்த நின்ற பெருமானே.

உரை

மூலத்தில் தமிழ் உரை இல்லை.

2

மாகத்திங்கள் வாண்முக மாதர்பாட வார்சடைப்பாகத்திங்கள் சூடியோ ராடல்மேய பண்டங்கன்மேகத்தாடு சோலைசூழ் மிடைசிற்றேமம் மேவினான்ஆகத்தோர்கொள் ஆமையைப் பூண்டஅண்ணல் அல்லனே.

சொற்பிரிப்பு

மாகத்திங்கள் வாள்முக மாதர் பாட, வார்சடைப்பாகத்திங்கள் சூடி, ஓர் ஆடல் மேய பண்டங்கன்-மேகத்து ஆடு சோலை சூழ் மிடை சிற்றேமம் மேவினான்;ஆகத்து ஏர் கொள் ஆமையைப் பூண்ட அண்ணல்அல்லனே!

உரை

மூலத்தில் தமிழ் உரை இல்லை.

3

நெடுவெண்டிங்கள் வாண்முக மாதர்பாட நீள்சடைக்கொடுவெண்டிங்கள் சூடியோ ராடல்மேய கொள்கையான்படுவண்டியாழ்செய் பைம்பொழிற் பழனஞ்சூழ்சிற் றேமத்தான்கடுவெங்கூற்றைக் காலினாற் காய்ந்தகடவுள் அல்லனே.

சொற்பிரிப்பு

நெடு வெண் திங்கள் வாள் முக மாதர் பாட, நீள் சடைக்கொடு வெண்திங்கள் சூடி, ஓர் ஆடல் மேய கொள்கையான்-படு வண்டு யாழ்செய் பைம்பொழில் பழனம் சூழ் சிற்றேமத்தான்;கடுவெங்கூற்றைக் காலினால் காய்ந்த கடவுள் அல்லனே!

உரை

மூலத்தில் தமிழ் உரை இல்லை.

4

கதிரார்திங்கள் வாண்முக மாதர்பாடக் கண்ணுதல்முதிரார்திங்கள் சூடியோ ராடல்மேய முக்கணன்எதிரார்புனலம் புன்சடை யெழிலாருஞ்சிற் றேமத்தான்அதிரார்பைங்கண் ஏறுடை யாதிமூர்த்தி யல்லனே.

சொற்பிரிப்பு

கதிர் ஆர் திங்கள் வாள் முக மாதர் பாட, கண்ணுதல்,முதிர் ஆர் திங்கள் சூடி, ஓர் ஆடல் மேய முக்கணன்-எதிர் ஆர் புனல் அம் புன்சடை எழில் ஆரும் சிற்றேமத்தான்;அதிர் ஆர் பைங்கண் ஏறு உடை ஆதிமூர்த்தி அல்லனே!

உரை

மூலத்தில் தமிழ் உரை இல்லை.

5

வானார்திங்கள் வாண்முக மாதர்பாட வார்சடைக்கூனார்திங்கள் சூடியோ ராடல்மேய கொள்கையான்தேனார்வண்டு பண்செயுந் திருவாருஞ்சிற் றேமத்தான்மானார்விழிநன் மாதொடும் மகிழ்ந்தமைந்தன் அல்லனே.

சொற்பிரிப்பு

வான் ஆர் திங்கள் வாள்முக மாதர் பாட, வார்சடைக்கூன் ஆர் திங்கள் சூடி, ஒர் ஆடல் மேய கொள்கையான்-தேன் ஆர் வண்டு பண்செயும் திரு ஆரும் சிற்றேமத்தான்;மான் ஆர் விழி நல் மாதொடும் மகிழ்ந்த மைந்தன் அல்லனே!

உரை

மூலத்தில் தமிழ் உரை இல்லை.

6

பனிவெண்டிங்கள் வாண்முக மாதர்பாடப் பல்சடைக்குனிவெண்டிங்கள் சூடியோ ராடல்மேய கொள்கையான்தனிவெள்விடையன் புள்ளினத் தாமஞ்சூழ்சிற் றேமத்தான்முனிவுமூப்பும் நீக்கிய முக்கண்மூர்த்தி அல்லனே.

சொற்பிரிப்பு

பனி வெண்திங்கள் வாள்முக மாதர் பாட, பல்சடைக்குனி வெண்திங்கள் சூடி, ஓர் ஆடல் மேய கொள்கையான்,தனி வெள்விடையன்—புள் இனத் தாமம் சூழ் சிற்றேமத்தான்;முனிவும் மூப்பும் நீங்கிய முக்கண் மூர்த்தி அல்லனே!

உரை

மூலத்தில் தமிழ் உரை இல்லை.

7

கிளருந்திங்கள் வாண்முக மாதர்பாடக் கேடிலாவளருந்திங்கள் சூடியோ ராடல்மேய மாதவன்தளிருங்கொம்பும் மதுவுமார் தாமஞ்சூழ்சிற் றேமத்தான்ஒளிரும்வெண்ணூல் மார்பனென் னுள்ளத்துள்ளான் அல்லனே.

சொற்பிரிப்பு

கிளரும் திங்கள் வாள் முக மாதர் பாடக், கேடு இலாவளரும் திங்கள் சூடி, ஓர் ஆடல் மேய மா தவன்-தளிரும் கொம்பும் மதுவும் ஆர் தாமம் சூழ் சிற்றேமத்தான்;ஒளிரும் வெண் நூல் மார்பன் என் உள்ளத்து உள்ளான் அல்லனே!

உரை

மூலத்தில் தமிழ் உரை இல்லை.

8

சூழ்ந்ததிங்கள் வாண்முக மாதர்பாடச் சூழ்சடைப்போழ்ந்ததிங்கள் சூடியோ ராடல்மேய புண்ணியன்தாழ்ந்தவயற்சிற் றேமத்தான் தடவரையைத்தன் தாளினால்ஆழ்ந்தஅரக்கன் ஒல்கஅன் றடர்த்தஅண்ணல் அல்லனே.

சொற்பிரிப்பு

சூழ்ந்த திங்கள் வாள் முக மாதர் பாட, சூழ்சடைப்போழ்ந்த திங்கள் சூடி, ஓர் ஆடல் மேய புண்ணியன்-தாழ்ந்த வயல் சிற்றேமத்தான்; தடவரையைத் தன் தாளினால்ஆழ்ந்த அரக்கன் ஒல்க, அன்று அடர்த்த அண்ணல் அல்லனே!

உரை

மூலத்தில் தமிழ் உரை இல்லை.

9

தனிவெண்டிங்கள் வாண்முக மாதர்பாடத் தாழ்சடைத்துணிவெண்டிங்கள் சூடியோ ராடல்மேய தொன்மையான்அணிவண்ணச்சிற் றேமத்தான் அலர்மேலந்த ணாளனும்மணிவண்ணனுமுன் காண்கிலா மழுவாட்செல்வன் அல்லனே.

சொற்பிரிப்பு

தணி வெண் திங்கள் வாள் முக மாதர் பாடத் தாழ்சடைத்துணி வெண் திங்கள் சூடியோர் ஆடல் மேய தொன்மையான்அணி வண்ணச் சிற்றேமத்தான் அலர் மேல் அந்தணாளனும்மணிவண்ணனும் முன் காண்கிலா மழுவாட் செல்வன் அல்லனே.

உரை

மூலத்தில் தமிழ் உரை இல்லை.

10

வெள்ளைத்திங்கள் வாண்முக மாதர்பாட வீழ்சடைப்பிள்ளைத்திங்கள் சூடியோ ராடல்மேய பிஞ்ஞகன்உள்ளத்தார்சிற் றேமத்தான் உருவார்புத்தர் ஒப்பிலாக்கள்ளத்தாரைத் தானாக்கியுட் கரந்துவைத்தான் அல்லனே.

சொற்பிரிப்பு

வெள்ளைத் திங்கள் வாள் முக மாதர் பாட வீழ்சடைப்பிள்ளைத் திங்கள் சூடியோர் ஆடல் மேய பிஞ்ஞகன்உள்ளத்து ஆர் சிற்றேமத்தான் உருஆர் புத்தர் ஒப்பு இலாக்கள்ளத்தாரைத் தான் ஆக்கி, உள் கரந்து வைத்தான் அல்லனே.

உரை

மூலத்தில் தமிழ் உரை இல்லை.

11

கல்லிலோதம் மல்குதண் கானல்சூழ்ந்த காழியான்நல்லவாய வின்றமிழ் நவிலும்ஞான சம்பந்தன்செல்வனூர்சிற் றேமத்தைப் பாடல்சீரார் நாவினால்வல்லராகி வாழ்த்துவார் அல்லலின்றி வாழ்வரே.

சொற்பிரிப்பு

கல்லில் ஓதம் மல்கு தண் கானல் சூழ்ந்த காழியான்,நல்ல ஆய இன்தமிழ் நவிலும் ஞானசம்பந்தன்செல்வன் ஊர் சிற்றேமத்தைப் பாடல் சீரார் நாவினால்வல்லராகி வாழ்த்துவார் அல்லல் இன்றி வாழ்வரே.

உரை

மூலத்தில் தமிழ் உரை இல்லை.